ന്യൂഡൽഹി: യോഗി ആദിത്യനാഥിൻെറ വൈറസ് പരാമർശത്തിൽ മുസ്ലിം ലീഗ് കേന്ദ്ര തെരഞ്ഞെടുപ്പ് കമീഷന് പരാതി നൽകും. ലീഗ് വൈസ് പ്രസിഡൻറ് ഇഖ്ബാൽ അഹമ്മദിൻെറ നേതൃത്വത്തിലുള്ള സംഘം ഇന്ന് കേന്ദ്ര തെരഞ്ഞെടുപ്പ് കമീഷന് പരാതി നൽകുമെന്നാണ് വിവരം. മുസ്ലിം ലീഗ് പാർട്ടിയും പതാകയും ദേശീയ തെരഞ്ഞെടുപ്പ് കമീഷൻ അംഗീകരിച്ചതാണെന്നും അതിനെ അവേഹളിച്ചുള്ള യോഗി ആദിത്യനാഥിൻെറ പ്രസ്താവന ചട്ടലംഘനമാണെന്നുമാണ് ലീഗ് പരാതിയിൽ ചൂണ്ടിക്കാട്ടുക.
മുസ്ലിം ലീഗ് വൈറസ് ആണെന്നും അത് ബാധിച്ചാൽ രക്ഷപ്പെടാനാവില്ലെന്നുമായിരുന്നു യു.പി മുഖ്യമന്ത്രി യോഗി ആദിത്യനാഥിൻെറ വിവാദ പ്രസ്താവന. പ്രധാന പ്രതിപക്ഷമായ കോൺഗ്രസിനെ ഈ വൈറസ് ബാധിച്ചിട്ടുണ്ടെന്നും കോൺഗ്രസ് ജയിച്ചാൽ അത് രാജ്യം മുഴുവൻ പടരുമെന്നും യോഗി ആദ്യത്യനാഥ് ട്വീറ്റ് ചെയ്തിരുന്നു.
രാഹുലിെൻറ വയനാട് സ്ഥാനാർഥിത്വത്തിന് പിന്നാലെയാണ് യോഗി ആദ്യത്യനാഥിെൻറ പരാമർശം. രാഷ്്ട്ര വിഭജനത്തിന് കാരണമായ അന്നത്തെ മുസ്ലിംലീഗും ഇന്നത്തെ കേരളത്തിലെ മുസ്ലിംലീഗും ഒന്നാണെന്ന് തെറ്റിദ്ധരിപ്പിക്കുന്ന വിധത്തിലായിരുന്നു യോഗിയുടെ ട്വീറ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.