മതം പരിഗണിക്കാതെ വിവാഹം രജിസ്റ്റർ ചെയ്ത്​ നൽകണം -ഹൈകോടതി

കൊ​ച്ചി: ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ൽ വി​വാ​ഹം ര​ജി​സ്റ്റ​ർ ചെ​യ്യാ​ൻ അ​പേ​ക്ഷ​ക​രു​ടെ മ​തം നോ​ക്കേ​ണ്ട​തി​ല്ലെ​ന്ന്​ ഹൈ​കോ​ട​തി. മാ​താ​പി​താ​ക്ക​ൾ ര​ണ്ട് മ​ത​ത്തി​ലു​ൾ​പ്പെ​ട്ട​വ​രാ​ണെ​ന്ന​ത് വി​വാ​ഹം ര​ജി​സ്റ്റ​ർ ചെ​യ്യാ​തി​രി​ക്കാ​നു​ള്ള കാ​ര​ണ​മ​ല്ല. നി​യ​മ​പ​ര​മാ​യ വി​വാ​ഹം ക​ഴി​ഞ്ഞ​താ​ണോ​യെ​ന്ന്​ മാ​ത്രം പ​രി​ശോ​ധി​ച്ചാ​ൽ മ​തി. സാ​മൂ​ഹി​ക പ​രി​ഷ്ക​ർ​ത്താ​ക്ക​ളാ​യ ശ്രീ​നാ​രാ​യ​ണ ഗു​രു​വും അ​യ്യ​ൻ​കാ​ളി​യും ജീ​വി​ച്ചി​രു​ന്ന മ​ണ്ണാ​ണി​ത്. ഇ​ഷ്ട​മു​ള്ള മ​ത​ത്തി​ൽ വി​ശ്വ​സി​ക്കാ​നും ആ​ചാ​ര​ങ്ങ​ൾ പി​ന്തു​ട​രാ​നും സ്വ​ത​ന്ത്ര്യ​മു​ള്ള മ​ത​നി​ര​പേ​ക്ഷ രാ​ജ്യ​മാ​ണി​തെ​ന്ന്​ ഓ​ർ​മ​വേ​ണ​മെ​ന്നും ജ​സ്റ്റി​സ്​ പി.​വി. കു​ഞ്ഞി​കൃ​ഷ്ണ​ൻ ചൂ​ണ്ടി​ക്കാ​ട്ടി.

അ​പേ​ക്ഷ​ക​രി​ൽ യു​വ​തി​യു​ടെ മാ​താ​വ്​ മു​സ്​​ലി​മാ​യ​തി​ന്‍റെ പേ​രി​ൽ ഹി​ന്ദു യു​വാ​വു​മാ​യു​ള്ള വി​വാ​ഹം ര​ജി​സ്റ്റ​ർ ചെ​യ്യാ​നാ​കി​ല്ലെ​ന്ന ഉ​ദ്യോ​ഗ​സ്ഥ​രു​ടെ നി​ല​പാ​ട് ചോ​ദ്യം​ചെ​യ്ത് ന​ൽ​കി​യ ഹ​ര​ജി അ​നു​വ​ദി​ച്ചാ​ണ്​ കോ​ട​തി​യു​ടെ നി​രീ​ക്ഷ​ണം.എ​റ​ണാ​കു​ളം ഉ​ദ​യം​പേ​രൂ​രി​ൽ താ​മ​സി​ക്കു​ന്ന പി.​ആ​ർ. ലാ​ല​നും ഭാ​ര്യ ഐ​ഷ​യും കൊ​ച്ചി കോ​ർ​പ​റേ​ഷ​നി​ലെ മാ​രേ​ജ്​ ഓ​ഫി​സ​റാ​യ സെ​ക്ര​ട്ട​റി​ക്ക്​ ന​ൽ​കി​യ അ​പേ​ക്ഷ​യാ​ണ്​ നി​ര​സി​ച്ച​ത്. 2001 ഡി​സം​ബ​ർ ര​ണ്ടി​നാ​ണ്​ ഹി​ന്ദു ആ​ചാ​ര പ്ര​കാ​രം വി​വാ​ഹം ന​ട​ന്ന​ത്.

യു​വ​തി​യു​ടെ അ​മ്മ മു​സ്​​ലിം ആ​യ​തി​നാ​ൽ സ്പെ​ഷ​ൽ മാ​രേ​ജ് ആ​ക്ട് പ്ര​കാ​ര​മേ വി​വാ​ഹം ര​ജി​സ​റ്റ​ർ ചെ​യ്യാ​നാ​കൂ എ​ന്ന നി​ല​പാ​ടാ​യി​രു​ന്നു അ​ധി​കൃ​ത​ർ​ക്ക്. ശ്രീ​നാ​രാ​യ​ണ ഗു​രു​വി​നെ​യും അ​യ്യ​ൻ​കാ​ളി​യെ​യും പി​ന്തു​ട​രു​ന്ന​വ​രാ​ണ് ന​മ്മ​ളെ​ന്ന് പ​റ​യു​ന്ന​തി​ൽ എ​ന്ത് അ​ർ​ഥ​മാ​ണു​ള്ള​തെ​ന്ന്​ ചോ​ദി​ച്ച കോ​ട​തി ഉ​ദ്യോ​ഗ​സ്ഥ​രു​ടെ നി​ല​പാ​ടി​ൽ അ​ത്ഭു​തം പ്ര​ക​ടി​പ്പി​ച്ചു. ഹ​ര​ജി​ക്കാ​രു​ടെ അ​പേ​ക്ഷ​യും നി​യ​മ​പ്ര​കാ​ര​മു​ള്ള ഡി​ക്ല​റേ​ഷ​നും പ​രി​ഗ​ണി​ച്ച് ര​ണ്ടാ​ഴ്ച​ക്ക​കം വി​വാ​ഹം ര​ജി​സ്റ്റ​ർ ചെ​യ്ത് ന​ൽ​കാ​ൻ കോ​ട​തി ഉ​ത്ത​ര​വി​ട്ടു. ഉ​ത്ത​ര​വി​ന്‍റെ പ​ക​ർ​പ്പ്​ ത​ദ്ദേ​ശ സ്വ​യം​ഭ​ര​ണ​ സെ​ക്ര​ട്ട​റി​ക്ക്​​ കൈ​മാ​റാ​നും ഇ​തി​ന്‍റെ അ​ടി​സ്ഥാ​ന​ത്തി​ൽ സ​ർ​ക്കു​ല​ർ പു​റ​പ്പെ​ടു​വി​ക്കാ​നുംകോടതി നി​ർ​ദേ​ശി​ച്ചു.