പി.കെ. ബാലകൃഷ്ണന്റെ കുലക്കാറായ തെങ്ങ് കാട്ടാന നശിപ്പിച്ച നിലയിൽ
സുൽത്താൻ ബത്തേരി: നായ്ക്കട്ടി മൂലവയൽ പ്രദേശത്ത് കാട്ടാനശല്യം രൂക്ഷമായതോടെ പ്രദേശവാസികൾ ഭീതിയിൽ. കഴിഞ്ഞ ദിവസം പി.കെ ബാലകൃഷ്ണന്റെ കുലക്കാറായ തെങ്ങുകൾ, വീടിന് മുന്നിലെ മുളകൾ എന്നിവ നശിപ്പിച്ചു. എ.വി. ശ്യാംകുമാറിന്റെ ഫെൻസിങ് തകർത്തു.
ശ്യാം കുമാറിന് വലിയ നഷ്ടമാണ് ഉണ്ടായത്. ഒരാഴ്ച മുമ്പും കാട്ടാന ഫെൻസിങ് തകർത്തിരുന്നു. ദിവസങ്ങൾക്ക് മുമ്പ് വി.എം. അബൂബക്കർ, എ.യു. നാസർ എന്നിവരുടെ വീടിന് സമീപം കാട്ടാനയെത്തി കാർഷിക വിളകൾ നശിപ്പിച്ചിരുന്നു. കാട്ടാനശല്യം രൂക്ഷമായതോടെ പുറത്തിറങ്ങി നടക്കാൻ ഭയപ്പെടുകയാണ് പ്രദേശവാസികൾ. കാട്ടാനകൾ നാട്ടിലിറങ്ങുന്നത് തടയാൻ ശക്തമായ നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.