മാനന്തവാടി: കാട്ടാന മറിച്ചിട്ട തെങ്ങ് വീടിന് മുകളിലേക്ക് വീണ് യുവതിക്ക് ഗുരുതര പരിക്ക്. തൃശിലേരി മുത്തുമാരിയിൽ ചെല്ലിമറ്റം ഷിനോജിന്റെ ഭാര്യ സോഫിക്കാണ് ഗുരുതരമായി പരിക്കേറ്റത്. വെള്ളിയാഴ്ച പുലർച്ച രണ്ടരയോടെയാണ് സംഭവം. പറത്തോട്ടിയിൽ മോൻസിയുടെ വീട്ടിലാണ് സോഫിയും കുടുംബവും വാടകക്ക് താമസിച്ചുവരുന്നത്. പുലർച്ച രണ്ടരയോടെ വീടിന് സമീപമെത്തിയ കാട്ടാന തെങ്ങ് ചവിട്ട് മറിച്ചിടുകയായിരുന്നു. വീടിന് മുകളിലേക്കാണ് തെങ്ങ് വീണത്.
തുടർന്ന് വീടിന്റെ മേൽക്കൂരയിലെ ഭാഗങ്ങളും തേങ്ങയും പതിച്ചാണ് വീട്ടിനുള്ളിൽ ഉറങ്ങുകയായിരുന്ന സോഫിക്ക് പരിക്കേറ്റത്. ദേഹത്ത് ചതവുകളും മുറിവുകളും പറ്റിയ സോഫിയെ വയനാട് മെഡിക്കൽ കോളജിൽ പ്രവേശിപ്പിച്ചു. ഇവരുടെ കൂടെയുണ്ടായിരുന്ന കുട്ടിക്ക് നിസ്സാര പരിക്കേറ്റു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.