മാനന്തവാടിയിലെ സംയുക്ത ക്രിസ്മസ് ആഘോഷം മലബാർ ഭദ്രാസനാധിപൻ ഡോ. ഗീവർഗീസ് മാർ സ്തെഫാനോസ് ഉദ്ഘാടനം ചെയ്യുന്നു
മാനന്തവാടി: എക്യുമെനിക്കൽ ക്രിസ്ത്യൻ ഫോറത്തിന്റെ ആഭിമുഖ്യത്തിൽ നടന്ന സംയുക്ത ക്രിസ്മസ് ആഘോഷം മാനന്തവാടിയെ വർണാഭമാക്കി. മാനന്തവാടി പ്രദേശത്തുള്ള വിവിധ അപ്പസ്തോലിക സഭകളുടെ ആഭിമുഖ്യത്തിലാണ് ക്രിസ്മസ് റാലിയും പൊതുസമ്മേളനവും വിവിധ കലാപരിപാടികളും നടന്നത്. കണിയാരം സെന്റ് ജോസഫ്സ് കത്തീഡ്രൽ ദേവാലയത്തിൽനിന്ന് ആരംഭിച്ച റാലി വികാരി ഫാ. സണ്ണി വാഴക്കാട്ടും സെന്റ് ജോർജ് യാക്കോബായ ദേവാലയത്തിൽനിന്ന് ആരംഭിച്ച റാലി വികാരി ഫാ. ബേബി പൗലോസും ഫ്ലാഗ് ഓഫ് ചെയ്തു.
രണ്ട് റാലികളും ഗാന്ധി പാർക്കിൽ സംഗമിച്ച് ടൗൺ ചുറ്റി ലിറ്റിൽ ഫ്ലവർ സ്കൂൾ ഗ്രൗണ്ടിൽ സമാപിച്ചു. മനുഷ്യാ നീ നിന്നെത്തന്നെ വിലമതിക്കുക ഒപ്പം മറ്റു മനുഷ്യരെയും എന്നാണ് ക്രിസ്മസ് നൽകുന്ന സന്ദേശമെന്ന് പൊതുസമ്മേളനം ഉദ്ഘാടനം ചെയ്ത മലബാർ ഭദ്രാസനാധിപൻ ഡോ. ഗീവർഗീസ് മാർ സ്തെഫാനോസ് മെത്രാപ്പോലീത്ത പറഞ്ഞു. എക്യുമെനിക്കൽ ഫോറം പ്രസിഡന്റ് ഫാ. റോയി വലിയപറമ്പിൽ അധ്യക്ഷത വഹിച്ചു. സിസ്റ്റർ ആനി പോൾ ബൈബിൾ പാരായണം നടത്തി. നഗരസഭ ഉപാധ്യക്ഷൻ ജേക്കബ് സെബാസ്റ്റ്യൻ, കത്തീഡ്രൽ വികാരി ഫാ. സോണി വാഴക്കാട്ട്, സിസ്റ്റർ സ്റ്റഫീന, ജയിംസ് മനേലിൽ, എം.കെ. പാപ്പച്ചൻ, കെ.എം. ഷിനോജ്, സോയി ആന്റണി, ജോസ് കിഴക്കേൽ എന്നിവർ സംസാരിച്ചു. വിവിധ ദേവാലയങ്ങളുടെ നേതൃത്വത്തിൽ വൈവിധ്യമാർന്ന കലാപരിപാടികളും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.