വഴിയോര കച്ചവടക്കാർക്കെതിരെ വടിയെടുത്ത് മേപ്പാടി പഞ്ചായത്ത്

മേ​പ്പാ​ടി: വ​ഴി​യോ​ര ക​ച്ച​വ​ട​ക്കാ​രെ ഒ​ഴി​പ്പി​ക്കാ​ൻ മേ​പ്പാ​ടി ഗ്രാ​മ​പ​ഞ്ചാ​യ​ത്ത് നോ​ട്ടീ​സ് ന​ൽ​കി. മൂ​പ്പൈ​നാ​ട് ജ​ങ്ഷ​ൻ മു​ത​ൽ പ​ഞ്ച​മി വ​രെ​യു​ള്ള വ​ഴി​യോ​ര ക​ച്ച​വ​ട​ക്കാ​രോ​ട് ഒ​രു മു​ന്ന​റി​യി​പ്പു​മി​ല്ലാ​തെ ഒ​ഴി​ഞ്ഞു​പോ​ക​ണ​മെ​ന്നാ​ണ് ഗ്രാ​മ പ​ഞ്ചാ​യ​ത്ത​ധി​കൃ​ത​ർ ആ​വ​ശ്യ​പ്പെ​ട്ടി​രി​ക്കു​ന്ന​ത്. ധൃ​തി​പി​ടി​ച്ചു​ള്ള നീ​ക്കം മു​ണ്ട​ക്കൈ, ചൂ​ര​ൽ​മ​ല ദു​ര​ന്ത​ത്തി​ന്റെ ഇ​ര​ക​ൾ ജീ​വി​തം ക​രു​പ്പി​ടി​പ്പി​ക്കാ​നാ​യി തു​ട​ങ്ങി​യ വ​ഴി​യോ​ര ക​ച്ച​വ​ട​ങ്ങ​ളെ​യ​ട​ക്കം ഭീ​ഷ​ണി​യി​ലാ​ക്കു​ന്ന​താ​യി ആ​രോ​പ​ണ​മു​യ​ർ​ന്നി​ട്ടു​ണ്ട്.

2018ൽ ​അ​ന്ന​ത്തെ ഭ​ര​ണ​സ​മി​തി പൊ​തു​മ​രാ​മ​ത്ത് വ​കു​പ്പി​ന്റെ അ​നു​മ​തി വാ​ങ്ങി ടൗ​ണി​ലെ പെ​ട്ടി​ക്ക​ട​ക​ൾ പൊ​ളി​ച്ചു​നീ​ക്കു​ക​യും വ​ഴി​യോ​ര ക​ച്ച​വ​ട​ത്തി​ന് നി​യ​ന്ത്ര​ണ​മേ​ർ​പ്പെ​ടു​ത്തു​ക​യും ചെ​യ്തി​രു​ന്നു. വ​ഴി​യോ​ര ക​ച്ച​വ​ട​ക്കാ​ർ​ക്ക് ടൗ​ണി​ൽ മൂ​ന്നു ഭാ​ഗ​ത്തു മാ​ത്ര​മാ​യി ക​ച്ച​വ​ടം ചെ​യ്യു​ന്ന​തി​ന് അ​നു​മ​തി ന​ൽ​കു​ക​യും ചെ​യ്തു. റോ​ഡി​ന്റെ വ​ശ​ങ്ങ​ളി​ൽ ന​ട​പ്പാ​ത​ക​ൾ നി​ർ​മി​ക്കു​ന്ന​തി​നാ​ണ് പെ​ട്ടി​ക്ക​ട​ക​ൾ പൊ​ളി​ച്ചു​നീ​ക്കു​ന്ന​തെ​ന്ന് പ​റ​യു​ക​യും ചെ​യ്തി​രു​ന്നു. എ​ന്നാ​ൽ ഒ​ന്നും ന​ട​ന്നി​ല്ല. ചൊ​വ്വാ​ഴ്ച രാ​ത്രി​യി​ലാ​ണ് പ​ഞ്ചാ​യ​ത്ത​ധി​കൃ​ർ നോ​ട്ടീ​സു​മാ​യി ഇ​റ​ങ്ങി​യ​ത്.

ഇ​തി​ന്റെ വി​ഡി​യോ പ​ക​ർ​ത്തു​ന്ന​തു​മാ​യി ബ​ന്ധ​പ്പെ​ട്ട് ക​ച്ച​വ​ട​ക്കാ​രു​മാ​യി വാ​ക്കു​ത​ർ​ക്ക​വും ന​ട​ന്നു. ചെ​മ്പോ​ത്തി സ്വ​ദേ​ശി​ക​ളാ​യ ബ​ഷീ​ർ-​ലൈ​ല ദ​മ്പ​തി​ക​ൾ പ​ഞ്ച​മി ജം​ങ്ഷ​നി​ൽ 16 വ​ർ​ഷ​മാ​യി റോ​ഡ​രി​കി​ൽ ചാ​യ​ക്ക​ച്ച​വ​ടം ന​ട​ത്തു​ന്നു. ഷ​ഫീ​ഖ് എ​ന്ന ഭി​ന്ന​ശേ​ഷി​ക്കാ​ര​ൻ ഒ​രു വ​ർ​ഷ​മാ​യി ഇ​വി​ടെ പ​ഴ​ക്ക​ച്ച​വ​ടം ന​ട​ത്തു​ന്നു​ണ്ട്. ഉ​രു​ൾ​ദു​ര​ന്ത​ത്തി​നി​ര​യാ​യി വീ​ട​ട​ക്കം എ​ല്ലാം ന​ഷ്ട​പ്പെ​ട്ട ടാ​ക്സി ഡ്രൈ​വ​റാ​യി​രു​ന്ന ചൂ​ര​ൽ​മ​ല സ്വ​ദേ​ശി ഷ​മീ​ർ ജീ​വി​തം മു​ന്നോ​ട്ടു​കൊ​ണ്ടു പോ​കാ​ൻ പ​ഞ്ച​മി​യി​ൽ ചെ​റി​യ പ​ച്ച​ക്ക​റി ക​ച്ച​വ​ടം തു​ട​ങ്ങി​യി​ട്ട് ഒ​രു മാ​സ​മേ ആ​യി​ട്ടു​ള്ളൂ. ഇ​വ​രെ​ല്ലാം ഇ​പ്പോ​ൾ വ​ലി​യ ആ​ശ​ങ്ക​യി​ലാ​ണ്.

റോ​ഡ് വീ​തി​കൂ​ട്ട​ലോ അ​ത്ത​ര​ത്തി​ലു​ള്ള വി​ക​സ​ന പ​ദ്ധ​തി​ക​ളോ ഒ​ന്നും ഇ​പ്പോ​ൾ നി​ല​വി​ലി​ല്ല. അ​തി​നാ​ൽ, ആ​രു​ടേ​യോ താ​ൽ​പ​ര്യം സം​ര​ക്ഷി​ക്കാ​നാ​ണ് പ​ഞ്ചാ​യ​ത്ത​ധി​കൃ​ത​ർ ഇ​റ​ങ്ങി​യി​രി​ക്കു​ന്ന​തെ​ന്ന ആ​ക്ഷേ​പ​വും ഉ​യ​ർ​ന്നി​ട്ടു​ണ്ട്.