മജിസ്ട്രേറ്റ് ഇല്ല; വെള്ളനാട് ഗ്രാമ ന്യായാലയം പ്രവര്‍ത്തനം താളംതെറ്റി

ആ​ര്യ​നാ​ട്: മ​ജി​സ്ട്രേ​റ്റ് ഇ​ല്ലാ​താ​യ​തോ​ടെ വെ​ള്ള​നാ​ട് ഗ്രാ​മ ന്യാ​യാ​ല​യ​ത്തി​ന്‍റെ പ്ര​വ​ര്‍ത്ത​നം താ​ളം​തെ​റ്റി. മ​ജി​സ്ട്രേ​റ്റ് സ്ഥ​ലം മാ​റി​പ്പോ​യി മാ​സ​ങ്ങ​ൾ പി​ന്നി​ട്ടി​ട്ടും പ​ക​ര​ക്കാ​ര​നാ​യ നി​യ​മി​ക്കാ​ത്ത​താ​ണ് പ്ര​വ​ർ​ത്ത​ന​ങ്ങ​ൾ താ​ളം​തെ​റ്റാ​ൻ കാ​ര​ണം. 2016 ന​വം​ബ​ർ 19ന് ​പ്ര​വ​ർ​ത്ത​നം തു​ട​ങ്ങി​യ വെ​ള്ള​നാ​ട് ഗ്രാ​മ ന്യാ​യാ​ല​യം തു​ട​ക്ക​കാ​ല​ത്ത് ദി​വ​സ​വും പ്ര​വ​ര്‍ത്തി​ച്ചി​രു​ന്നു. പി​ന്നീ​ട​തി​ന്‍റെ പ്ര​വ​ര്‍ത്ത​നം ആ​ഴ്ച​യി​ൽ ര​ണ്ട് ദി​വ​സ​മാ​യി ചു​രു​ങ്ങി. ഇ​തി​നി​ടെ മാ​സ​ങ്ങ​ളോ​ളം കേ​സു​ക​ള്‍ കൈ​കാ​ര്യം​ചെ​യ്യാ​ത്ത സ്ഥി​തി​യു​മു​ണ്ടാ​യി.

ആ​ര്യ​നാ​ട്, കാ​ട്ടാ​ക്ക​ട, വി​തു​ര എ​ന്നീ പൊ​ലീ​സ് സ്റ്റേ​ഷ​നു​ക​ളു​ടെ പ​രി​ധി​യി​ൽ വ​രു​ന്ന കേ​സു​ക​ളാ​ണ് വെ​ള്ള​നാ​ട് ഗ്രാ​മ​ന്യാ​യാ​ല​യ​ത്തി​ൽ എ​ത്തി​യി​രു​ന്ന​ത്. അ​ര​ല​ക്ഷം രൂ​പ വ​രെ​യു​ള്ള സി​വി​ൽ കേ​സു​ക​ളും ആ​റു​മാ​സ​ത്തി​ല്‍ താ​ഴെ ശി​ക്ഷ​വി​ധി​ക്കാ​വു​ന്ന കേ​സു​ക​ളു​മാ​ണ് ഇ​വി​ടെ ന​ട​ത്തി​യി​രു​ന്ന​ത്. എ​ന്നാ​ല്‍, മ​ജി​സ്ട്രേ​റ്റി​ന്‍റെ ക​സേ​ര ഒ​ഴി​ഞ്ഞു​കി​ട​ക്കാ​ന്‍ തു​ട​ങ്ങി​യ​തോ​ടെ ഇ​വി​ടെ വ​രു​ന്ന കേ​സു​ക​ൾ ഫ​യ​ലി​ങ് ചെ​യ്ത് അ​ത​ത് പൊ​ലീ​സ് സ്റ്റേ​ഷ​നു​ക​ൾ വ​ഴി പ്ര​തി​ക​ൾ​ക്ക് സ​മ​ൻ​സ് അ​യ​ക്കു​ക​യാ​ണ് ചെ​യ്യു​ന്ന​ത്. വീ​ണ്ടും അ​റി​യി​പ്പ് ല​ഭി​ച്ച ശേ​ഷം ഗ്രാ​മ​ന്യാ​യാ​ല​യ​ത്തി​ൽ എ​ത്തി​യാ​ൽ മ​തി​യെ​ന്നും സ​മ​ൻ​സ് കൈ​പ്പ​റ്റു​ന്ന​വ​രെ അ​റി​യി​ക്കും.

സെ​ക്ര​ട്ട​റി ഉ​ൾ​പ്പെ​ടെ പ​ത്തു​പേ​ർ ഇ​വി​ടെ കോ​ട​തി ജീ​വ​ന​ക്കാ​രാ​യു​ണ്ടാ​യി​രു​ന്നു. എ​ന്നാ​ലി​പ്പോ​ൾ ജീ​വ​ന​ക്കാ​രും പ​കു​തി​യാ​യി. മ​ജി​സ്ട്രേ​റ്റും, ആ​വ​ശ്യ​ത്തി​നു​ള്ള ജീ​വ​ന​ക്കാ​രെ​യും നി​യ​മി​ച്ച് വെ​ള്ള​നാ​ട് ഗ്രാ​മ ന്യാ​യാ​ല​യ​ത്തി​ന്‍റെ പ്ര​വ​ര്‍ത്ത​നം ത​ട​സ്സ​മി​ല്ലാ​തെ തു​ട​ര​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.