എസ്.എസ്.എൽ.സി പരീക്ഷയിൽ ഉന്നത വിജയം നേടിയ കാർമൽ സ്കൂളിലെ കുട്ടികളുടെ ആഹ്ലാദം
തിരുവനന്തപുരം: എസ്.എസ്.എൽ.സി പരീക്ഷയിൽ ജില്ലയിൽ 97.99 ശതമാനം വിദ്യാർഥികൾ ഉന്നതവിദ്യാഭ്യാസത്തിന് യോഗ്യത നേടി. സംസ്ഥാനത്ത് വിജയശതമാനത്തിൽ ഏറ്റവും പിന്നിൽ ഇത്തവണയും തിരുവനന്തപുരമാണ്. കഴിഞ്ഞ വർഷം 98.59 ശതമാനമായിരുന്നു വിജയം. ഇത്തവണ പരീക്ഷ എഴുതിയ 32,877 വിദ്യാർഥികളിൽ 32,218 പേർ ഉന്നത വിദ്യാഭ്യാസത്തിന് യോഗ്യത നേടി. 16,530 ആൺകുട്ടികളിൽ 16,174പേരും 16,347 പെൺകുട്ടികളിൽ 16,044 പേരുമാണ് യോഗ്യത നേടിയത്. 2313 വിദ്യാർഥികൾക്ക് എല്ലാ വിഷയത്തിനും എ പ്ലസ് ലഭിച്ചു. (ആൺ. -721, പെൺ. -1592). കഴിഞ്ഞ വർഷം 4938 വിദ്യാർഥികൾക്കാണ് എല്ലാ വിഷയത്തിനും എ പ്ലസ് ലഭിച്ചത്.
വിദ്യാഭാസ ജില്ലകളിൽ നെയ്യാറ്റിൻകരയാണ് വിജയശതമാനത്തിൽ ഒന്നാമത്. 10,411 വിദ്യാർഥികൾ പരീക്ഷ എഴുതിയതിൽ 10,240 പേർ ഉന്നത വിദ്യാഭ്യാസത്തിന് യോഗ്യത നേടി. 98.36 ശതമാനമാണ് വിജയം. 623 വിദ്യാർഥികൾക്ക് എല്ലാ വിഷയത്തിനും എ പ്ലസ് ലഭിച്ചു. ആറ്റിങ്ങൽ വിദ്യാഭ്യാസ ജില്ലയിൽ 98.19 ശതമാനംപേർ യോഗ്യത നേടി. പരീക്ഷ എഴുതിയ 12,399 വിദ്യാർഥികളിൽ 12,174 പേർ യോഗ്യത നേടി. 1082 വിദ്യാർഥികൾക്ക് ഫുൾ എ പ്ലസ്. 10,067 വിദ്യാർഥികളിൽ 9804 പേർ യോഗ്യത നേടിയ തിരുവനന്തപുരം വിദ്യാഭ്യാസ ജില്ലയിൽ 97.39 ശതമാനമാണ് വിജയം. 608 വിദ്യാർഥികൾക്കാണ് എല്ലാ വിഷയത്തിനും എ പ്ലസ്.
തിരുവനന്തപുരം: എസ്.എസ്.എൽ.സി പരീക്ഷയിൽ എസ്.സി വിഭാഗത്തിന് ജില്ലയിൽ 98.53 ശതമാനം പേർ ഉന്നത വിദ്യാഭ്യാസത്തിന് യോഗ്യത നേടി. പരീക്ഷയെഴുതിയ 273 പേരിൽ 269 പേർ ജയിച്ചു. തിരുവനന്തപുരം വിദ്യാഭ്യാസ ജില്ലയിലും (56), നെയ്യാറ്റിൻകരയിലും (59) 100 ശതമാനമാണ് യോഗ്യത. ആറ്റിങ്ങലിൽ 158 പേരിൽ 154 പേർക്കാണ് യോഗ്യത. എസ്.ടി വിഭാഗത്തിൽ പരീക്ഷ എഴുതിയ 4756 പേരിൽ 4524 പേർ യോഗ്യത നേടി. 95.12 ശതമാനം. ആറ്റിങ്ങൽ -1993 (2107), തിരുവനന്തപുരം -1383 (1451), നെയ്യാറ്റിൻകര -1148 (1198) എന്നിങ്ങനെയാണ് യോഗ്യത നേടിയവരുടെ എണ്ണം.
ഒ.ബി.സി വിഭാഗത്തിൽ 21,341 വിദ്യാർഥികൾ പരീക്ഷയെഴുതി. 21,010 പേർ യോഗ്യത നേടി. വിജയശതമാനം 98.45. ആറ്റിങ്ങൽ -7722 (7810), തിരുവനന്തപുരം 5996 (6144), നെയ്യാറ്റിൻകര -7292 (7387) എന്നിങ്ങനെയാണ് വിദ്യാഭ്യാസ ജില്ല തിരിച്ചുള്ള കണക്ക്. ജനറൽ വിഭാഗത്തിൽ 5568ൽ 5511 പേർ യോഗ്യത നേടി. 98.98 ശതമാനം. ആറ്റിങ്ങൽ -2081 (2093), തിരുവനന്തപുരം -2040 (2072), നെയ്യാറ്റിൻകര -1390 (1403). ഒ.ഇ.സി വിഭാഗത്തിൽ പരീക്ഷയെഴുതിയ 273 പേരിൽ 269 പേർക്കാണ് യോഗ്യത. വിജയശതമാനം 98.53. ആറ്റിങ്ങൽ -224 (231), തിരുവനന്തപുരം -329 (344), നെയ്യാറ്റിൻകര -351 (264).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.