താലൂക്ക് ആശുപത്രിയിൽ ഭീകരാന്തരീക്ഷം സൃഷ്ടിച്ച് മൂന്നംഗ സംഘം ആ​ശു​പ​ത്രി​യി​ൽ നാ​ശ​ന​ഷ്ടം വ​രു​ത്തി

ആ​റ്റി​ങ്ങ​ൽ: വ​ലി​യ​കു​ന്ന് ഗ​വ. താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ​ക്കെ​ത്തി​യ മൂ​ന്നം​ഗ സം​ഘം ഭീ​ക​രാ​ന്ത​രീ​ക്ഷം സൃ​ഷ്ടി​ച്ചു. ആ​ശു​പ​ത്രി ഉ​പ​ക​ര​ണ​ങ്ങ​ൾ ന​ശി​പ്പി​ച്ചു. പൊ​ലീ​സ് ഉ​ദ്യോ​ഗ​സ്ഥ​ർ​ക്കും മ​ർ​ദ​ന​മേ​റ്റു. അ​തി​ക്ര​മം ന​ട​ത്തി​യ മൂ​ന്നു​പേ​രെ പൊ​ലീ​സ് പി​ടി​കൂ​ടി. വെ​യി​ലൂ​ർ ചെ​മ്പ​ക​മം​ഗ​ലം കൈ​ലാ​ത്തു​കോ​ണം അ​രു​ൺ (30 -വ​ലി​യ​കു​ളം ജി​ത്തു), വെ​യി​ലൂ​ർ ശാ​സ്ത​വ​ട്ടം കി​ഴ​ക്കേ​മു​ക്ക് ആ​ലു​വി​ള വീ​ട്ടി​ൽ വി​ഷ്ണു (29 -ക​രിം​ഭാ​യി), മേ​ൽ​തോ​ന്ന​യ്ക്ക​ൽ വേ​ങ്ങോ​ട് മ​ഞ്ഞു​മ​ല അ​നീ​ഷ് ഭ​വ​നി​ൽ അ​നീ​ഷ് (30) എ​ന്നി​വ​രാ​ണ് പി​ടി​യി​ലാ​യ​ത്.

ചൊ​വ്വാ​ഴ്ച രാ​ത്രി പ​തി​നൊ​ന്നോ​ടെ​യാ​ണ് സം​ഭ​വം. മം​ഗ​ല​പു​രം സ്റ്റേ​ഷ​നി​ലെ റൗ​ഡി ലി​സ്റ്റി​ൽ ഉ​ൾ​പ്പെ​ട്ട വി​ഷ്ണു​വും കൂ​ട്ടാ​ളി​ക​ളു​മാ​ണ് ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​ത്. വീ​ണു പ​രി​ക്കേ​റ്റ ആ​ളു​മാ​യാ​ണ് സം​ഘം ആ​ശു​പ​ത്രി​യി​ൽ എ​ത്തി​യ​ത്. രോ​ഗി​യെ പ​രി​ശോ​ധി​ക്കാ​ൻ ആ​ശു​പ​ത്രി ജീ​വ​ന​ക്കാ​ർ ശ്ര​മി​ക്കു​ന്ന​തി​നി​ടെ​യാ​ണ് പ്ര​ശ്നം തു​ട​ങ്ങി​യ​ത്. ആ​ദ്യം പ്ര​തി​ക​ൾ ത​മ്മി​ൽ ത​ർ​ക്കി​ക്കു​ക​യും പ​ര​സ്പ​രം പി​ടി​ച്ചു ത​ള്ളു​ക​യും ചെ​യ്തു. ഇ​ത് അ​ത്യാ​ഹി​ത​വി​ഭാ​ഗ​ത്തി​ലെ രോ​ഗി​ക​ളു​ടെ ചി​കി​ത്സ​യെ ബാ​ധി​ച്ചു. രോ​ഗി​ക​ളും കൂ​ടെ വ​ന്ന​വ​രും ഉ​ൾ​പ്പെ​ടെ ഭ​യ​ന്നു. ഡ്യൂ​ട്ടി​യി​ലു​ണ്ടാ​യി​രു​ന്ന ഡോ​ക്ട​റോ​ടും ജീ​വ​ന​ക്കാ​രോ​ടും അ​പ​മ​ര്യാ​ദ​യാ​യി പെ​രു​മാ​റി​യ പ്ര​തി​ക​ൾ തൊ​ട്ടു പി​ന്നാ​ലെ ആ​ക്ര​മ​ണം അ​ഴി​ച്ചു​വി​ട്ടു. ഓ​ക്സി​ജ​ൻ സി​ലി​ണ്ട​റും ഇ.​സി.​ജി മെ​ഷീ​നും ബെ​ഡും ന​ശി​പ്പി​ച്ചു.

ആ​ശു​പ​ത്രി ജീ​വ​ന​ക്കാ​ർ അ​റി​യ​ച്ച​ത് പ്ര​കാ​രം പൊ​ലീ​സ് സ്ഥ​ല​ത്തെ​ത്തി. ഇ​തി​ന​കം നി​ര​വ​ധി ബൈ​ക്കു​ക​ളി​ലാ​യി കൂ​ടു​ത​ൽ ക്രി​മി​ന​ൽ സം​ഘ​ങ്ങ​ൾ സ്ഥ​ല​ത്തെ​ത്തി. പൊ​ലീ​സി​നെ ക​ണ്ട​യു​ട​ൻ മ​റ്റു​ള്ള​വ​ർ ഓ​ടി ര​ക്ഷ​പ്പെ​ട്ടു. അ​ത്യാ​ഹി​ത വി​ഭാ​ഗ​ത്തി​ന് അ​ക​ത്തു​ണ്ടാ​യി​രു​ന്ന പ്ര​തി​ക​ൾ എ.​എ​സ്.​ഐ ജി​ഹാ​ദി​നെ ആ​ക്ര​മി​ച്ചു. ഇ​തി​ന​കം ആ​റ്റി​ങ്ങ​ൽ സ്റ്റേ​ഷ​നി​ൽ നി​ന്ന് കൂ​ടു​ത​ൽ പൊ​ലീ​സ് സം​ഘം സ്ഥ​ല​ത്തെ​ത്തി മൂ​ന്നു​പേ​രെ​യും ക​സ്റ്റ​ഡി​യി​ലെ​ടു​ത്തു. പ്ര​തി​ക​ൾ വ​ന്ന വാ​ഹ​ന​ത്തി​ൽ നി​ന്ന് വ​ടി​വാ​ളും വെ​ട്ടു​ക​ത്തി​യും ക​ണ്ടെ​ടു​ത്തു. പോ​ലീ​സി​നെ ആ​ക്ര​മി​ച്ച സം​ഭ​വ​ത്തി​ൽ വി​ഷ്ണു​വി​നെ​തി​രെ​യും ആ​ശു​പ​ത്രി​യി​ൽ ആ​ക്ര​മ​ണം ന​ട​ത്തി​യ കേ​സി​ൽ മൂ​ന്നു​പേ​ർ​ക്കെ​തി​രെ​യും കേ​സ് എ​ടു​ത്തു.