പൊതുസമ്പത്ത് വിറ്റുതുലക്കുന്നത് ദേശദ്രോഹം- വി.എം. സുധീരന് ശംഖുംമുഖം: രാജ്യത്തിൻെറ അഭിമാനമായ പൊതുസമ്പത്ത് കേന്ദ്രസര്ക്കാര് വിറ്റുതുലക്കുന്നത് ദേശദ്രോഹകരമായ നടപടിയെന്ന് വി.എം. സുധീരന്. തിരുവനന്തപുരം വിമാനത്താവളം സ്വകാര്യവത്കരിക്കുന്നതിനെതിരെ എയര്പോര്ട്ട് അതോറിറ്റി എംപ്ലോയീസ് യൂനിയൻെറ നേതൃത്വത്തില് ആരംഭിച്ച അനിശ്ചിതകാല റിലേ നിരാഹാര സത്യഗ്രഹസമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അദാനിക്ക് വിമാനത്താവളത്തോടല്ല വിമാനത്താവളം നിലനില്ക്കുന്ന ഭൂമിയോടാണ് താല്പര്യം. ഡല്ഹി, മുംബൈ വിമാനത്താവളങ്ങള് സ്വകാര്യവത്കരിക്കാന് മുന് യു.പി.എ സര്ക്കാറിൻെറ ഭാഗത്തുനിന്നുണ്ടായ തീരുമാനം തെറ്റായിരുന്നെന്നും ഇപ്പോള് ആ വിമാനത്താവളങ്ങളുടെ നടത്തിപ്പില് വൻ അഴിമതികളാണ് പുറത്തുവന്നുകൊണ്ടിരിക്കുന്നതെന്നും സുധീരന് പറഞ്ഞു. എയര്പോര്ട്ട് അതോറിറ്റി എംപ്ലോയീസ് യൂനിയന് പ്രസിഡൻറ് സുരേഷ് സ്വാഗതവും സെക്രട്ടറി അജിത്ത് നന്ദിയും പറഞ്ഞു. പടം ക്യാപ്ഷന്: തിരുവനന്തപുരം വിമാനത്താവളം സ്വകാര്യവത്കരിക്കുന്നതിനെതിരെ എയര്പോര്ട്ട് അതോറിറ്റി എംപ്ലോയീസ് യൂനിയൻെറ നേതൃത്വത്തില് ആരംഭിച്ച അനിശ്ചിതകാല റിലേ നിരാഹാര സത്യഗ്രഹസമരം വി.എം. സുധീരന് ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.