നിർധന കുടുംബത്തിന് നിർമിച്ച വീടി​െൻറ താക്കോൽ കൈമാറി

നിർധന കുടുംബത്തിന് നിർമിച്ച വീടി​ൻെറ താക്കോൽ കൈമാറി കിളിമാനൂർ: നിരവധി സാംസ്കാരിക പ്രവർത്തനങ്ങൾക്ക് നേതൃത്വം നൽകുന്ന കിളിമാനൂർ കെ.എം. ജയദേവൻ മാസ്​റ്റർ സ്മാരക പെയിൻ ആൻഡ്​ പാലിയേറ്റിവ് കെയർ സൊസൈറ്റി നിർമിച്ചുനൽകിയ വീടി​ൻെറ താക്കോൽ കൈമാറി. പള്ളിക്കൽ മൂതല ചെമ്മരം സ്വദേശിയായ അനിൽകുമാറി​ൻെറ കുടുംബത്തിനാണ്​ 'സാഫല്യം' എന്ന പേരിൽ സൊസൈറ്റി വീട് നിർമിച്ചു നൽകിയത്. പ്രവാസിയായിരുന്ന അനിൽ കുമാർ സ്വകാര്യ പണമിടപാടു സ്ഥാപനത്തി​ൻെറ ഭീഷണിയെ തുടർന്ന് നേരത്തേ ആത്മഹത്യ ചെയ്തിരുന്നു. വീടി​ൻെറ താക്കോൽ കൈമാറൽ ചടങ്ങ് വിഡിയോ കോൺഫറൻസിലൂടെ മന്ത്രി കടകംപള്ളി സുരേന്ദ്രൻ ഉദ്ഘാടനം ചെയ്തു. വീടി​ൻെറ താക്കോൽ ജില്ല പഞ്ചായത്ത് സ്ഥിരംസമിതി അധ്യക്ഷൻ ബി.പി. മുരളി കുടുംബാം​ഗങ്ങൾക്ക് കൈമാറി. സൊസൈറ്റി പ്രസിഡൻറ് അഡ്വ. മടവൂർ അനിൽ അധ്യക്ഷതവഹിച്ചു. കോവിഡ് നിരീക്ഷണ കേന്ദ്രത്തിൽ 63 ദിവസം തുടർച്ചയായി പ്രവർത്തിച്ച ഡി.വൈ.എഫ്.ഐ കിളിമാനൂർ ഏരിയ ട്രഷററും സി.പി.എം ന​ഗരൂർ ലോക്കൽ കമ്മിറ്റിയം​ഗവുമായ ഡി. രജിത്തിനെ വി. ജോയി എം.എൽ.എ ആദരിച്ചു. ഇവിടെ നിന്ന് പ്രതിഫലമായി രജിതിന് ലഭിച്ച 43,000 രൂപ മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകി. സി.പി.എം കിളിമാനൂർ ഏരിയ സെക്രട്ടറി അഡ്വ. എസ്. ജയചന്ദ്രൻ, സൊസൈറ്റി ജോയൻറ്​ സെക്രട്ടറി ഡി. സ്മിത, ബ്ലോക്ക് പഞ്ചായത്ത് പ്രസിഡൻറ്​ ശ്രീജാഷൈജുദേവ്, പള്ളിക്കൽ പഞ്ചായത്ത് പ്രസിഡൻറ്​ അടുക്കൂർ ഉണ്ണി, സൊസൈറ്റി ട്രഷറർ എസ്. രഘുനാഥൻ തുടങ്ങിയവർ സംസാരിച്ചു. സൊസൈറ്റി സെക്രട്ടറി എം. ഷാജഹാൻ സ്വാ​ഗതവും സി.പി.എം പള്ളിക്കൽ ലോക്കൽ സെക്രട്ടറി സജീബ് ഹാഷിം നന്ദിയും പറഞ്ഞു. ചിത്രം: 20200820_191642 ജയദേവൻ മാസ്​റ്റർ സ്മാരക പെയിൻ ആൻഡ്​ പാലിയേറ്റിവ് കെയർ സൊസൈറ്റി പള്ളിക്കൽ മൂതലയിൽ നിർമിച്ചുനൽകിയ വീടി​ൻെറ താക്കോൽ ജില്ല പഞ്ചായത്ത് സ്ഥിരംസമിതി അധ്യക്ഷൻ ബി.പി. മുരളി കുടുംബത്തിന്​ കൈമാറുന്നു