തിരുവനന്തപുരം: പട്ടാപകൽ സ്കൂട്ടറിലെത്തി വൃദ്ധയുടെ മാല തട്ടിപ്പറിച്ച് കടന്നുകളഞ്ഞ യുവാവിനെ പൊലീസ് പിടികൂടി. വള്ളക്കടവ് പുതുവൽ പുത്തൻപള്ളി ടി.സി 42/785ൽ വിഷ്ണുവിനെയാണ് (25) ഫോർട്ട് പൊലീസ് അറസ്റ്റ് ചെയ്തത്. കഴിഞ്ഞ വ്യാഴാഴ്ചയായിരുന്നു സംഭവം. കടയിൽനിന്ന് സാധനങ്ങൾ വാങ്ങിവരുന്നതിനിടയിലാണ് ശ്രീവരാഹം പറമ്പിൽനഗർ സ്വദേശിയായ വൃദ്ധയുടെ സ്വർണമാല വിഷ്ണു മോഷ്ടിച്ചത്. ഇവർ ബഹളം െവച്ചതിനെതുടർന്ന് പരിസരവാസികൾ ഓടിയെത്തിയെങ്കിലും വിഷ്ണു രക്ഷപ്പെടുകയായിരുന്നു. പൊലീസെത്തി സമീപത്തെ സി.സി.ടി.വി ദൃശ്യങ്ങൾ പരിശോധിച്ചെങ്കിലും ഹെൽമറ്റും മാസ്കും െവച്ചിരുന്നതിനാൽ ആദ്യഘട്ടത്തിൽ മോഷ്ടാവിനെ തിരിച്ചറിയാൻ സാധിച്ചില്ല. തുടർന്ന് സ്കൂട്ടറിൻെറ നമ്പർ ശേഖരിച്ച് നടത്തിയ അന്വേഷണത്തിൽ വാഹനം മെഡിക്കൽ കോളജ് സ്വദേശിയുടേതാണെന്നും ഇയാളുടെ വീട്ടിൽനിന്ന് രണ്ടുദിവസം മുമ്പ് വാഹനം ആരോ മോഷ്ടിച്ചതായും കണ്ടെത്തി. എന്നാൽ, മോഷ്ടാവിൻെറ ശരീരപ്രകൃതിയുടെ അടിസ്ഥാനത്തിൽ വിഷ്ണുവിനെ ഇന്നലെ വൈകീട്ട് കമലേശ്വരം ഭാഗത്തുെവച്ച് പൊലീസ് കസ്റ്റഡിയിലെടുത്ത് ചോദ്യം ചെയ്തപ്പോഴാണ് ഇയാൾ കുറ്റം സമ്മതിച്ചത്. മാലയും ഇയാളിൽനിന്ന് കണ്ടെടുത്തിട്ടുണ്ട്. വിഷ്ണു നിരവധി മോഷണക്കേസുകളിൽ പ്രതിയാണെന്നും കഴിഞ്ഞമാസമാണ് ജയിൽ മോചിതനായതെന്നും പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.