എളനാട്: വൈദ്യുത ലൈനിൽനിന്ന് കെണിവെച്ച് നായാട്ട് നടത്താൻ ശ്രമിച്ചയാളെ വനപാലകർ പിടികൂടി. എളനാട് ഫോറസ്റ്റ് സ്റ്റേഷൻ പരിധിയിൽ കാളിയാറോഡ് കളപ്പാറ എം. വിനു (39) ആണ് അറസ്റ്റിലായത്. വീടിന് സമീപം വൈദ്യുതി ലൈനിൽനിന്ന് വൈദ്യുതി പ്രവഹിപ്പിച്ച് വന്യമൃഗങ്ങളെ കൊന്ന് ഇറച്ചി വിൽക്കാനാണ് ഇയാൾ പദ്ധതി ഇട്ടിരുന്നത്.
ഇതിന് ഉപയോഗിച്ച വയർ, കമ്പി, മരത്തോട്ടി എന്നിവ പിടിച്ചെടുത്തു. വൈദ്യുതി വകുപ്പ് ജീവനക്കാർ എത്തിയാണ് വൈദ്യുതി ബന്ധം വിഛേദിച്ചത്. പ്രതിയെ വടക്കാഞ്ചേരി കോടതിയിൽ ഹാജരാക്കി 14 ദിവസം റിമാൻഡ് ചെയ്തു. സെക്ഷൻ ഫോറസ്റ്റ് ഓഫിസർ ആർ. രാജീവ്, ബീറ്റ് ഓഫിസർമാരായ കെ.വി. രഘു, കെ.ആർ. ജിനോ, എം.ജെ. ലിജോ എന്നിവരാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.