പുലിയെ പിടികൂടാൻ കൊരട്ടിയിൽ കൂട് എത്തി

കൊ​ര​ട്ടി: നാ​ട്ടു​കാ​രു​ടെ സ​മാ​ധാ​നം കെ​ടു​ത്തു​ന്ന പു​ലി​യെ പി​ടി​കൂ​ടാ​ൻ കൊ​ര​ട്ടി​യി​ൽ വ്യാ​ഴാ​ഴ്ച വൈ​കീ​ട്ട് വ​നം വ​കു​പ്പ് കൂ​ട് എ​ത്തി​ച്ചു. രാ​ത്രി​യി​ൽ കൂ​ട് സ്ഥാ​പി​ക്കു​ന്ന ന​ട​പ​ടി​ക​ളി​ലേ​ക്ക് നീ​ങ്ങി​ക്കൊ​ണ്ടി​രി​ക്കു​ക​യാ​ണ്. ക​ഴി​ഞ്ഞ ദി​വ​സം വൈ​കീ​ട്ട് കൊ​ര​ട്ടി​യി​ൽ സം​ശ​യ​മു​ള്ള സ്ഥ​ല​ങ്ങ​ളി​ൽ വ​നം​വ​കു​പ്പ് ന​ട​ത്തി​യ ഡ്രോ​ൺ പ​രി​ശോ​ധ​ന​യി​ൽ പു​ലി​യെ ക​ണ്ടെ​ത്തി​യി​രു​ന്നി​ല്ല. കൊ​ര​ട്ടി ഗ​വ. പ്ര​സ്സി​ന്റെ​യും മ​ദു​ര കോ​ട്സി​ന്റെ​യും അ​ട​ക്ക​മു​ള്ള കാ​ടു​പി​ടി​ച്ചു കി​ട​ക്കു​ന്ന സ്ഥ​ല​ങ്ങ​ളി​ലാ​ണ് ഡ്രോ​ൺ പ​റ​ത്തി​യ​ത്.

പു​ലി​യെ ക​ണ്ടെ​ത്താ​ൻ സ്ഥാ​പി​ച്ച അ​ഞ്ച് കാ​മ​റ​ക​ളി​ലും പു​ലി​യു​ടെ ദൃ​ശ്യം പ​തി​ഞ്ഞി​ട്ടി​ല്ലെ​ന്നാ​ണ് വ​നം വ​കു​പ്പ് പ​റ​യു​ന്ന​ത്. എ​ന്നാ​ൽ പു​ലി​യു​ടെ കാ​ൽ​പ്പാ​ടു​ക​ൾ ക​ണ്ടെ​ത്തി​യ​തി​നാ​ൽ പു​ലി പ്ര​ദേ​ശ​ത്ത് ഉ​ണ്ടെ​ന്ന നി​ഗ​മ​ന​ത്തി​ലാ​ണ്. ക​ഴി​ഞ്ഞ വെ​ള്ളി​യാ​ഴ്ച​യാ​ണ് ചി​റ​ങ്ങ​ര ഭാ​ഗ​ത്തെ വീ​ട്ടി​ൽ നി​ന്ന് വ​ള​ർ​ത്തു​നാ​യെ പു​ലി പി​ടി​ച്ച് കൊ​ണ്ടു​പോ​യ​ത്.

സി.​സി.​ടി.​വി കാ​മ​റ​യി​ൽ ഈ ​ദൃ​ശ്യം ക​ണ്ടെ​ത്തി​യി​രു​ന്നു. ഇ​തോ​ടെ​യാ​ണ് കൊ​ര​ട്ടി പ​ഞ്ചാ​യ​ത്തി​ലെ ജ​ന​ങ്ങ​ളി​ൽ പു​ലി​ഭീ​തി വ്യാ​പി​ച്ച​ത്. ബു​ധ​നാ​ഴ്ച രാ​ത്രി 10 ഓ​ടെ കൊ​ര​ട്ടി മു​റി​പ്പ​റ​മ്പ് ഭാ​ഗ​ത്തും പു​ലി​യെ ക​ണ്ട​താ​യി പ​റ​യു​ന്നു​ണ്ട്. നാ​ട്ടു​കാ​ർ പ​റ​ഞ്ഞ​തി​നെ തു​ട​ർ​ന്ന് ആ​ർ.​ആ​ർ.​ടി സം​ഘ​വും പ​ഞ്ചാ​യ​ത്ത് പ്ര​സി​ഡ​ന്റ് പി.​സി. ബി​ജു അ​ട​ക്ക​മു​ള്ള ജ​ന​പ്ര​തി​നി​ധി​ക​ളും ചേ​ർ​ന്ന് തെ​ര​ച്ചി​ൽ ന​ട​ത്തി​യെ​ങ്കി​ലും പു​ലി​യെ ക​ണ്ടെ​ത്തി​യി​ല്ല.

പു​ലി​യെ​ന്ന് സം​ശ​യി​ക്കു​ന്ന ജീ​വി ഒ​ഴി​ഞ്ഞ സ്ഥ​ല​ത്തു കൂ​ടെ പോ​യെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു. ഒ​രു പെ​ൺ​കു​ട്ടി പു​ലി​യു​ടെ ഫോ​ട്ടോ എ​ടു​ത്തി​രു​ന്നെ​ങ്കി​ലും വ്യ​ക്ത​ത ഉ​ണ്ടാ​യി​രു​ന്നി​ല്ല. ഏ​താ​നും ദി​വ​സ​ങ്ങ​ളാ​യി പു​ലി​യെ വി​വി​ധ ഭാ​ഗ​ങ്ങ​ളി​ൽ ക​ണ്ട​താ​യി നാ​ട്ടു​കാ​ർ പ​റ​ഞ്ഞി​രു​ന്നു. എ​ന്നാ​ൽ, പു​ലി​യെ ക​ണ്ടു​വെ​ന്ന് പ​റ​ഞ്ഞ സ്ഥ​ല​ങ്ങ​ളി​ലെ കാ​മ​റ ദൃ​ശ്യ​ങ്ങ​ളി​ലൊ​ന്നും പ​തി​ഞ്ഞ​ത് പു​ലി ആ​യി​രു​ന്നി​ല്ല. അ​ത്യാ​വ​ശ്യ ഘ​ട്ട​ത്തി​ൽ നാ​ട്ടു​കാ​രു​ടെ സ​ഹാ​യ​ത്തി​നാ​യി രാ​ത്രി​യും പ​ക​ലും ആ​ർ.​ആ​ർ.​ടി സം​ഘം കൊ​ര​ട്ടി​യി​ൽ ക്യാ​മ്പ് ചെ​യ്യു​ന്നു​ണ്ട്. ഒ​രോ വാ​ർ​ഡു​ക​ളി​ലും ജ​ന​ങ്ങ​ളു​ടെ സ​ന്ന​ദ്ധ സം​ഘ​വും ഉ​ണ​ർ​ന്നി​രി​ക്കു​ന്നു​ണ്ട്.