സു​ര​ക്ഷ മാ​ന​ദ​ണ്ഡ​ങ്ങ​ൾ കാ​റ്റി​ൽ പ​റ​ത്തി ഹൈ​വേ നി​ർ​മാ​ണം

ചാ​വ​ക്കാ​ട്: അ​പ​ക​ട​ങ്ങ​ൾ നി​ര​ന്ത​രം സം​ഭ​വി​ച്ചി​ട്ടും ദേ​ശീ​യ​പാ​ത 66 നി​ർ​മാ​ണം സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ അ​ശ്ര​ദ്ധ​മാ​യി തു​ട​രു​ന്നു. പൊ​തു​ജ​ന​ങ്ങ​ളു​ടെ ജീ​വ​നും സ്വ​ത്തി​നും യാ​തൊ​രു വി​ല​യും ക​ൽ​പി​ക്കാ​തെ​യാ​ണ് പ്ര​വ​ർ​ത്തി​ക​ൾ. അ​ണ്ട​ത്തോ​ട് സെ​ന്റ​റി​ലെ വെ​ഹി​ക്കി​ൾ അ​ണ്ട​ർ പാ​സ് ബ്രി​ഡ്ജി​ന്റെ സൈ​ഡ് ഭി​ത്തി​ക​ളാ​യി ഉ​പ​യോ​ഗി​ക്കു​ന്ന സ്ലാ​ബു​ക​ൾ ഉ​റ​പ്പി​ച്ചി​ക്കു​ന്ന പ്ര​വ​ർ​ത്തി​ക​ൾ ന​ട​ക്കു​ന്ന​ത് ഒ​രു സു​ര​ക്ഷ ക്ര​മീ​ക​ര​ണ​ങ്ങ​ളും സ്വീ​ക​രി​ക്കാ​തെ​യാ​ണ്.

താ​ഴെ റോ​ഡി​ലൂ​ടെ വാ​ഹ​ന​ങ്ങ​ൾ പോ​കു​മ്പോ​ഴാ​ണ് പാ​ല​ത്തി​നു മു​ക​ളി​ൽ വ​ലി​യ എ​സ്‌​ക​ലേ​റ്റ​ർ ഉ​പ​യോ​ഗി​ച്ച് നൂ​റു​ക​ണ​ക്കി​ന് കി​ലോ ഭാ​രം വ​രു​ന്ന സി​മ​ന്റ് ഭി​ത്തി​ക​ൾ ഘ​ടി​പ്പി​ച്ചി​രു​ന്ന​ത്. മാ​സ​ങ്ങ​ൾ​ക്കു മു​മ്പാ​ണ് തൊ​ട്ട​ടു​ത്ത മ​ന്ന​ലാം​കു​ന്ന് ബ​ദ​ർ പ​ള്ളി​ക്ക് സ​മീ​പ​വും എ​ട​ക്ക​ഴി​യൂ​ർ ജു​മാ​മ​സ്ജി​ദി​നു സ​മീ​പ​വും പാ​ല​ത്തി​ൽ​നി​ന്ന് സ്ലാ​ബു​ക​ൾ അ​ട​ർ​ന്നു താ​ഴെ സ​ർ​വി​സ് റോ​ഡി​ൽ പ​തി​ച്ച​ത്. ത​ല​നാ​രി​ഴ​ക്കാ​ണ് ഇ​രു അ​പ​ക​ട​ങ്ങ​ളി​ൽ​നി​ന്ന് വാ​ഹ​ന​ങ്ങ​ൾ ര​ക്ഷ​പ്പെ​ട്ട​ത്.

ചേ​റ്റു​വ പു​ഴ​യി​ൽ നി​ന്നു​മെ​ടു​ത്ത മ​ണ്ണ് ഉ​പ​യോ​ഗി​ച്ചാ​ണ് ഹൈ​വേ നി​ർ​മാ​ണം തു​ട​രു​ന്ന​ത്. മ​ണ​ൽ ക​യ​റ്റി​യ ലോ​റി​ക​ൾ വ​ഴി​ക​ളി​ലെ​ല്ലാം മ​ണ്ണ് വി​ത​റി​യാ​ണ് പോ​കു​ന്ന​ത്. ചോ​ദി​ക്കാ​നും പ​റ​യാ​നും ആ​ളി​ല്ല എ​ന്ന ഉ​റ​പ്പി​ൽ നാ​ട്ടു​കാ​രെ​യും യാ​ത്ര​ക്കാ​രെ​യും ബു​ദ്ധി​മു​ട്ടി​ലാ​ക്കി​യാ​ണ് ഹൈ​വേ നി​ർ​മാ​ണം.