തൃശൂർ ന​ഗ​ര​ത്തി​ൽ വീ​ണ്ടും ഗു​ണ്ട​സം​ഘ​ങ്ങ​ൾ ത​ല​പൊ​ക്കു​ന്നു

തൃ​ശൂ​ർ: പൊ​ലീ​സി​ന്റെ ശ​ക്ത​മാ​യ ഇ​ട​പെ​ട​ലി​ലൂ​ടെ അ​ടി​ച്ചൊ​തു​ക്കി​യ തൃ​ശൂ​രി​ലെ ഗു​ണ്ട​വി​ള​യാ​ട്ടം ഒ​രി​ട​വേ​ള​ക്കു ശേ​ഷം വീ​ണ്ടും സ​ജീ​വം. ക​ഴി​ഞ്ഞ ദി​വ​സം രാ​ത്രി​യി​ൽ ദി​വാ​ൻ​ജി​മൂ​ല​യി​ൽ ക​ത്തി​ക്കു​ത്തി​നും യു​വാ​വി​ന്റെ കൊ​ല​പാ​ത​ക​ത്തി​നു​മി​ട​യാ​ക്കി​യ​ത് പു​തി​യ​താ​യി വ​ള​രു​ന്ന ഗു​ണ്ട​സം​ഘ​ങ്ങ​ളു​ടെ പോ​ർ​വി​ളി​യെ​ന്നാ​ണ് അ​റി​യു​ന്ന​ത്.

ദി​വാ​ൻ​ജി​മൂ​ല കേ​ന്ദ്രീ​ക​രി​ച്ച് ഇ​ത്ത​രം ചെ​റു സം​ഘ​ങ്ങ​ളു​ണ്ടെ​ന്നാ​ണ് പൊ​ലീ​സി​ന് ല​ഭി​ച്ച സൂ​ച​ന. എ​ന്നാ​ൽ, ഇ​ത്ത​രം സം​ഘ​ങ്ങ​ളു​ടെ വ​ള​ർ​ച്ച അ​റി​യു​ന്ന​തി​ൽ ഇ​ന്റ​ലി​ജ​ൻ​സ് വി​ഭാ​ഗ​ത്തി​നു​ണ്ടാ​യ വീ​ഴ്ച​യാ​ണ് തി​ങ്ക​ളാ​ഴ്ച രാ​ത്രി​യി​ലെ കൊ​ല​പാ​ത​ക​ത്തി​ലേ​ക്കെ​ത്തി​ച്ച​ത്.

പി​ടി​ച്ചു​പ​റി​ക്കാ​രും ല​ഹ​രി വി​ൽ​പ​ന സം​ഘ​ങ്ങ​ളും ഏ​റി​വ​രു​ന്ന ദി​വാ​ൻ​ജി​മൂ​ല​യി​ൽ ക​ഴി​ഞ്ഞ മൂ​ന്നു മാ​സ​ത്തി​നി​ട​യി​ൽ ത​മ്മി​ല​ടി​യു​ണ്ടാ​യ​ത് പ​ത്തോ​ളം ത​വ​ണ​യാ​ണ്. ര​ണ്ടു​ത​വ​ണ ക​ത്തി​ക്കു​ത്തു​മു​ണ്ടാ​യി. ഇ​തി​ലൊ​രെ​ണ്ണം ഗൗ​ര​വ​ക​ര​മാ​യി​രു​ന്നു. ത​ദ്ദേ​ശ​വാ​സി​ക​ളും അ​ന്ത​ർ​സം​സ്ഥാ​ന​ത്തു​ള്ള​വ​രു​മ​ട​ക്കം ഈ ​സം​ഘ​ങ്ങ​ളി​ലു​ണ്ട്.

ര​ണ്ടു​മാ​സം മു​മ്പ് പ​ണി​തീ​ർ​ത്ത് ജ്വ​ല്ല​റി​ക​ളി​ലേ​ക്ക് കൊ​ണ്ടു​പോ​യി​രു​ന്ന 1.80 കോ​ടി​യു​ടെ സ്വ​ർ​ണാ​ഭ​ര​ണ​ങ്ങ​ൾ ത​ട്ടി​യെ​ടു​ക്കാ​ൻ ക​വ​ർ​ച്ച​സം​ഘം കാ​ത്തി​രു​ന്ന സ്ഥ​ലം റെ​യി​ൽ​വേ​ക്കും കെ.​എ​സ്.​ആ​ർ.​ടി.​സി​ക്കും ഇ​ട​യി​ലെ കൊ​ക്കാ​ലെ​യാ​യി​രു​ന്നു. പി​പ്പി​രി ജോ​സും ദു​ർ​ഗ പ്ര​സാ​ദും ക​ര​ടി മ​നോ​ജു​മൊ​ക്കെ പ​ര​സ്പ​ര​മു​ള്ള പോ​ർ​വി​ളി​ക​ളി​ൽ ഒ​ടു​ങ്ങി. ഒ​ടു​വി​ലെ ക​ണ്ണി​ക​ളാ​യി ക​ട​വി ര​ഞ്ജി​ത്തു​മ​ട​ക്ക​മു​ള്ള​വ​രാ​ണ് ഉ​ള്ള​ത്.

ജ​യി​ലി​ലി​രു​ന്നു​ള്ള ല​ഹ​രി​ക്ക​ട​ത്ത് പോ​ലു​ള്ള ഇ​ട​പാ​ടു​ക​ൾ ഇ​പ്പോ​ഴു​മു​ണ്ടെ​ന്ന് പ​റ​യു​ന്നു. ഗു​ണ്ട​ക​ളി​ലെ വ​മ്പ​ന്മാ​രെ ഒ​തു​ക്കി​യ ആ​ശ്വാ​സ​ത്തി​ലാ​ണ്. പ​ക്ഷേ, പു​തി​യ ഗു​ണ്ട​ക​ളു​ടെ വ​ര​വി​ന് ഈ ​ല​ഹ​രി കൂ​ട്ടു​കെ​ട്ടു​ക​ൾ കാ​ര​ണ​മാ​യി​ട്ടു​ണ്ട്.

മേ​ഖ​ല കേ​ന്ദ്രീ​ക​രി​ച്ച് പി​ടി​ച്ചു​പ​റി​യും ല​ഹ​രി വി​ൽ​പ​ന​യും ശ​ക്ത​മാ​ണ്. റെ​യി​ൽ​വേ സ്റ്റേ​ഷ​നി​ൽ ഇ​ട​ക്കി​ടെ ല​ഹ​രി വ​സ്തു​ക്ക​ൾ പി​ടി​കൂ​ടു​ന്നു​ണ്ട്. കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ൽ നി​​ത്യേ​ന​യെ​ന്നോ​ണ​മാ​ണ് പോ​ക്ക​റ്റ​ടി​യും ക​വ​ർ​ച്ച​യും. കാ​മ​റ വെ​ച്ചി​ട്ടും പോ​ക്ക​റ്റ​ടി​ക്ക് കു​റ​വൊ​ന്നു​മി​ല്ല. ആ​വ​ശ്യ​ത്തി​ന് പൊ​ലീ​സു​കാ​രി​ല്ലാ​ത്ത​തും ലൈ​റ്റ് സൗ​ക​ര്യ​മി​ല്ലാ​ത്ത​തും ഇ​ത്ത​ര​ക്കാ​ർ​ക്ക് സൗ​ക​ര്യ​മാ​ണ്.

ഓ​ണാ​ഘോ​ഷ​ത്തി​നി​ടെ ന​ഗ​ര​ത്തി​ൽ​ത​ന്നെ ന​ട​ന്ന ഇ​ര​ട്ട​ക്കൊ​ല​പാ​ത​ക​ങ്ങ​ൾ, തി​ങ്ക​ളാ​ഴ്ച ദി​വാ​ൻ​ജി​മൂ​ല​യി​ൽ ന​ട​ന്ന കൊ​ല​പാ​ത​കം, ഞാ​യ​റാ​ഴ്ച വി​യ്യൂ​ർ സെ​ൻ​ട്ര​ൽ ജ​യി​ലി​ൽ ത​ട​വു​കാ​രു​ടെ സം​ഘ​ർ​ഷം എ​ന്നി​വ​യി​ൽ ഇ​ന്റ​ലി​ജ​ൻ​സി​ന് സൂ​ച​ന ല​ഭി​ച്ചി​രു​ന്നി​ല്ലെ​ന്ന​ത് ഗൗ​ര​വ​ക​ര​മാ​ണ്. ഇ​ന്റ​ലി​ജ​ൻ​സ് പ​രാ​ജ​യ​മാ​ണെ​ന്ന വി​മ​ർ​ശ​നം പൊ​ലീ​സി​നു​ള്ളി​ൽ​ത്ത​ന്നെ​യു​ണ്ടെ​ന്നാ​ണ് വി​വ​രം.