കുടുംബ വഴക്ക്: അമ്മയെ മകൻ വെട്ടിപ്പരിക്കേൽപ്പിച്ചു

പഴുവിൽ: കുടുംബ വഴക്കിനെ തുടർന്ന് ചാഴൂർ വപ്പുഴയിൽ മകൻ അമ്മയെ വെട്ടിപ്പരിക്കേൽപ്പിച്ചു.ചാഴൂർ ചോമാട്ടിൽ പരേതനായ പ്രേമരാജന്റെ ഭാര്യയും ചാഴൂർ പഞ്ചായത്ത് മുൻ അംഗവുമായ ബിന്ദുവിനാണ് (51) വെട്ടേറ്റത്. തലക്കും കൈയിനും വെട്ടേറ്റ ഇവരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു.

വ്യാഴാഴ്ച രാത്രി 10.30നാണ് സംഭവം. വാക്കുതർക്കത്തെ തുടർന്ന് ആക്രമിക്കുകയായിരുന്നു. അന്തിക്കാട് പൊലീസ് പ്രതി പ്രബിൻ രാജിനെ (29) അറസ്റ്റ് ചെയ്തു.