കു​ടി​വെ​ള്ള ക്ഷാ​മം; വാ​ഴാ​നി ഡാ​മി​ൽ​നി​ന്ന് ഇ​ന്ന്​ മു​ത​ൽ വെ​ള്ളം തു​റ​ന്നു​വി​ടും

തൃ​ശൂ​ർ: കു​ടി​വെ​ള്ള​ക്ഷാ​മം പ​രി​ഹ​രി​ക്കാ​ൻ വെ​ള്ളി​യാ​ഴ്ച മു​ത​ൽ വാ​ഴാ​നി ഡാ​മി​ൽ നി​ന്നും വെ​ള്ളം തു​റ​ന്നു വി​ടാ​ൻ അ​നു​മ​തി ന​ൽ​കി ക​ല​ക്ട​ർ വി.​ആ​ർ. കൃ​ഷ്ണ​തേ​ജ ഉ​ത്ത​ര​വി​ട്ടു.

മൂ​ന്ന് ദി​വ​സം മെ​യി​ൻ ക​നാ​ലി​ലൂ​ടെ​യും ഒ​ന്ന​ര​ദി​വ​സം പാ​ർ​ളി​ക്കാ​ട് ബ്രാ​ഞ്ച് ക​നാ​ലി​ലൂ​ടെ​യും അ​ര​ദി​വ​സം മു​ണ്ടൂ​ർ ബ്രാ​ഞ്ച് ക​നാ​ലി​ലൂ​ടെ​യും കു​റാ​ഞ്ചേ​രി ബ്രാ​ഞ്ച് വ​ഴി​യു​മാ​ണ് വെ​ള്ളം പു​റ​ത്തേ​ക്കൊ​ഴു​ക്കു​ക.

മാ​ർ​ഗ​നി​ർ​ദേ​ശ​ങ്ങ​ൾ/​നി​ബ​ന്ധ​ന​ക​ൾ:

• വാ​ഴാ​നി ഡാ​മി​ല്‍നി​ന്ന് വെ​ള്ളം പു​റ​ത്തേ​ക്കൊ​ഴു​ക്കു​ന്ന​തു​മൂ​ലം അ​ധി​ക​ജ​ലം ഒ​ഴു​കി​വ​ന്ന് വ​ട​ക്കാ​ഞ്ചേ​രി പു​ഴ​യി​ലെ​യും ഇ​റി​ഗേ​ഷ​ന്‍ ക​നാ​ലി​ലെ​യും ജ​ല​നി​ര​പ്പ് ഉ​യ​രാ​ന്‍ സാ​ധ്യ​ത​യു​ള്ള​തി​നാ​ല്‍ പൊ​തു​ജ​ന​ങ്ങ​ളും കു​ട്ടി​ക​ളും പു​ഴ​യി​ൽ/​ക​നാ​ലി​ല്‍ ഇ​റ​ങ്ങാ​നും കു​ളി​ക്കാ​നും വ​സ്ത്ര​ങ്ങ​ള്‍ അ​ല​ക്കാ​നും ക​ന്നു​കാ​ലി​ക​ളെ കു​ളി​പ്പി​ക്കാ​നും നി​യ​ന്ത്ര​ണം ഏ​ര്‍പ്പെ​ടു​ത്തും. ഇ​ത് സം​ബ​ന്ധി​ച്ച ന​ട​പ​ടി ജി​ല്ല പൊ​ലീ​സ് മേ​ധാ​വി (സി​റ്റി) സ്വീ​ക​രി​ക്ക​ണം.
• വ​ട​ക്കാ​ഞ്ചേ​രി, കേ​ച്ചേ​രി, മൂ​ക്കോ​ല പു​ഴ​ക​ളി​ലെ ജ​ല​നി​ര​പ്പ് ഉ​യ​രാ​ൻ സാ​ധ്യ​ത​യു​ള്ള​തി​നാ​ൽ ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണം. ഇ​ത് സം​ബ​ന്ധി​ച്ച മു​ന്ന​റി​യി​പ്പ് വ​ട​ക്കാ​ഞ്ചേ​രി മു​ൻ​സി​പ്പ​ൽ സെ​ക്ര​ട്ട​റി, അ​ത​ത് ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി​മാ​ർ സ്വീ​ക​രി​ക്ക​ണം.
• ഡാ​മി​ല്‍നി​ന്ന് വെ​ള്ളം പു​റ​ത്തേ​ക്കൊ​ഴു​ക്കു​ന്ന ഓ​രോ ഘ​ട്ട​ത്തി​ലും ബ​ന്ധ​പ്പെ​ട്ട വ​കു​പ്പു​ക​ള്‍ക്കും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ള്‍ക്കും മു​ന്ന​റി​യി​പ്പ് ന​ല്‍കു​ന്നു​ണ്ടെ​ന്ന് ഉ​റ​പ്പാ​ക്കാ​ന്‍ ഇ​റി​ഗേ​ഷ​ന്‍ എ​ക്‌​സി​ക്യൂ​ട്ടീ​വ് എ​ൻ​ജി​നീ​യ​ര്‍ക്ക് നി​ര്‍ദേ​ശം ന​ല്‍കി.
• പാ​ട​ശേ​ഖ​ര​ങ്ങ​ളി​ല്‍ വെ​ള്ളം ക​യ​റാ​ന്‍ സാ​ധ്യ​ത​യു​ണ്ടെ​ങ്കി​ല്‍, ആ​വ​ശ്യ​മാ​യ മു​ന്‍ക​രു​ത​ല്‍ ന​ട​പ​ടി​ക​ള്‍ സ്വീ​ക​രി​ക്കു​ന്ന​തി​ന് ക​ര്‍ഷ​ക​ര്‍ക്ക് മു​ന്ന​റി​യി​പ്പ് ന​ല്‍കാ​നും കൃ​ത്യ​മാ​യ ഇ​ട​വേ​ള​ക​ളി​ല്‍ നേ​രി​ട്ട് പ​രി​ശോ​ധി​ക്കാ​നും വേ​ണ്ട സ​ഹാ​യ​ങ്ങ​ള്‍ ല​ഭ്യ​മാ​ക്കാ​നും ബ​ന്ധ​പ്പെ​ട്ട കൃ​ഷി ഓ​ഫി​സ​ര്‍മാ​ര്‍ക്ക് നി​ര്‍ദേ​ശം ന​ല്‍കി. ഇ​ത് പ​രി​ശോ​ധി​ച്ച് ഉ​റ​പ്പാ​ക്കാ​ന്‍ പ്രി​ന്‍സി​പ്പ​ല്‍ കൃ​ഷി ഓ​ഫി​സ​റെ ചു​മ​ത​ല​പ്പെ​ടു​ത്തി.
• നി​ല​വി​ല്‍ മു​ണ്ട​ക​ന്‍ കൃ​ഷി​ക്കും, ഒ​ന്നാം​ഘ​ട്ട കു​ടി​വെ​ള്ള ആ​വ​ശ്യ​ത്തി​നും വേ​ണ്ടി ജ​ല​വി​ത​ര​ണം ന​ട​ത്തി​യ​ശേ​ഷം ഡാ​മി​ല്‍ അ​വ​ശേ​ഷി​ക്കു​ന്ന ജ​ല​ത്തി​ന്‍റെ അ​ള​വ് 49.07 എം.​എം ക്യൂ​ബ് ആ​ണ്. വാ​ഴാ​നി പ​ദ്ധ​തി ഉ​പ​ദേ​ശ​ക സ​മി​തി യോ​ഗ തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ലാ​ണ് ക​ല​ക്ട​ര്‍ ഉ​ത്ത​ര​വി​റ​ക്കി​യ​ത്.