തൃശൂർ ജില്ല സ്കൂൾ കായികമേളയിൽ നിന്നുള്ള ദൃശ്യങ്ങൾ
തൃശൂർ: റവന്യൂ ജില്ല കായികമേളക്ക് താളപ്പിഴകളോടെ തുടക്കമായെങ്കിലും പോരാട്ടവീര്യത്തിന് കുറവില്ല. ആദ്യദിനം 23 മത്സരങ്ങൾ പൂർത്തിയായപ്പോൾ, 46 പോയന്റുമായി കിരീടം നിലനിർത്താനുറച്ച് ഈസ്റ്റ് ഉപജില്ല മുന്നിൽ. കഴിഞ്ഞ വർഷത്തെ അതേ ആധിപത്യം തുടരുന്ന ഈസ്റ്റ്, ആറ് സ്വർണവും നാല് വീതം വെള്ളിയും വെങ്കലവും ഇതിനോടകം സ്വന്തമാക്കി.
34 പോയന്റുമായി ചാലക്കുടിയാണ് രണ്ടാം സ്ഥാനത്ത്. മൂന്ന് സ്വർണവും ആറ് വെള്ളിയും ഒരു വെങ്കലവുമാണ് ചാലക്കുടിയുടെ സമ്പാദ്യം. തൊട്ടുപിന്നിൽ, 31 പോയന്റുമായി ചാവക്കാട് ഉപജില്ല മൂന്നാം സ്ഥാനത്തുണ്ട്. മൂന്ന് സ്വർണവും നാല് വീതം വെള്ളിയും വെങ്കലവുമാണ് ചാവക്കാടിന്റെ അക്കൗണ്ടിലുള്ളത്. സ്കൂളുകളുടെ പോരാട്ടത്തിൽ 29 പോയന്റുമായി ഗുരുവായൂർ ശ്രീകൃഷ്ണ എച്ച്.എസ്.എസ് ഒന്നാം സ്ഥാനം പിടിച്ചെടുത്തു. മൂന്ന് സ്വർണവും നാല് വെള്ളിയും രണ്ട് വെങ്കലവും നേടിയാണ് ശ്രീകൃഷ്ണയുടെ കുതിപ്പ്.
21 പോയന്റുമായി തൃശൂർ കാൽഡിയൻ സിറിയൻ എച്ച്.എസ്.എസ് ആണ് രണ്ടാം സ്ഥാനത്ത്. രണ്ട് സ്വർണവും മൂന്ന് വെള്ളിയും രണ്ട് വെങ്കലവുമാണ് അവരുടെ നേട്ടം. മൂന്ന് സ്വർണവും ഒരു വെള്ളിയുമടക്കം 18 പോയന്റ് നേടിയ ആളൂർ ആർ.എം.എച്ച്.എസ്.എസ് മൂന്നാം സ്ഥാനത്ത് തുടരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.