ചീ​ര​ക്കു​ഴി ജ​ല​സേ​ച​ന പ​ദ്ധ​തി​ക്ക് വേ​ണം, പു​ന​രു​ജ്ജീ​വ​നം

പ​ഴ​യ​ന്നൂ​ർ: തു​ട​ർ​ച്ച​യാ​യ മൂ​ന്ന് പ്ര​ള​യ​ങ്ങ​ൾ ത​ക​ർ​ത്ത ചീ​ര​ക്കു​ഴി ജ​ല​സേ​ച​ന പ​ദ്ധ​തി​ക്ക് ശാ​ശ്വ​ത പു​ന​രു​ജ്ജീ​വ​ന മാ​ർ​ഗം വേ​ണ​മെ​ന്ന് ക​ർ​ഷ​ക​ർ. 2018ലെ ​പ്ര​ള​യ​ത്തി​ലാ​ണ് ആ​ദ്യ​ത​ക​ർ​ച്ച ചീ​ര​ക്കു​ഴി നേ​രി​ട്ട​ത്. 2019ൽ ​ആ​വ​ർ​ത്തി​ച്ചു. ആ​ദ്യ​പ്ര​ള​യ​ത്തി​ൽ ന​ന്നാ​ക്കി​യ​തെ​ല്ലാം വീ​ണ്ടും പ​ഴ​യ​സ്ഥി​തി​യി​ലാ​യി. പി​ന്നീ​ട് 2024ലെ ​ക​ന​ത്ത മ​ഴ​യും ചീ​ര​ക്കു​ഴി ജ​ല​സേ​ച​ന പ​ദ്ധ​തി​ക്ക് ക​ന​ത്ത പ്ര​ഹ​ര​മാ​യി. ഓ​രോ പ്ര​ള​യ​ത്തി​ലും ഡാ​മി​ന്‍റെ എ​ട്ടു ഷ​ട്ട​റു​ക​ളി​ൽ മ​ര​ങ്ങ​ളും കൊ​മ്പു​ക​ളും അ​ടി​ഞ്ഞാ​ണ് കേ​ടു​പാ​ട് സം​ഭ​വി​ച്ച​ത്. ഗാ​യ​ത്രി​പ്പു​ഴ ക​ര​ക​വി​ഞ്ഞു​ള്ള വെ​ള്ള​പ്പാ​ച്ചി​ലി​ൽ അ​പ്രോ​ച്ച് റോ​ഡും ക​നാ​ലി​ന്‍റെ സം​ര​ക്ഷ​ണ​ഭി​ത്തി​യും കൈ​വ​രി​ക​ളും ത​ക​ർ​ന്നു. മൂ​ന്ന് പ്ര​ള​യ​ത്തി​ലും ചീ​ര​ക്കു​ഴി​യി​ൽ കോ​ടി​ക​ളു​ടെ ന​ഷ്ട​മാ​ണു​ണ്ടാ​യ​ത്.

2018ൽ ​ത​ക​ര്‍ന്ന എ​ട്ടു ഷ​ട്ട​റു​ക​ള്‍ പു​ന​സ്ഥാ​പി​ക്കാ​നും അ​നു​ബ​ന്ധ പ്ര​വൃ​ത്തി​ക​ള്‍ക്കു​മാ​യി റീ​ബി​ല്‍ഡ് കേ​ര​ള പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 3.53 കോ​ടി രൂ​പ​യും ഈ ​പ​ദ്ധ​തി​യി​ല്‍ ത​ന്നെ ക​നാ​ല്‍ ന​വീ​ക​ര​ണ​ത്തി​ന് 67.50 ല​ക്ഷം രൂ​പ​യു​മാ​ണ് അ​നു​വ​ദി​ച്ച​ത്. ക​നാ​ല്‍ ന​വീ​ക​ര​ണ​ത്തി​നാ​യി സം​സ്ഥാ​ന ദു​ര​ന്ത നി​വാ​ര​ണ ഫ​ണ്ടി​ല്‍നി​ന്ന് 4.43 കോ​ടി​യും അ​നു​വ​ദി​ച്ചി​രു​ന്നു. മ​ണ​ല്‍ച്ചാ​ക്ക് നി​റ​ച്ച് താ​ല്‍ക്കാ​ലി​ക ത​ട​യ​ണ നി​ര്‍മി​ക്കാ​നും അ​നു​ബ​ന്ധ പ്ര​വൃ​ത്തി​ക​ള്‍ക്കു​മാ​യി 90 ല​ക്ഷം രൂ​പ ഇ​റി​ഗേ​ഷ​ന്‍ വ​കു​പ്പ് ആ ​കാ​ല​ഘ​ട്ട​ത്തി​ല്‍ അ​നു​വ​ദി​ച്ചി​രു​ന്നു. എ​ന്നാ​ൽ മി​ക്ക​പ്പോ​ഴും പ​ണി​ക​ൾ മ​ന്ദ​ഗ​തി​യി​ലാ​ണ് ന​ട​ക്കു​ന്ന​ത്.

2024ൽ ​ര​ണ്ടു​കോ​ടി​യോ​ളം രൂ​പ​യു​ടെ ന​ഷ്‌​ടം ക​ണ​ക്കാ​ക്കി​യി​രു​ന്നു. ഷ​ട്ട​റു​ക​ൾ ന​ന്നാ​ക്കി​യെ​ങ്കി​ലും അ​നു​ബ​ന്ധ ക​നാ​ൽ റോ​ഡും റി​സ​ർ​വോ​യ​റി​ന്‍റെ ഇ​ട​തു​വ​ശ​ത്തു​ള്ള ക​നാ​ൽ നി​യ​ന്ത്രി​ക്കു​ന്ന സ്ലൂ​യി​സി​നും ക​നാ​ലി​നും ഡാ​മി​നും ഇ​ട​യി​ൽ രൂ​പ​പ്പെ​ട്ട വ​ൻ​കു​ഴി​ക​ളും അ​തേ​രീ​തി​യി​ൽ തു​ട​രു​ക​യാ​ണ്. ഉ​ദ്യോ​ഗ​സ്ഥ​രു​ടെ അ​നാ​സ്ഥ​യാ​ണ് തു​ട​ർ​ച്ച​യാ​യി ചീ​ര​ക്കു​ഴി​ക്ക് വി​ന​യാ​കു​ന്ന​തെ​ന്ന് ചെ​റു​ക​ര പാ​ട​ശേ​ഖ​രം സെ​ക്ര​ട്ട​റി കെ.​എ​സ്. സു​കു​മാ​ര​ൻ ആ​രോ​പി​ക്കു​ന്നു. വേ​ന​ൽ​ക്കാ​ല​ത്ത് യ​ഥാ​സ​മ​യം ഷ​ട്ട​റു​ക​ൾ ന​ന്നാ​ക്കി​ല്ല. അ​തി​മ​ഴ വ​രു​മ്പോ​ൾ തു​റ​ക്കാ​ൻ ശ്ര​മി​ക്കു​മ്പോ​ൾ പ​റ്റാ​തെ വ​രു​ന്നു. സം​ഭ​ര​ണ ശേ​ഷി വ​ൻ​തോ​തി​ൽ കു​റ​ഞ്ഞു. ഡാ​മി​ലെ ചെ​ളി​യും മ​ണ​ലും അ​ടി​ഞ്ഞ​ത് തു​റ​ന്നു വി​ട്ടി​ട്ട് 25 വ​ർ​ഷ​മാ​യി. കൃ​ത്യ​മാ​യി മ​ഴ​ക്കാ​ല​ത്ത് ഡാം ​ഷ​ട്ട​റു​ക​ൾ തു​റ​ന്നു​വെ​ക്കാ​ത്ത​തും അ​തി​മ​ഴ​യി​ൽ വെ​ള്ളം ഉ​യ​ർ​ന്ന് ഡാ​മി​നെ മൂ​ടു​ന്ന സ്ഥി​തി​യു​ണ്ടാ​ക്കു​ന്നു. ഉ​ദ്യോ​ഗ​സ്ഥ​ർ​ക്ക് ഡാം ​ത​ക​രു​ന്ന​തി​ലാ​ണ് താ​ൽ​പ​ര്യ​മെ​ന്നും സു​കു​മാ​ര​ൻ ആ​രോ​പി​ക്കു​ന്നു.

പ്ര​ള​യം വ​ന്ന് ഡാം ​ത​ക​രു​മ്പോ​ൾ മ​ന്ത്രി​യും, എം.​പി​യും എം.​എ​ൽ.​എ​യു​മൊ​ക്കെ വ​ന്ന് വാ​ഗ്ദാ​ന​ങ്ങ​ൾ ന​ൽ​കി പോ​കു​ന്ന​ത​ല്ലാ​തെ ക​ർ​ഷ​ക​രു​ടെ യ​ഥാ​ർ​ഥ പ്ര​ശ്‍നം മ​ന​സ്സി​ലാ​ക്കി പ്ര​വ​ർ​ത്തി​ക്കു​ന്നി​ല്ലെ​ന്ന് നീ​ർ​ണ​മു​ക്ക് പാ​ട​ശേ​ഖ​ര സ​മി​തി സെ​ക്ര​ട്ട​റി പി.​കെ. മോ​ഹ​ന​ൻ ആ​രോ​പി​ച്ചു. ചീ​ര​ക്കു​ഴി ഡാ​മി​ന് ഇ​നി​യൊ​രു ത​ക​ർ​ച്ച​യു​ണ്ടാ​കാ​ത്ത രീ​തി​യി​ൽ സ്ലൂ​യി​സ് ക​നാ​ലി​ന്റെ ഭാ​ഗ​ങ്ങ​ളും റോ​ഡും നി​ർ​മി​ക്ക​ണം. ഓ​രോ മ​ഴ​യി​ലും ത​ക​രു​ന്ന നി​ർ​മാ​ണ പ്ര​വൃ​ത്തി​ക​ൾ അ​വ​സാ​നി​പ്പി​ക്ക​ണം. പ​ക​രം ശാ​ശ്വ​ത​മാ​യി നി​ല​നി​ൽ​ക്കു​ന്ന രീ​തി​യി​ൽ പു​ന​ർ​നി​ർ​മി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

1973 ലാ​ണ് ഗാ​യ​ത്രി​പ്പു​ഴ​ക്ക് കു​റു​കെ തി​രു​വി​ല്വാ​മ​ല പ​ഴ​യ​ന്നൂ​ർ പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ച് ചീ​ര​ക്കു​ഴി ഡാം ​ജ​ല​സേ​ച​ന പ​ദ്ധ​തി നി​ർ​മി​ച്ച​ത്. പ​ഴ​യ​ന്നൂ​ർ, വ​ട​ക്കേ​ത്ത​റ, കൊ​ണ്ടാ​ഴി, മാ​യ​ന്നൂ​ർ, തൊ​ഴു​പ്പാ​ടം, പാ​ഞ്ഞാ​ൽ, പൈ​ങ്കു​ളം, ചെ​റു​തു​രു​ത്തി, നെ​ടു​മ്പു​ര, ദേ​ശ​മം​ഗ​ലം, കൊ​ട​യൂ​ർ വി​ല്ലേ​ജു​ക​ളി​ലെ 11 വി​ല്ലേ​ജു​ക​ളി​ലെ 1200 ഹെ​ക്ട​ർ നെ​ൽ​കൃ​ഷി​ക്കു​ള്ള ഏ​ക ജ​ല​സേ​ച​ന സ്രോ​ത​സാ​ണി​ത്. പ്ര​ധാ​ന​മാ​യും മു​ണ്ട​ക​ൻ വി​ള​ക​ളെ ഉ​ദ്ദേ​ശി​ച്ചു​ള്ള​താ​ണ് ഈ ​പ​ദ്ധ​തി.