നബീൽ
ഗുരുവായൂര്: തൊഴിയൂരിലെ മദ്റസ അധ്യാപകന്റെ ബൈക്ക് മോഷ്ടിച്ചയാളെ ഗുരുവായൂര് പൊലീസ് അറസ്റ്റ് ചെയ്തു. മന്ദലാംകുന്ന് അല് അമീന് റോഡില് വാഴപ്പള്ളി നബീലിനെയാണ് (25) അറസ്റ്റ് ചെയ്തത്. ജൂണ് 26ന് രാവിലെ ആറിനാണ് മോഷണം നടന്നത്. തൊഴിയൂരിലെ മദ്റസക്ക് മുന്നില് പാര്ക്ക് ചെയ്തിരുന്ന മലപ്പുറം സ്വദേശിയായ അധ്യാപകന്റെ ബൈക്കാണ് മോഷ്ടിക്കപ്പെട്ടത്.
45 ഓളം സി.സി.ടി.വികള് കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തതെന്ന് പൊലീസ് പറഞ്ഞു. മോഷ്ടിച്ച ബൈക്കിന്റെ നമ്പര് പ്ലേറ്റ് മാറ്റി നബീല് ഉപയോഗിക്കുകയായിരുന്നു. ഗുരുവായൂര് എസ്.എച്ച്.ഒ ജിന്സണ് ഡൊമിനിക്കിന്റെ നേതൃത്വത്തില് എസ്.ഐ യു. മഹേഷ്, എ.എസ്.ഐ വിപിന്, സീനിയര് സി.പി.ഒ കൃഷ്ണപ്രസാദ്, സി.പി.ഒ ജോസ് പോള് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതി റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.