കൊടുങ്ങല്ലൂർ: മതിലകത്ത് ശക്തമായ മഴയിൽ പന്തൽ കെട്ടി പ്രതിഷേധ സംഗമം സംഘടിച്ച മുസ്ലിം ലീഗുകാർക്കെതിരെ പൊലീസ് കേസെടുത്തു. ഭരണകൂട-മാഫിയ കൂട്ടുകെട്ടിനെതിരെ മുസ്ലിം ലിഗ് കയ്പമംഗലം നിയോജക മണ്ഡലം കമ്മിറ്റി നേതൃത്വത്തിലായിരുന്നു പ്രതിഷേധ സംഗമം. കഴിഞ്ഞ 15ന് വൈകീട്ട് 4.30 മുതൽ 6.30 വരെ പന്തലിൽ ഇരുന്നായിരുന്നു പ്രതിഷേധം. മതിലകം സെന്ററിൽ നടന്ന പ്രതിഷേധ സംഗമത്തിൽ പങ്കെടുത്ത നിയോജക മണ്ഡലം പ്രസിഡന്റ് എസ്.എ. സിദ്ദീഖ്, ജനറൽ സെക്രട്ടറി കെ.എം. ഷാനിർ, യൂത്ത് ലീഗ് നേതക്കളായ കെ.കെ. സക്കരിയ, സലീം പുറക്കുളം, പി.എം. അക്ബറലി ഉൾപ്പടെ കണ്ടാലറിയാവുന്ന അമ്പതോളം പേർക്കെതിരെയാണ് മതിലകം പൊലീസ് കേസെടുത്തത്. ജില്ലയിൽ 14 നിയോജക മണ്ഡലങ്ങളിൽ പ്രസ്തുത പരിപാടി നടന്നെങ്കിലും മതിലകത്ത് മാത്രമാണ് കേസെടുത്തതെന്ന് ഭാരവാഹികൾ പറഞ്ഞു. ജനാധിപത്യപരവും തികച്ചും സമാധാനപരമായും പ്രതിഷേധിച്ചവർക്കെതിരെ കേസെടുത്തത് പ്രതിഷേധാർഹമാണെന്നും വിമർശിക്കുന്നവരുടെ വായടപ്പിക്കാനുള്ള ശ്രമങ്ങളെ മുസ്ലിം ലീഗ് ചെറുത്തുതോൽപിക്കുമെന്നും കയ്പമംഗലം നിയോജക മണ്ഡലം കമ്മിറ്റി വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.