ദുരിതമായി വഴിയടച്ച് പാർക്കിങ്; മ​ല്ല​പ്പ​ള്ളി മി​നി സി​വി​ൽ സ്റ്റേ​ഷ​ന്​ മു​മ്പി​ലാ​ണ്​ തോ​ന്നും​പ​ടി വാ​ഹ​ന​ങ്ങ​ൾ നി​ർ​ത്തി​യി​ടു​ന്ന​ത്​

മ​ല്ല​പ്പ​ള്ളി: മി​നി സി​വി​ൽ സ്റ്റേ​ഷ​ൻ കെ​ട്ടി​ട​ത്തി​ന്‍റെ പ്ര​വേ​ശ​ന ക​വാ​ട​ത്തി​ൽ ഇ​രു​ച​ക്ര​വാ​ഹ​ന​ങ്ങ​ൾ വ​ഴി​യ​ട​ച്ച് പാ​ർ​ക്ക് ചെ​യ്യു​ന്ന​ത് ജ​ന​ങ്ങ​ൾ​ക്ക് ദു​രി​ത​മാ​കു​ന്നു. സി​വി​ൽ സ്റ്റേ​ഷ​നി​ൽ പ്ര​വ​ർ​ത്തി​ക്കു​ന്ന ഓ​ഫി​സു​ക​ളി​ലെ ജീ​വ​ന​ക്കാ​രു​ടെ​യും വി​വി​ധ ആ​വ​ശ്യ​ങ്ങ​ൾ​ക്കാ​യി എ​ത്തു​ന്ന​വ​രു​ടെ​യും വാ​ഹ​ന​ങ്ങ​ളാ​ണ് യാ​ത്ര​ക്ക്​ ത​ട​സ്സ​മാ​യി പാ​ർ​ക്ക് ചെ​യ്യു​ന്ന​ത്. ഇ​രു​ച​ക്ര വാ​ഹ​ന​ങ്ങ​ൾ​ക്കി​ട​യി​ലൂ​ടെ വ​ള​രെ പ്ര​യാ​സ​പ്പെ​ട്ടു​വേ​ണം മി​ക്ക​പ്പോ​ഴും കെ​ട്ടി​ട​ത്തി​ലേ​ക്ക് പ്ര​വേ​ശി​ക്കാ​ൻ. വാ​ഹ​ന​ങ്ങ​ളി​ൽ വ​സ്ത്രം ഉ​ട​ക്കു​ന്ന​തി​നും, പു​ക​ക്കു​ഴ​ലു​ക​ളി​ൽ കാ​ലു​ത​ട്ടി പൊ​ള്ള​ലേ​ൽ​ക്കാ​നും സാ​ധ്യ​ത ഏ​റെ​യാ​ണ്. സ​ബ് ട്ര​ഷ​റി, പൊ​തു​മ​രാ​മ​ത്ത് ഓ​ഫി​സ്, സ​ബ് ര​ജി​സ്ട്രാ​ർ ഓ​ഫി​സ്, വി​ദ്യാ​ഭ്യാ​സ ഉ​പ​ജി​ല്ല ഓ​ഫി​സ്, ജോ​യ​ന്‍റ്​ ആ​ർ.​ടി.​ഒ ഓ​ഫി​സ്, താ​ലൂ​ക്ക് സ​പ്ലൈ ഓ​ഫി​സ്, എം​പ്ലോ​യ്മെ​ന്‍റ്​ എ​ക്സ്ചേ​ഞ്ച് തു​ട​ങ്ങി നി​ര​വ​ധി ഓ​ഫി​സു​ക​ൾ പ്ര​വ​ർ​ത്തി​ക്കു​ന്ന മി​നി സി​വി​ൽ സ്റ്റേ​ഷ​നി​ൽ നൂ​റു​ക​ണ​ക്കി​ന് പേ​രാ​ണ് ദി​നേ​ന എ​ത്തു​ന്ന​ത്. വ​ഴി​യ​ട​ച്ചു​ള്ള വാ​ഹ​ന പാ​ർ​ക്കി​ങ് ഒ​ഴി​വാ​ക്കാ​ൻ അ​ധി​കൃ​ത​രു​ടെ ഭാ​ഗ​ത്തു​നി​ന്ന്​ അ​ടി​യ​ന്ത​ര ന​ട​പ​ടി ഉ​ണ്ടാ​ക​ണ​മെ​ന്നാ​ണ് പൊ​തു​ജ​ന​ങ്ങ​ളു​ടെ ആ​വ​ശ്യം.