കോന്നി താലൂക്ക്​ ആശുപത്രി; അത്യാഹിത വിഭാഗം 'ശ്വാസംമുട്ടുന്നു'

കോ​ന്നി: താ​ലൂ​ക്ക് ആ​ശു​പ​ത്രി​യി​ൽ താ​ൽ​ക്കാ​ലി​ക​മാ​യി സ​ജ്ജീ​ക​രി​ച്ച അ​ത്യാ​ഹി​ത വി​ഭാ​ഗം സ്ഥ​ല പ​രി​മി​തി​യി​ൽ ശ്വാ​സം മു​ട്ടു​ന്നു. ജെ​റി​യാ​ട്രി​ക് വി​ഭാ​ഗ​ത്തി​നാ​യി ന​വീ​ക​രി​ച്ച കെ​ട്ടി​ട​ത്തി​ലാ​ണ് പ്ര​വ​ർ​ത്തി​ക്കു​ന്ന​ത്. നി​ല​വി​ൽ ഐ.​പി​യും, അ​ത്യാ​ഹി​ത വി​ഭാ​ഗ​വും പ്ര​വ​ർ​ത്തി​ച്ചു കൊ​ണ്ടി​രു​ന്ന കെ​ട്ടി​ടം ന​വീ​ക​ര​ണം ന​ട​ത്താ​നാ​യി​ട്ടാ​ണ് താ​ഴേ​ക്ക് മാ​റ്റി​യ​ത്. ഡോ​ക്ട​റു​ടെ മു​റി​യി​ൽ നി​ന്നു​തി​രി​യാ​ൻ ഇ​ട​മി​ല്ല. ഇ​തി​ന്‍റെ ഒ​രു ഭാ​ഗ​ത്ത് ഫാ​ർ​മ​സി​യും പ്ര​വ​ർ​ത്തി​ക്കു​ന്നു​ണ്ട്. ഒ.​പി വി​ഭാ​ഗ​ത്തി​ന്‍റെ പ്ര​വ​ർ​ത്ത​നം മു​ക​ളി​ല​ത്തെ നി​ല​യി​ൽ ആ​ക്കി​യെ​ങ്കി​ലും ഉ​ച്ച​വ​രെ മാ​ത്ര​മേ പ്ര​വ​ർ​ത്ത​ന​മു​ള്ളൂ.

ഇ​തി​നാ​ൽ ഉ​ച്ച​ക്കു​ശേ​ഷം എ​ത്തു​ന്ന ആ​ളു​ക​ൾ അ​ത്യാ​ഹി​ത വി​ഭാ​ഗ​ത്തി​ലെ​ത്തും. ശ​ബ​രി​മ​ല മ​ണ്ഡ​ല​കാ​ലം ആ​രം​ഭി​ച്ച​തോ​ടെ എ​ത്തു​ന്ന അ​യ്യ​പ്പ​ഭ​ക്ത​ർ​ക്കും ഇ​ത് ബു​ദ്ധി​മു​ട്ട് സൃ​ഷ്ടി​ക്കും. ഡോ​ക്ട​റെ കാ​ണാ​ൻ നി​ൽ​ക്കു​ന്ന രോ​ഗി​ക​ൾ പ​ല​രും ആ​ശു​പ​ത്രി മു​റ്റ​ത്താ​ണ് വ​രി നി​ൽ​ക്കു​ന്ന​ത്. മ​ഴ പെ​യ്​​താ​ൽ ഇ​ര​ട്ടി ദു​രി​ത​മാ​കും.

മ​ല​യോ​ര മേ​ഖ​ല​യി​ൽ നി​ന്ന​ട​ക്കം നി​ര​വ​ധി രോ​ഗി​ക​ളാ​ണ് ഇ​വി​ടെ ചി​കി​ത്സ തേ​ടു​ന്ന​ത്. പു​തി​യ കെ​ട്ടി​ട നി​ർ​മാ​ണം പൂ​ർ​ത്തി​യാ​കു​ന്ന​തു​വ​രെ അ​ത്യാ​ഹി​ത വി​ഭാ​ഗം കൂ​ടു​ത​ൽ സൗ​ക​ര്യ​മു​ള്ള കെ​ട്ടി​ട​ത്തി​ലേ​ക്ക്​ മാ​റ്റ​ണ​മെ​ന്ന ആ​വ​ശ്യം ശ​ക്​​ത​മാ​ണ്.