പന്തളത്ത് തോരാമഴയും തീരാദുരിതവും

പ​ന്ത​ളം: ശ​ക്ത​മാ​യ മ​ഴ​യി​ൽ പ​ന്ത​ളം മ​ഹാ​ദേ​വ​ക്ഷേ​ത്ര​ത്തി​ന് സ​മീ​പം അ​ച്ച​ൻ​കോ​വി​ലാ​റ്റി​ൽ വ​യ​റ​പ്പു​ഴ ക​ട​വി​ൽ പ​ന്ത​ളം ന​ഗ​ര​സ​ഭ​യി​ലെ മൊ​ടി​യൂ​ർ​ക്കോ​ണം ഭാ​ഗ​വും കു​ള​ന​ട പ​ഞ്ചാ​യ​ത്തി​ലെ നെ​ട്ടൂ​ർ ഭാ​ഗ​വു​മാ​യി ബ​ന്ധി​പ്പി​ക്കാ​ൻ നി​ർ​മി​ച്ച താ​ൽ​ക്കാ​ലി​ക ന​ട​പ്പാ​ലം കു​ത്തൊ​ഴു​ക്കി​ൽ ത​ക​ർ​ന്നു. തു​മ്പ​മ​ൺ, മ​ണ്ണാ​ക​ട​വ് സി​ൻ​ജോ ഭ​വ​ൻ വീ​ട്ടി​ൽ മോ​നി ജോ​യി​യു​ടെ കി​ണ​ർ ക​ന​ത്ത മ​ഴ​യെ തു​ട​ർ​ന്ന് ഇ​ടി​ഞ്ഞു​താ​ഴ്ന്നു. രാ​വി​ലെ മു​ത​ൽ മ​ഴ ദു​രി​ത​പ്പെ​യ്ത്താ​യി തു​ട​ർ​ന്നെ​ങ്കി​ലും ഉ​ച്ച​ക്കു​ശേ​ഷം നേ​രി​യ ശ​മ​ന​മു​ണ്ടാ​യി.

ശ​ക്ത​മാ​യ മ​ഴ​യി​ൽ ന​വീ​ക​ര​ണ​മി​ല്ലാ​തെ കി​ട​ക്കു​ന്ന ഗ്രാ​മീ​ണ റോ​ഡു​ക​ളി​ൽ വെ​ള്ള​ക്കെ​ട്ടാ​യ​ത് യാ​ത്രാ​ദു​രി​തം ഇ​ര​ട്ടി​യാ​ക്കി. കൃ​ഷി​നാ​ശം ഉ​ണ്ടാ​യി​ട്ടി​ല്ലെ​ങ്കി​ലും താ​ഴ്ന്ന പ്ര​ദേ​ശ​ങ്ങ​ളി​ൽ കൃ​ഷി​യി​ട​ങ്ങ​ളി​ൽ വെ​ള്ളം ക​യ​റി​യ​ത് ക​ർ​ഷ​ക​ർ​ക്ക്​ ആ​ശ​ങ്ക​യാ​യി.

മ​ര​ങ്ങ​ൾ വീ​ണും മ​ര​ച്ചി​ല്ല​ക​ൾ ഒ​ടി​ഞ്ഞും വൈ​ദ്യു​തി ലൈ​നു​ക​ൾ ത​ക​രാ​റി​ലാ​കു​ന്ന​തു വൈ​ദ്യു​ത ത​ട​സ്സ​ത്തി​നും കാ​ര​ണ​മാ​യി. കു​ള​ന​ട പ​ഞ്ചാ​യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ലൈ​നി​ൽ മ​രം വീ​ണു വൈ​ദ്യു​ത​ബ​ന്ധം ത​ട​സ്സ​പ്പെ​ട്ടു. മ​രം മു​റി​ച്ചു​നീ​ക്കി​യാ​ണ് ഇ​വി​ട​ങ്ങ​ളി​ൽ വൈ​ദ്യു​തി പു​നഃ​സ്ഥാ​പി​ച്ച​ത്. പ​ന്ത​ള​ത്ത് ദു​രി​താ​ശ്വാ​സ ക്യാ​മ്പു​ക​ൾ ആ​രം​ഭി​ക്കാ​നു​ള്ള ന​ട​പ​ടി റ​വ​ന്യൂ വ​കു​പ്പും ന​ഗ​ര​സ​ഭ​യും ആ​രം​ഭി​ച്ചി​ട്ടു​ണ്ട്. അ​ച്ച​ൻ​കോ​വി​ലാ​റ്റി​ൽ നേ​രി​യ​തോ​തി​ൽ ജ​ലം ഉ​യ​ർ​ന്നി​ട്ടു​ണ്ട്.