കാന്സര് ജനകീയ കാമ്പയിന്റെ ലോഗോ പ്രകാശനം ആരോഗ്യമന്ത്രി വീണ ജോര്ജ് നിര്വഹിക്കുന്നു
പത്തനംതിട്ട: അർബുദ പ്രതിരോധത്തിനും ചികിത്സക്കുമായി സംസ്ഥാന ആരോഗ്യവകുപ്പ് ജനകീയ കാന്സര് കാമ്പയിന് തുടങ്ങി. ‘ആരോഗ്യം ആനന്ദം-അകറ്റാം അര്ബുദം’ എന്നാണ് കാമ്പയിന്റെ മുദ്രാവാക്യം.
സര്ക്കാര്, സ്വകാര്യ മേഖലകള് സഹകരിച്ചാണ് കാമ്പയിന് സംഘടിപ്പിക്കുന്നത്. ഒരു വര്ഷം നീളുന്ന പ്രവര്ത്തനങ്ങളാണ് ആസൂത്രണം ചെയ്തിട്ടുള്ളത്. ആദ്യഘട്ട ക്യാമ്പയിന് സ്ത്രീകള്ക്ക് വേണ്ടിയുള്ളതാണ്.
ഈ കാലയളവില് സ്ത്രീകളെ ബാധിക്കുന്ന സ്തനാര്ബുദം, സെര്വിക്കല് കാന്സര് എന്നിവക്ക് സ്ക്രീനിങ് നടത്തി പരിശോധനയും ചികിത്സയും ഉറപ്പാക്കുമെന്നും ആരോഗ്യമന്ത്രി വീണ ജോർജ് വ്യക്തമാക്കി.
‘ആരോഗ്യം ആനന്ദം-അകറ്റാം അര്ബുദം’ കാന്സര് ജനകീയ കാമ്പയിന്റെ ലോഗോ പ്രകാശനം പത്തനംതിട്ടയില് കുടുംബശ്രീ പ്രവര്ത്തകരുടെ സാന്നിധ്യത്തില് മന്ത്രി വീണ ജോര്ജ് നിര്വഹിച്ചു. കെ.യു. ജനീഷ് കുമാര് എം.എല്.എ, ജില്ല പഞ്ചായത്ത് പ്രസിഡന്റ് ഇന് ചാര്ജ് ബീനപ്രഭ, വള്ളിക്കോട് പഞ്ചായത്ത് പ്രസിഡന്റ് ആര്. മോഹനന് നായര്, ജില്ല മെഡിക്കല് ഓഫിസര് ഡോ. എല്. അനിതകുമാരി, ആരോഗ്യ കേരളം ജില്ല പ്രോഗ്രാം മാനേജര് ഡോ. എസ്. ശ്രീകുമാര്, കുടുംബശ്രീ ജില്ല മിഷന് കോഓഡിനേറ്റര് എസ്. ആദില എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.