സ്വകാര്യ ബസ് പണിമുടക്കില്‍ റാന്നിയില്‍ ജനങ്ങള്‍ വലഞ്ഞു

റാന്നി: . സ്കൂള്‍ വിദ്യാർഥികള്‍ക്ക് പരീക്ഷ തുടങ്ങിയതിനാല്‍ വലഞ്ഞത് കൂടുതലും കുട്ടികളാണ്. പലര്‍ക്കും നിശ്ചിത സമയത്ത് ക്ലാസുകളിലെത്തിച്ചേരാനായില്ല. സമരത്തെ നേരിടാന്‍ കൂടുതല്‍ സർവിസുകള്‍ ഒരുക്കുമെന്ന്​ കരുതി കെ.എസ്.ആര്‍.ടി.സി ബസുകളെ ആശ്രയിച്ചെത്തിയ പലര്‍ക്കും നിരാശയായിരുന്നു ഫലം. സമരം മൂലം റാന്നിയുടെ വിവിധ പ്രദേശങ്ങളിലേക്ക്​ ബസുകള്‍ ഇല്ലാതെ വലഞ്ഞ ജനങ്ങള്‍ക്ക് ടാക്സി വാഹനങ്ങള്‍ നടത്തിയ ട്രിപ്പ് ആശ്വാസമായി. കെ.എസ്.ആര്‍.ടി.സി ബസുകള്‍ സ്ഥിരം റൂട്ടുകളില്‍ മാത്രമായി ട്രിപ്പുകള്‍ ഒതുക്കിയതും ജനങ്ങളെ ബാധിച്ചു. സ്വകാര്യ ബസുകളെ മാത്രം ആശ്രയിക്കുന്ന ഇടമുറി,അത്തിക്കയം,വലിയകുളം,മോതിരവയല്‍,അടിച്ചിപ്പുഴ,മല്ലപ്പള്ളി,ചെറുകോല്‍പ്പുഴ,കോഴഞ്ചേരി,വടശ്ശേരിക്കര തുടങ്ങിയ സ്ഥലത്തെത്തിച്ചേരാനും പുറന്നാടുകളില്‍ ബന്ധപ്പെടാനും ഏറെ ബുദ്ധിമുട്ടി. മണിക്കൂറുകൾ കാത്തുനിന്ന് ശേഷമാണ് ബസുകൾ കിട്ടുന്നത്. Ptl rni - 1 busstrike ഫോട്ടോ: പണിമുടക്കിനെ തുടർന്ന് റാന്നി ഇട്ടിയപ്പാറ സ്റ്റാൻഡിൽ പാർക്ക് ചെയ്തിരിക്കുന്ന ബസുകൾ

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.