കൂറ്റനാട്: മാരകമയക്കുമരുന്നുമായി രണ്ടുപേരെ എക്സൈസ് സംഘം അറസ്റ്റുചെയ്തു. നാഗലശ്ശേരി സ്വദേശി മുഹമ്മദ് ഫായിസ് (27), മലപ്പുറം കൊളത്തൂർ സ്വദേശി മുഹമ്മദ് ഷഫീഖ് (25) എന്നിവരാണ് അറസ്റ്റിലായത്. പാലക്കാട് എക്സൈസിന് ലഭിച്ച വിവരമനുസരിച്ച് മലപ്പുറം ഐ.ബിയും പൊന്നാനി റെയിഞ്ച് എക്സൈസും ചേർന്ന് നടത്തിയ പരിശോധനയിൽ എടപ്പാളിലെ ലോഡ്ജില് നിന്നുമാണ് ഇവരെ പിടികൂടിയത്.
ഇരുവരിൽനിന്ന് 7.895 ഗ്രാം എം.ഡി.എം.എയും മൊബൈൽ ഫോണും പിടികൂടി. മലപ്പുറം ഐ.ബി ഇൻസ്പെക്ടർ പി.കെ. മുഹമ്മദ് ഷഫീഖ്, പ്രിവന്റീവ് ഓഫിസർ, ഗണേശൻ, ഐ.ബി. പ്രിവന്റീവ് ഓഫിസർ വി. ആർ.രാജേഷ്, സിവിൽ എക്സൈസ് ഓഫിസർമാരായ ഷാജു, ശരത്ത്, പാലക്കാട് ഐ.ബിയിലെ കെ.ജെ ഓസ്റ്റിൻ, ടി.ആര്. വിശ്വകുമാർ, പാലക്കാട് സൈബർ സെല്ലിലെ സി.ഇ.ഒമാരായ ടി.ആര്. വിജീഷ്, എം. അഷ്റഫ് അലി എന്നിവർ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.