ജീ​വി​തം കു​ഴിയി​ൽ...

വ​ട​ക്ക​ഞ്ചേ​രി: വ​ട​ക്ക​ഞ്ചേ​രി-​മ​ണ്ണു​ത്തി ആ​റു​വ​രി ദേ​ശീ​യ​പാ​ത​യി​ൽ മ​ഴ ക​ന​ത്ത​തോ​ടെ യാ​ത്രാ​ദു​രി​തം രൂ​ക്ഷം. റോ​ഡി​ൽ രൂ​പ​പ്പെ​ട്ട വ​ലി​യ കു​ഴി​ക​ളും മേ​ൽ​പ്പാ​ലം നി​ർ​മാ​ണം മൂ​ല​മു​ള്ള ഗ​താ​ഗ​ത​ക്കു​രു​ക്കും യാ​ത്ര​ക്കാ​രെ വ​ല​ക്കു​ക​യാ​ണ്.

മ​ര​ണ​ക്കെ​ണി​യാ​യി കു​ഴി​ക​ൾ

ശ​ക്ത​മാ​യ മ​ഴ​യി​ൽ വ​ട​ക്ക​ഞ്ചേ​രി-​മ​ണ്ണു​ത്തി ആ​റു​വ​രി​പാ​ത​യി​ൽ വ​ൻ കു​ഴി​ക​ളാ​ണ് രൂ​പ​പ്പെ​ട്ട​ത്. ക​രാ​ർ ക​മ്പ​നി താ​ൽ​ക്കാ​ലി​ക​മാ​യി അ​ട​ച്ച കു​ഴി​ക​ൾ വീ​ണ്ടും തു​റ​ന്ന​തോ​ടെ അ​പ​ക​ട​ങ്ങ​ൾ പ​തി​വാ​കു​ക​യാ​ണ്. ശ​ങ്ക​രം ക​ണ്ണ​ൻ​തോ​ട്, പ​ന്ത​ലാം​പാ​ടം, വാ​ണി​യ​മ്പാ​റ, കു​തി​രാ​ൻ എ​ന്നി​വി​ട​ങ്ങ​ളി​ൽ വാ​ഹ​ന​ങ്ങ​ൾ കു​ഴി​യി​ൽ വീ​ണ് അ​പ​ക​ട​ങ്ങ​ൾ ഉ​ണ്ടാ​യി. പ​ന്നി​യ​ങ്ക​ര ടോ​ൾ പ്ലാ​സ​യി​ൽ വ​ലി​യ തു​ക ടോ​ൾ ന​ൽ​കി ക​ട​ന്നു​പോ​കു​ന്ന വാ​ഹ​ന ഉ​ട​മ​ക​ൾ പ​രാ​തി പ​റ​ഞ്ഞി​ട്ടും മ​ഴ കാ​ര​ണ​മാ​ണ് റോ​ഡ് ത​ക​ർ​ന്ന​തെ​ന്നാ​ണ് ടോ​ൾ ക​മ്പ​നി പ​റ​യു​ന്ന​ത്. ദേ​ശീ​യ​പാ​ത അ​തോ​റി​റ്റി​യോ നി​ർ​മാ​ണ ക​മ്പ​നി​യോ ഇ​തി​ൽ യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ല. സ​ർ​വി​സ് റോ​ഡു​ക​ളും ത​ക​ർ​ന്ന് കി​ട​ക്കു​ക​യാ​ണ്.

കു​രു​ക്കി​ലാ​യി ജീ​വി​തം

വാ​ണി​യ​മ്പാ​റ, ക​ല്ലി​ടു​ക്ക്, മു​ടി​ക്കോ​ട് എ​ന്നി​വി​ട​ങ്ങ​ളി​ൽ ന​ട​ക്കു​ന്ന മേ​ൽ​പ്പാ​ലം നി​ർ​മാ​ണ​മാ​ണ് ഗ​താ​ഗ​ത​ക്കു​രു​ക്കി​ന് പ്ര​ധാ​ന കാ​ര​ണം. ക​ല്ലി​ടു​ക്കി​ലാ​ണ് ഏ​റ്റ​വും കൂ​ടു​ത​ൽ കു​രു​ക്ക് അ​നു​ഭ​വ​പ്പെ​ടു​ന്ന​ത്. തൃ​ശൂ​ർ ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ളാ​ണ് മ​ണി​ക്കൂ​റു​ക​ളോ​ളം കു​രു​ക്കി​ൽ കു​ടു​ങ്ങി​ക്കി​ട​ക്കു​ന്ന​ത്.

ചി​ല സ​മ​യ​ങ്ങ​ളി​ൽ ര​ണ്ടു​മൂ​ന്നു കി​ലോ​മീ​റ്റ​ർ ദൂ​രം വാ​ഹ​ന​ങ്ങ​ൾ കു​ടു​ങ്ങി​ക്കി​ട​ക്കാ​റു​ണ്ട്. മേ​ൽ​പ്പാ​ല​ങ്ങ​ളു​ടെ പ​ണി​ക​ൾ ന​ട​ക്കു​ന്ന​തി​നാ​ൽ വാ​ഹ​ന​ങ്ങ​ൾ സ​ർ​വീ​സ് റോ​ഡി​ലൂ​ടെ​യാ​ണ് തി​രി​ച്ചു​വി​ടു​ന്ന​ത്. എ​ന്നാ​ൽ ഈ ​സ​ർ​വീ​സ് റോ​ഡു​ക​ൾ പൊ​ട്ടി​പ്പൊ​ളി​ഞ്ഞ് വ​ലി​യ കു​ഴി​ക​ളാ​ണ്. ഇ​ത് വാ​ഹ​ന​ങ്ങ​ൾ സാ​വ​ധാ​നം പോ​കാ​ൻ ഇ​ട​യാ​ക്കു​ന്നു. റോ​ഡി​ലെ കു​ഴി​ക​ൾ യ​ഥാ​സ​മ​യം അ​ട​ച്ച് ഗ​താ​ഗ​തം സു​ഗ​മ​മാ​ക്കാ​ൻ ന​ട​പ​ടി​ക​ളൊ​ന്നും സ്വീ​ക​രി​ക്കു​ന്നി​ല്ല. പൊ​ലീ​സി​ന്റെ സേ​വ​നം കാ​ര്യ​ക്ഷ​മ​മ​ല്ലാ​ത്ത​തും കു​രു​ക്കി​ന് കാ​ര​ണ​മാ​കു​ന്നു​ണ്ട്.

ആ​വ​ശ്യ​ങ്ങ​ൾ നി​ര​വ​ധി

അ​ത്യാ​വ​ശ്യ​ങ്ങ​ൾ​ക്ക് പോ​കു​ന്ന ആ​യി​ര​ക്ക​ണ​ക്കി​ന് യാ​ത്ര​ക്കാ​ർ അ​ധി​കൃ​ത​രു​ടെ അ​നാ​സ്ഥ​യി​ൽ ക​ഷ്ട​പ്പെ​ടു​ക​യാ​ണ്. വി​മാ​ന​ത്താ​വ​ള​ത്തി​ലേ​ക്കും റെ​യി​ൽ​വേ സ്റ്റേ​ഷ​നി​ലേ​ക്കും ചി​കി​ത്സ​ക​ൾ​ക്കും ജോ​ലി​ക്കും പോ​കു​ന്ന​വ​ർ വ​ഴി​യി​ൽ കി​ട​ന്ന് വി​ഷ​മി​ക്കേ​ണ്ട അ​വ​സ്ഥ​യാ​ണ്.

ദേ​ശീ​യ​പാ​ത​യി​ൽ നി​ർ​മാ​ണ പ്ര​വൃ​ത്തി​ക​ൾ തീ​രു​ന്ന​തു​വ​രെ വാ​ഹ​ന​ങ്ങ​ളു​ടെ ടോ​ൾ ഒ​ഴി​വാ​ക്ക​ണ​മെ​ന്ന് ഫോ​റം ഫോ​ർ ക​ൺ​സ്യൂ​മ​ർ ജ​സ്‌​റ്റി​സ് യോ​ഗം ആ​വ​ശ്യ​പ്പെ​ട്ടു. കൂ​ടാ​തെ, ഗ​താ​ഗ​ത​ക്കു​രു​ക്ക് ഒ​ഴി​വാ​ക്കാ​ൻ ക​രാ​റു​കാ​രു​ടെ ചെ​ല​വി​ൽ അ​ത​ത് പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ഹോം ​ഗാ​ർ​ഡു​ക​ളെ ഡ്യൂ​ട്ടി​ക്ക് നി​യോ​ഗി​ക്ക​ണ​മെ​ന്നും യോ​ഗം ആ​വ​ശ്യ​പ്പെ​ട്ടു. വാ​ഹ​ന​ക്കു​രു​ക്കി​ന് പ​രി​ഹാ​രം കാ​ണാ​ൻ ക​ള​ക്ട​ർ​മാ​ർ ഇ​ട​പെ​ട്ട് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് യാ​ത്ര​ക്കാ​ർ ഒ​ന്ന​ട​ങ്കം ആ​വ​ശ്യ​പ്പെ​ടു​ന്ന​ത്.