അമ്മപ്പുലി പോയില്ല? തെരുവ് നായെ കടിച്ച് കീറി; ഭീതി മാറാതെ നാട്ടുകാർ

അ​ക​ത്തേ​ത്ത​റ (പാലക്കാട്): ഗ്രാ​മ​പ​ഞ്ചാ​യ​ത്തി​ലെ ഉ​മ്മി​നി​യി​ല്‍ വൃ​ന്ദാ​വ​ന്‍ ന​ഗ​റി​ല്‍ പു​ലി ഇ​റ​ങ്ങി തെ​രു​വ് നാ​യെ ക​ടി​ച്ച് കീ​റി​യ​താ​യി നാ​ട്ടു​കാ​ർ. ചോ​ര വാ​ർ​ന്നൊ​ലി​ക്കു​ന്ന നാ​യെ ക​ണ്ട​തോ​ടെ നാ​ട്ടു​കാ​രു​ടെ പു​ലി​പ്പേ​ടി​ക്ക് ആ​ക്കം കൂ​ടി. അ​ക​ത്തേ​ത്ത​റ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന് സ​മീ​പം വൃ​ന്ദാ​വ​ന്‍ ന​ഗ​റി​ല്‍ വീ​ട്ടു​മു​റ്റ​ത്ത് പു​ലി​യു​ടേ​തെ​ന്ന് സം​ശ​യി​ക്കു​ന്ന കാ​ല്‍പ്പാ​ടു​ക​ളും ക​ണ്ടെ​ത്തി. വീ​ട്ടു​മു​റ്റ​ത്തെ മെ​റ്റ​ലി​ലാ​ണ് കാ​ല്‍പ്പാ​ടു​ക​ള്‍ ക​ണ്ടെ​ത്തി​യ​ത്.

പു​ലി​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ നാ​യെ ക​ണ്ട സ്ഥ​ല​ത്തി​ന​ടു​ത്ത വീ​ട്ടു​മു​റ്റ​ത്താ​ണ് പു​ലി​യു​ടേ​തെ​ന്ന് ക​രു​തു​ന്ന കാ​ല്‍പ്പാ​ടു​ക​ളും ക​ണ്ട​ത്. വി​വ​ര​മ​റി​ഞ്ഞ് സ്ഥ​ല​ത്തെ​ത്തി​യ വ​നം​വ​കു​പ്പ് ഉ​ദ്യോ​ഗ​സ്ഥ​ർ പു​ലി​യു​ടേ​തെ​ന്ന് ക​രു​തു​ന്ന കാ​ൽ​പ്പാ​ടു​ക​ൾ പ​രി​ശോ​ധി​ച്ചു.

വൃ​ന്ദാ​വ​ന്‍ ന​ഗ​റി​ല്‍ മാ​ത്രം 60ൽ​പ​രം വീ​ട്ടു​കാ​ർ താ​മ​സി​ക്കു​ന്നു​ണ്ട്. പു​ലി​യു​ടെ സാ​ന്നി​ധ്യ​മ​റി​യാ​ന്‍ ഈ ​പ്ര​ദേ​ശ​ത്ത് വ​നം​വ​കു​പ്പ് കാ​മ​റ സ്ഥാ​പി​ച്ച​താ​യി വ​നം​വ​കു​പ്പ്​ അ​ധി​കൃ​ത​ർ അ​റി​യി​ച്ചു.

അ​ക​ത്തേ​ത്ത​റ ഗ്രാ​മ​പ​ഞ്ചാ​യ​ത്തി​ലെ വി​വി​ധ പ്ര​ദേ​ശ​ങ്ങ​ളി​ൽ ര​ണ്ടാ​ഴ്ച​ക്കു​ള്ളി​ൽ പു​ലി​യെ ക​ണ്ട​ത് വ​ന​പാ​ല​ക​രെ​യും കു​ഴ​ക്കു​ക​യാ​ണ്. ഉ​മ്മി​നി, സൂ​ര്യ​ന​ഗ​ർ, മേ​ലേ​ചേ​റാ​ട് എ​ന്നി​വി​ട​ങ്ങ​ളി​ലാ​ണ് മു​മ്പ്​ പു​ലി​യെ​ത്തി​യ​ത്. ഉ​മ്മി​നി​യി​ൽ ഏ​താ​നും ദി​വ​സ​ങ്ങ​ൾ​ക്ക്​ മു​മ്പാ​ണ്​ ആ​ൾ​താ​മ​സ​മി​ല്ലാ​ത്ത വീ​ട്ടി​ൽ നി​ന്ന്​ ര​ണ്ട് പു​ലി​ക്കു​ഞ്ഞു​ങ്ങ​ളെ ക​ണ്ടെ​ത്തി​യ​ത്.

പു​ലി​ക്കു​ഞ്ഞു​ങ്ങ​ളി​ലൊ​ന്നി​നെ വ​നം വ​കു​പ്പ് സ്ഥാ​പി​ച്ച കൂ​ടി​ൽ​നി​ന്ന് അ​മ്മ​പ്പു​ലി കൊ​ണ്ടു​പോ​യി​രു​ന്നു. മ​റ്റൊ​രു പു​ലി​ക്കു​ഞ്ഞ് വ​നം വ​കു​പ്പി​ന്‍റെ തൃ​ശൂ​ർ അ​ക​മ​ല വ​ന്യ​ജീ​വി പ​രി​പാ​ല​ന കേ​ന്ദ്ര​ത്തി​ലാ​ണ്. ആ​ൾ പെ​രു​മാ​റ്റം മ​ണ​ത്ത​റി​ഞ്ഞ് മ​ട​ങ്ങി​പ്പോ​യ അ​മ്മ​പ്പു​ലി ഉ​മ്മി​നി​യി​ൽ വീ​ണ്ടു​മെ​ത്തി​യ​താ​വാ​മെ​ന്നാ​ണ്​ അ​ധി​കൃ​ത​ർ ക​രു​തു​ന്ന​ത്. ഇ​തേ പു​ലി ത​ന്നെ​യാ​വാം സൂ​ര്യ​ന​ഗ​റി​ലും മേ​ലേ ചേ​റാ​ടി​ലും തെ​രു​വ് നാ​യെ​യും വ​ള​ർ​ത്ത് നാ​യെ​യും ആ​ക്ര​മി​ച്ച​തെ​ന്നും അ​നു​മാ​ന​മു​ണ്ട്.