മലപ്പുറം: കോഴിക്കോട്-പാലക്കാട് റൂട്ടിൽ മെഡിക്കൽ കോളജ്-മാവൂർ-എളമരം കടവ്-എടവണ്ണപ്പാറ-കൊണ്ടോട്ടി-മലപ്പുറം-പെരിന്തൽമണ്ണ-മണ്ണാർക്കാട് വഴി ബുധനാഴ്ച മുതൽ കെ.എസ്.ആർ.ടി.സി ടൗൺ ടു ടൗൺ സർവിസ് ആരംഭിച്ചു. മലപ്പുറം ഡിപ്പോയിൽനിന്നാണ് ബസ് പുറപ്പെടുന്നത്.
പുലർച്ച 5.30ന് മലപ്പുറത്തുനിന്ന് പുറപ്പെടുന്ന ബസ് 6.40ന് എടവണ്ണപ്പാറ വഴി 07.35ന് കോഴിക്കോടെത്തും. 07.50ന് കോഴിക്കോടുനിന്ന് തിരിച്ച് 8.45ന് എടവണ്ണപ്പാറ വഴി ഉച്ചക്ക് 12.35ന് പാലക്കാട് എത്തും. ഉച്ചക്ക് 1.10ന് പാലക്കാടുനിന്ന് മടങ്ങുന്ന ബസ് വൈകീട്ട് അഞ്ചിന് എടവണ്ണപ്പാറ വഴി 5.55ന് കോഴിക്കോട് എത്തും. 6.10ന് കോഴിക്കോടുനിന്ന് തിരിക്കുന്ന ബസ് 7.05ന് എടവണ്ണപ്പാറ വഴി രാത്രി 8.15ന് മലപ്പുറത്ത് സർവിസ് അവസാനിപ്പിക്കും.
കൊണ്ടോട്ടി മുതൽ കോഴിക്കോട് വരെയുള്ള ഭാഗങ്ങളിൽ ഓർഡിനറി ആയും കൊണ്ടോട്ടി മുതൽ പാലക്കാട് വരെ ഭാഗങ്ങളിൽ ടൗൺ ടു ടൗൺ ആയുമാണ് ബസ് സർവിസ് നടത്തുകയെന്ന് അധികൃതർ അറിയിച്ചു. ബസിന് എളമരം കടവിലും എടവണ്ണപ്പാറയിലും പെരിന്തൽമണ്ണയിലും നാട്ടുകാർ സ്വീകരണം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.