package ഒറ്റപ്പാലം: വരോട് കെ.പി.എസ്.എം എം.വി.എച്ച്.എസ് സ്കൂളിൽ വിദ്യാർഥികൾക്ക് സമ്മാനം നൽകിയാണ് പ്രവേശനോത്സവത്തിലേക്ക് സ്വാഗതം ചെയ്തത്. പുതുതായി എട്ടാം ക്ലാസിലേക്ക് പ്രവേശനം നേടിയ വിദ്യാർഥികൾക്കാണ് സമ്മാനങ്ങൾ നൽകിയത്. മുഴുവൻ കുട്ടികൾക്കും പഠനോപകരണങ്ങളും എൻ.എസ്.എസ് യൂനിറ്റ് നോട്ടുപുസ്തകങ്ങളും വിതരണം ചെയ്തു. നഗരസഭ ക്ഷേമകാര്യ സ്ഥിരം സമിതി അധ്യക്ഷൻ കെ. അബ്ദുൽ നാസർ ഉദ്ഘാടനം ചെയ്തു. പി.ടി.എ പ്രസിഡൻറ് ഷെമീറലി അധ്യക്ഷത വഹിച്ചു. കൗൺസിലർമാരായ സുരേഷ് കുമാർ, അക്ബറലി, ഹയർ സെക്കൻഡറി പ്രിൻസിപ്പൽ എസ്.വി. സാനു, വൊക്കേഷനൽ ഹയർ സെക്കൻഡറി പ്രിൻസിപ്പൽ കെ. രാജേഷ് കുമാർ, പ്രധാനാധ്യാപിക ബിന്ദു, സ്കൂൾ മാനേജർ ഡോ. കെ. രവികുമാർ, ബി.ആർ.സി കോഓഡിനേറ്റർ റീന, പി.ടി.എ എക്സിക്യൂട്ടിവ് അംഗം ടി.പി. പ്രദീപ് കുമാർ, സ്റ്റാഫ് സെക്രട്ടറി രമ ശേഖർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.