ന​മ്പ്രാ​ണി ചെ​ക്ക് ഡാമിൽ ജ​ല​നി​ര​പ്പ് കു​റ​ഞ്ഞി​ല്ല; നി​ർ​മാ​ണ പ്ര​വൃ​ത്തി​ക​ൾ പു​ന​രാ​രം​ഭി​ക്കാ​ൻ വൈ​കും

മ​ല​പ്പു​റം: ക​ട​ലു​ണ്ടി​പ്പു​ഴ​യി​ൽ ജ​ല​നി​ര​പ്പ് ഉ​യ​ർ​ന്ന​തി​നാ​ൽ ത​ട​സ്സ​പ്പെ​ട്ട ന​മ്പ്രാ​ണി ചെ​ക്ക് ഡാ​മി​ന്റെ നി​ർ​മാ​ണ പ്ര​വൃ​ത്തി​ക​ൾ പു​ന​രാ​രം​ഭി​ക്കാ​ൻ വൈ​കി​യേ​ക്കും. നി​ല​വി​ലെ സാ​ഹ​ച​ര്യ​ത്തി​ൽ പ​ണി തു​ട​ങ്ങാ​ൻ ഡി​സം​ബ​റെ​ങ്കി​ലും ക​ഴി​യേ​ണ്ടി വ​രു​മെ​ന്നാ​ണ് ജ​ല​സേ​ച​ന വ​കു​പ്പി​ന്റെ നി​രീ​ക്ഷ​ണം. പു​ഴ​യി​ലെ ഒ​ഴു​ക്ക് നി​ല​ക്കു​ന്ന​തോ​ടെ ഷ​ട്ട​റി​ന്റെ പ്ര​വൃ​ത്തി ആ​രം​ഭി​ക്കാ​ൻ ക​ഴി​യു​മെ​ന്ന് അ​ധി​കൃ​ത​ർ അ​റി​യി​ച്ചു.

വേ​ന​ൽ മ​ഴ​യും തു​ട​ർ​ന്ന് മ​ൺ​സൂ​ൺ നേ​ര​ത്തേ​യെ​ത്തി​യ​തും പ്ര​വൃ​ത്തി​ക​ളെ ബാ​ധി​ച്ചി​രു​ന്നു. ജ​ല​നി​ര​പ്പ് കു​റ​യാ​ത്ത​തി​നാ​ൽ നാ​മ്പ്രാ​ണി ത​ട​യ​ണ​യു​ടെ നി​ർ​മാ​ണം ത​ട​സ്സ​പ്പെ​ട്ടി​രി​ക്കു​ക​യാ​ണ്. ക​ഴി​ഞ്ഞ മേ​യി​ൽ ത​ന്നെ ത​ട​യ​ണ​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ളി​ൽ ത​ട​സ്സം നേ​രി​ട്ടി​രു​ന്നു. റ​ഗു​ലേ​റ്റ​റി​ന്റെ 5 തൂണുകൾ സ്ഥാ​പി​ച്ച​ത​ല്ലാ​തെ മ​റ്റു പ​ണി​ക​ളൊ​ന്നും പൂ​ർ​ത്തി​യാ​യി​ട്ടി​ല്ല. വെ​ള്ളം ത​ട​ഞ്ഞു​നി​ർ​ത്താ​നു​ള്ള ഷ​ട്ട​റു​ക​ൾ നേ​ര​ത്തേ നി​ർ​മി​ച്ചി​രു​ന്നെ​ങ്കി​ലും സ്ഥാ​പി​ക്കാ​ൻ പു​ഴ​യി​ലെ ജ​ല​നി​ര​പ്പ് കു​റ​യ​ണം.

അ​തി​നി​ടെ വെ​ള്ളം താ​ഴാ​ൻ കാ​ത്തു​നി​ൽ​ക്കാ​തെ ഷ​ട്ട​റു​ക​ൾ സ്ഥാ​പി​ക്കാ​നാ​കു​മോ എ​ന്ന് പ​രി​ശോ​ധി​ച്ചി​രു​ന്നെ​ങ്കി​ലും ന​ട​ന്നി​ല്ല. ക​ല​ക്ട​റേ​റ്റി​നു താ​ഴെ ശാ​ന്തി​തീ​രം പാ​ർ​ക്കി​നോ​ടു ചേ​ർ​ന്ന് നി​ർ​മി​ക്കു​ന്ന ത​ട​യ​ണ​യു​ടെ ആ​ദ്യ​ഘ​ട്ട പ്ര​വൃ​ത്തി ഏ​പ്രി​ലി​ൽ പൂ​ർ​ത്തി​യാ​ക്കാ​നാ​യി​രു​ന്നു ന​ഗ​ര​സ​ഭ​യു​ടെ നീ​ക്കം. ഷ​ട്ട​റു​ക​ൾ സ്ഥാ​പി​ച്ച് ഒ​ന്നാം​ഘ​ട്ട പ​ണി പൂ​ർ​ത്തി​യാ​ക്കി ഉ​ദ്ഘാ​ട​നം ന​ട​ത്താ​നി​രി​ക്കെ​യാ​ണ് മ​ഴ​യെ​ത്തി​യ​ത്. കേ​ന്ദ്ര​സ​ർ​ക്കാ​ർ ന​ഗ​ര​സ​ഞ്ച​യം പ​ദ്ധ​തി​യി​ൽ ഉ​ൾ​പ്പെ​ടു​ത്തി ര​ണ്ട് ഘ​ട്ട​മാ​യി 22.5 കോ​ടി രൂ​പ ചെ​ല​വി​ലാ​ണ് നാ​മ്പ്രാ​ണി ത​ട​യ​ണ നി​ർ​മി​ക്കു​ന്ന​ത്. ജ​ല​സേ​ച​ന വ​കു​പ്പി​നാ​ണ് നി​ർ​മാ​ണ​ച്ചു​മ​ത​ല.