ഹരിതവിദ്യാലയം റിയാലിറ്റിഷോ: പരിയാപുരം സെൻട്രൽ എ.യു.പി സ്‌കൂളിന് മൂന്നാം സ്ഥാനം

താ​നൂ​ർ: വി​ദ്യാ​ഭ്യാ​സ വ​കു​പ്പ് ന​ട​ത്തു​ന്ന കൈ​റ്റ് ഹ​രി​ത വി​ദ്യാ​ല​യം റി​യാ​ലി​റ്റി ഷോ​യി​ൽ സം​സ്ഥാ​ന​ത​ല​ത്തി​ൽ മൂ​ന്നാം സ്ഥാ​നം നേ​ടി താ​നൂ​ർ പ​രി​യാ​പു​രം സെ​ൻ​ട്ര​ൽ എ.​യു.​പി സ്‌​കൂ​ൾ.

പ​തി​നാ​ലാ​യി​രം സ്കൂ​ളു​ക​ൾ പ​ങ്കെ​ടു​ത്ത റി​യാ​ലി​റ്റി ഷോ​യി​ൽ പ്രൈ​മ​റി വി​ഭാ​ഗ​ത്തി​ലാ​ണ് സെ​ൻ​ട്ര​ൽ എ.​യു.​പി സ്കൂ​ൾ നേ​ട്ടം കൈ​വ​രി​ച്ച​ത്. തിരു​വ​ന​ന്ത​പു​ര​ത്ത് ന​ട​ന്ന ച​ട​ങ്ങി​ൽ മ​ന്ത്രി വി. ​ശി​വ​ൻ​കു​ട്ടി​യി​ൽ​നി​ന്ന് സ്‌​കൂ​ൾ ടീം ​പു​ര​സ്കാ​രം ഏ​റ്റു​വാ​ങ്ങി.

മൂ​ന്നു​ല​ക്ഷം രൂ​പ​ക്കു​ള്ള ഐ.​സി.​ടി ഉ​പ​ക​ര​ണ​ങ്ങ​ളും പ്ര​ശ​സ്തി​പ​ത്ര​വു​മാ​ണ് സ​മ്മാ​ന​മാ​യി ല​ഭി​ച്ച​ത്. 1260 കു​ട്ടി​ക​ൾ പ​ഠി​ക്കു​ന്ന വി​ദ്യാ​ല​യ​ത്തി​ൽ മ​ല​യാ​ളം മീ​ഡി​യം വി​ദ്യാ​ർ​ഥി​ക​ൾ കാ​ഴ്ച​വെ​ച്ച ഇം​ഗ്ലീ​ഷി​ലു​ള്ള മി​ക​ച്ച ഭാ​ഷാ​ശേ​ഷി​യും സ്‌​കൂ​ളി​ലെ മി​ക​ച്ച അ​ക്കാ​ദ​മി​ക, ഭൗ​തി​ക സൗ​ക​ര്യ​ങ്ങ​ളും സവിശേഷതയാ​യി ഉ​യ​ർ​ത്തി​ക്കാ​ണി​ക്ക​പ്പെ​ട്ടു.

പ്രീ​പ്രൈ​മ​റി വി​ഭാ​ഗ​ത്തി​ൽ ന​ട​പ്പാ​ക്കു​ന്ന ‘തു​ന്നാ​ര​ൻ കൂ​ട്’ ശി​ശു​സൗ​ഹൃ​ദ പ​ഠ​ന​പ​ദ്ധ​തി​യും ശ്ര​ദ്ധി​ക്ക​പ്പെ​ട്ടു. എ​ട്ട് വി​ദ്യാ​ർ​ഥി​ക​ളാ​ണ് ഷോ​യി​ൽ പ​ങ്കെ​ടു​ത്ത​ത്.