മു​ഴു​വ​ൻ പൊ​തു​വി​ദ്യാ​ല​യ​ങ്ങ​ളെ​യും മി​ക​വി​ന്റെ കേ​​​ന്ദ്ര​ങ്ങ​ളാ​ക്കു​ക എ​ന്ന ല​ക്ഷ്യ​ത്തോ​ടെ വി​ദ്യാ​ഭ്യാ​സ വ​കു​പ്പ് വി​വി​ധ പ​ദ്ധ​തി​ക​ൾ ആ​വി​ഷ്ക​രി​ക്കുമ്പോ​ഴും അ​തി​ൽ​നി​ന്നെ​ല്ലാം പു​റ​ത്തു​നി​ർ​ത്ത​പ്പെ​ടു​ന്ന ഒ​രു​കൂ​ട്ടം സ്കൂ​ളു​ക​ളു​ണ്ട്. വാ​ട​ക​ക്കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന​വ. ജി​ല്ല​യി​ലെ 32 സ്കൂ​ളു​ക​ൾ​ക്കാ​ണ് ഈ ​ദു​ര​വ​സ്ഥ. ഭ​ര​ണ​കൂ​ട​ങ്ങ​ൾ മ​ല​പ്പു​റം ജി​ല്ല​യോ​ട് കാ​ണി​ക്കു​ന്ന ക്രൂ​ര​വി​വേ​ച​ന​ത്തി​ന്റെ മ​റ്റൊ​രു ഉ​ദാ​ഹ​ര​ണം. സു​ര​ക്ഷ​ഭീ​ഷ​ണി ഉ​ൾ​പ്പെ​ടെ ഈ ​സ്കൂ​ളു​ക​ൾ നേ​രി​ടു​ന്ന വി​വേ​ച​ന​ങ്ങ​ളെ കു​റി​ച്ച് ‘മാ​ധ്യ​മം’ അ​ന്വേ​ഷ​ണം ഇ​ന്നു​മു​ത​ൽ.

വാ​ട​ക​ക്കെ​ട്ടി​ട​ത്തി​ൽ 32 സ്കൂ​ളു​ക​ൾ; എ​ന്നു​യ​രും ഇ​വ​ർ​ക്ക് സ്വ​ന്തം കെ​ട്ടി​ടം?

ഏ​ത് നി​മി​ഷ​വും നി​ലം​പൊ​ത്തി​യേ​ക്കാ​വു​ന്ന കെ​ട്ടി​ട​ങ്ങ​ൾ, പൊ​ട്ടി​പ്പൊ​ളി​ഞ്ഞ ത​റ​ക​ൾ. ഇ​ടു​ങ്ങി​യ ക്ലാ​സ് മു​റി​ക​ൾ... ജി​ല്ല​യി​ൽ വാ​ട​ക​ക്കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന 32 സ്കൂ​ളു​ക​ളി​ൽ പ​ല​തി​​ന്റെ​യും അ​വ​സ്ഥ​യാ​ണി​ത്. വാ​ട​ക​ക്കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന സം​സ്ഥാ​ന​ത്തെ 123 സ്കൂ​ളു​ക​ളി​ൽ 32 എ​ണ്ണ​വും മ​ല​പ്പു​റം ജി​ല്ല​യി​ലാ​ണ് എ​ന്ന​ത് വി​ക​സ​ന രം​ഗ​ത്ത് മാ​റി​മാ​റി വ​ന്ന സ​ർ​ക്കാ​റു​ക​​ൾ ജി​ല്ല​യോ​ട് കാ​ണി​ക്കു​ന്ന ക്രൂ​ര​വി​വേ​ച​നം വെ​ളി​പ്പെ​ടു​ത്തു​ന്നു. ഇ​തി​ൽ 30 എ​ണ്ണം സ​ർ​ക്കാ​ർ സ​കൂ​ളു​ക​ളാ​ണ്. ബാ​ക്കി ര​ണ്ടെ​ണ്ണം എ​യ്ഡ​ഡ് വി​ദ്യാ​ല​യ​ങ്ങ​ളും. ഇ​വ​യി​ൽ ഒ​ന്നൊ​ഴി​കെ എ​ല്ലാം കു​രു​ന്നു​ക​ൾ പ​ഠി​ക്കു​ന്ന എ​ൽ.​പി, യു.​പി സ്കൂ​ളു​ക​ളും. ഇ​തി​ൽ പ​ല സ്കൂ​ളു​ക​ളും ഒ​രു​നൂ​റ്റാ​ണ്ടും അ​തി​ലേ​റെ​യും പ​ഴ​ക്ക​മു​ള്ള​വ​യാ​ണ്. പൊ​തു​വി​ദ്യാ​ഭ്യാ​സ വ​കു​പ്പ് ന​ൽ​കി​യ വി​വ​രാ​വ​കാ​ശ മ​റു​പ​ടി​യി​ലാ​ണ് ഇ​ക്കാ​ര്യ​ങ്ങ​ളു​ള്ള​ത്. 

അ​വ​ർ​ക്കും ഹൈ​ടെ​ക് ക്ലാ​സ് മു​റി​ക​ൾ​ക്ക് അ​ർ​ഹ​ത​യി​ല്ല?

പൊ​തു​വി​ദ്യാ​ഭ്യാ​സ​വ​കു​പ്പി​ന്റെ ഫ​ണ്ട്, എം.​എ​ൽ.​എ-​എം.​പി ഫ​ണ്ടു​ക​ൾ, കേ​ന്ദ്ര​സ​ർ​ക്കാ​റി​ന്റെ പ്ര​ത്യേ​ക പ​ദ്ധ​തി​ക​ൾ പ്ര​കാ​ര​മു​ള്ള ഫ​ണ്ടു​ക​ൾ തു​ട​ങ്ങി​യ​വ​യി​ൽ ഒ​ന്നി​നു​പോ​ലും അ​ർ​ഹ​ത​യി​ല്ല ഈ ​സ്കൂ​ളു​ക​ൾ​ക്ക്; കാ​ര​ണം ഒ​ന്ന് മാ​ത്രം, സ്വ​ന്ത​മാ​യി കെ​ട്ടി​ട​മി​ല്ല. ത​ദ്ദേ​ശ സ്ഥാ​പ​ന​ങ്ങ​ൾ അ​നു​വ​ദി​ക്കു​ന്ന പ​രി​മി​ത​മാ​യ വി​ക​സ​ന ഫ​ണ്ട് മാ​ത്ര​മാ​ണ് ഇ​വ​ക്ക് ല​ഭി​ക്കു​ന്ന​ത്.

മി​ക്ക കെ​ട്ടി​ട​ങ്ങ​ളു​ടെ​യും വാ​ട​ക ത​ദ്ദേ​ശ സ്ഥാ​പ​ന​ങ്ങ​ളാ​ണ് ന​ൽ​കു​ന്ന​ത്. ക്ലാ​സ് റൂം ​ഹൈ​ടെ​ക് ആ​ക്ക​ൽ, അ​റ്റ​കു​റ്റ​പ്പ​ണി, പു​തി​യ കെ​ട്ടി​ടം നി​ർ​മി​ക്ക​ൽ, സൗ​ന്ദ​ര്യ​വ​ത്ക​ര​ണം, ശൗ​ചാ​ല​യ നി​ർ​മാ​ണം തു​ട​ങ്ങി ഒ​ട്ടേ​റെ ഇ​ന​ങ്ങ​ൾ​ക്ക് സ​ർ​ക്കാ​ർ സ്കൂ​ളു​ക​ൾ​ക്ക് വി​വി​ധ ഏ​ജ​ൻ​സി​ക​ളി​ൽ​നി​ന്ന് ഫ​ണ്ട് ല​ഭി​ക്കാ​റു​ണ്ട്. എ​ന്നാ​ൽ, ഈ ​സ്കൂ​ളു​ക​ൾ​ക്കും അ​വി​ട​ങ്ങ​ളി​ലെ കു​ട്ടി​ക​ൾ​ക്കും അ​തെ​ല്ലാം നി​ഷേ​ധി​ക്ക​പ്പെ​ടു​ന്നു.

സ​ർ​ക്കാ​റി​ന്റെ പാ​ഴ് വാ​ക്ക്

ജി​ല്ല​യി​ലെ വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന സ്കൂ​ളു​ക​ളെ സം​ബ​ന്ധി​ച്ച് ഇ​പ്പോ​ഴ​ത്തെ കാ​യി​ക മ​ന്ത്രി, 2020ൽ ​നി​യ​മ​സ​ഭ​യി​ൽ ചോ​ദ്യം ഉ​ന്ന​യി​ച്ചി​രു​ന്നു. 2020 മാ​ർ​ച്ച് 13ന് ​അ​ന്ന​ത്തെ വി​ദ്യാ​ഭ്യാ​സ മ​ന്ത്രി പ്ര​ഫ. സി. ​ര​വീ​ന്ദ്ര​നാ​ഥ് ന​ൽ​കി​യ മ​റു​പ​ടി​യി​ൽ 32 സ്കൂ​ളു​ക​ൾ ജി​ല്ല​യി​ൽ വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന​താ​യി വ്യ​ക്ത​മാ​ക്കി​യി​രു​ന്നു.

ഇ​ത്ത​രം വി​ദ്യാ​ല​യ​ങ്ങ​ൾ​ക്ക് സ്വ​ന്ത​മാ​യി സ്ഥ​ലം ക​ണ്ടെ​ത്തി കെ​ട്ടി​ടം നി​ർ​മി​ക്കാ​ൻ ന​ട​പ​ടി സ്വീ​ക​രി​ച്ചി​ട്ടു​​​ണ്ടോ, പൊ​തു​വി​ദ്യാ​ഭ്യാ​സ സം​ര​ക്ഷ​ണ യ​ജ്ഞ​ത്തി​ന്റെ ഭാ​ഗ​മാ​യി വി​ദ്യാ​ഭ്യാ​സ മേ​ഖ​ല​യി​ൽ പു​ത്ത​നു​ണ​ർ​വ് സൃ​ഷ്ടി​ക്കു​ന്ന ഈ ​സ​ന്ദ​ർ​ഭ​ത്തി​ൽ പ്ര​ശ്ന​പ​രി​ഹാ​ര​ത്തി​ന് അ​ടി​യ​ന്ത​ര ന​ട​പ​ടി സീ​ക​രി​ക്കു​മോ എ​ന്ന് കൂ​ടി വി. ​അ​ബ്ദു​റ​ഹ്മാ​ൻ എം.​എ​ൽ.​എ ചോ​ദി​ക്കു​ന്നു​ണ്ട്. സ​ർ​ക്കാ​ർ സ്കൂ​ളു​ക​ൾ സ്വ​ന്തം കെ​ട്ടി​ട​ങ്ങ​ളി​ൽ പ്ര​വ​ർ​ത്തി​ക്കു​ന്ന​തി​ന് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ച്ചു​വ​രു​ന്നു എ​ന്നാ​യി​രു​ന്നു ഈ ​ര​ണ്ട് ചോ​ദ്യ​ങ്ങ​ൾ​ക്കു​മാ​യു​ള്ള വി​ദ്യാ​ഭ്യാ​സ മ​ന്ത്രി​യു​ടെ മ​റു​പ​ടി. എ​ന്നാ​ൽ, 2025 ജൂ​ണി​ൽ പൊ​തു​വി​ദ്യാ​ഭ്യാ​സ വ​കു​പ്പ് ന​ൽ​കി​യ മ​റു​പ​ടി പ്ര​കാ​രം ജി​ല്ല​യി​ലെ 32 സ്കൂ​ളു​ക​ൾ ഇ​പ്പോ​ഴും വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന​താ​യി പ​റ​യു​ന്നു. (തു​ട​രും)

ബാ​ലാ​വ​കാ​ശ ക​മീ​ഷ​ൻ ഉ​ത്ത​ര​വു​ണ്ട്. പ​ക്ഷേ,

നി​ല​മ്പൂ​ർ ന​ഗ​ര​സ​ഭ​യി​ലെ മു​ക്ക​ട്ട ജി.​എ​ൽ.​പി സ്കൂ​ൾ 90 വ​ർ​ഷ​മാ​യി വാ​ട​ക​കെ​ട്ടി​ട​ത്തി​ന്‍റെ പ​രി​മി​തി​ക്കു​ള്ളി​ലാ​ണ്. വാ​ട​ക​ക്കെ​ട്ടി​ട​ത്തി​ൽ ആ​യ​ത് മൂ​ലം കു​ട്ടി​ക​ൾ നേ​രി​ടു​ന്ന അ​വ​കാ​ശ​നി​ഷേ​ധ​ങ്ങ​ൾ ക​ണ​ക്കി​ലെ​ടു​ത്ത് ഭൂ​മി സ​ർ​ക്കാ​ർ ഏ​റ്റെ​ടു​ത്ത് കെ​ട്ടി​ടം നി​ർ​മി​ക്കാ​ൻ ബാ​ലാ​വ​കാ​ശ ക​മീ​ഷ​ൻ ഉ​ത്ത​ര​വു​ണ്ട്. എ​ന്നാ​ൽ, സ​ർ​ക്കാ​ർ ന​ട​പ​ടി​യെ​ടു​ക്കു​ന്നി​ല്ല. 1936ലാ​ണ് മു​ക്ക​ട്ട​യി​ൽ 70 സെ​ന്‍റ് സ്ഥ​ല​ത്ത് സ്കൂ​ൾ പ്ര​വ​ർ​ത്ത​നം ആ​രം​ഭി​ച്ച​ത്. പ്രൈ​മ​റി, പ്രീ ​പ്രൈ​മ​റി ത​ല​ങ്ങ​ളി​ലാ​യി 141 കു​ട്ടി​ക​ളു​ണ്ട്.

സ്ഥ​ല​വു​മാ​യി ബ​ന്ധ​പ്പെ​ട്ട് സ്വ​കാ​ര‍്യ​വ‍്യ​ക്തി​യു​മാ​യി കേ​സ് നി​ല​നി​ൽ​ക്കു​ന്ന​തി​നാ​ൽ കെ​ട്ടി​ട​ങ്ങ​ൾ പു​തു​ക്കി​പ്പ​ണി​യു​ക​യോ പു​തി​യ കെ​ട്ടി​ടം നി​ർ​മി​ക്കു​ക​യോ ചെ​യ്തി​ട്ടി​ല്ല. സ്കൂ​ളു​ക​ളെ​ല്ലാം ഹൈ​ടെ​ക് സം​വി​ധാ​ന​ത്തി​ലേ​ക്ക് മാ​റു​ന്ന സാ​ഹ​ച​ര‍്യ​ത്തി​ലാ​ണ് ഓ​ട്ടി​ട പ​ഴ​യ കെ​ട്ടി​ട​ത്തി​ന്‍റെ മേ​ൽ​ക്കൂ​ര​ക്ക് താ​ഴെ കു​രു​ന്നു​ക​ൾ അ​ക്ഷ​രം നു​ക​രു​ന്ന​ത്. നാ​ട്ടു​കാ​രും അ​ധ‍്യാ​പ​ക​രും സ്വ​രൂ​പി​ച്ച മൂ​ന്ന​ര ല​ക്ഷ​ത്തോ​ളം ചെ​ല​വ​ഴി​ച്ച് 2021ൽ ​കെ​ട്ടി​ടം ന​ന്നാ​ക്കി​യെ​ടു​ത്തി​രു​ന്നു.

വാ​ട​ക​ക്കെ​ട്ടി​ട​ത്തി​ൽ ഒ​രു നൂ​റ്റാ​ണ്ട്!

നൂ​റ് വ​ർ​ഷ​മാ​യി വാ​ട​ക കെ​ട്ടി​ട​ത്തി​ലാ​ണ് മ​ഞ്ചേ​രി അ​രു​കി​ഴാ​യ ജി.​എ​ൽ.​പി സ്കൂ​ൾ പ്ര​വ​ർ​ത്തി​ക്കു​ന്ന​ത്. നി​ല​വി​ലെ സ്‌​കൂ​ള്‍ പ്ര​വ​ര്‍ത്തി​ക്കു​ന്ന സ്ഥ​ല​വും കെ​ട്ടി​ട​വും വി​ല​ക്കു​വാ​ങ്ങാ​ന്‍ ന​ഗ​ര​സ​ഭ ഒ​രു​ക്ക​മാ​ണ്. എ​ന്നാ​ൽ, വി​ട്ടു​ന​ല്‍കാ​ന്‍ ഉ​ട​മ ത​യാ​റാ​യി​ല്ല. 66 കു​ട്ടി​ക​ളാ​ണ് സ്കൂ​ളി​ൽ പ​ഠ​നം ന​ട​ത്തു​ന്ന​ത്. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് കു​ട്ടി​ക​ളു​ടെ എ​ണ്ണ​ത്തി​ൽ കു​റ​വ് വ​ന്നി​ട്ടു​ണ്ട്. നി​ല​വി​ലു​ള്ള സ്ഥ​ലം ത​ന്നെ ഏ​റ്റെ​ടു​ക്ക​ണ​മെ​ന്നാ​ണ് വാ​ർ​ഡ് കൗ​ൺ​സി​ല​റു​ടെ​യും പി.​ടി.​എ​യു​ടെ​യും നി​ല​പാ​ട്.

മ​ഞ്ചേ​രി ന​ഗ​ര​ത്തി​ലെ ത​ന്നെ മ​റ്റൊ​രു പ്രാ​ഥ​മി​ക വി​ദ്യാ​ല​യ​വും വാ​ട​ക​ക്കെ​ട്ടി​ട​ത്തി​ലാ​ണ്. മ​ഞ്ചേ​രി ഹി​ദാ​യ​ത്തു​ൽ മു​സ്‍ലി​മീ​ൻ സ​ഭ 1928ൽ ​സ്ഥാ​പി​ച്ച് 1946ൽ ​സ​ർ​ക്കാ​ർ ഏ​റ്റെ​ടു​ത്ത് ഗ​വ. മാ​പ്പി​ള ലോ​വ​ർ പ്രൈ​മ​റി സ്‌​കൂ​ൾ മ​ഞ്ചേ​രി (ജി.​എം.​എ​ൽ.​പി. സ്‌​കൂ​ൾ) എ​ന്ന് പു​ന​ർ​നാ​മ​ക​ര​ണം ചെ​യ്ത സ്കൂ​ൾ താ​ണി​പ്പാ​റ​യി​ലെ മ​ദ്റ​സ​യി​ലാ​ണ് നി​ല​വി​ൽ പ്ര​വ​ർ​ത്തി​ക്കു​ന്ന​ത്. ഒ​ന്ന് മു​ത​ൽ നാ​ല് വ​രെ ക്ലാ​സു​ക​ളി​ലാ​യി 63 കു​ട്ടി​ക​ളാ​ണു​ള്ള​ത്. സ്കൂ​ളി​ന് താ​ണി​പ്പാ​റ​യി​ൽ സ്ഥ​ലം ക​ണ്ടെ​ത്തി​യ​താ​യി വാ​ർ​ഡ് കൗ​ൺ​സി​ല​ർ ഷ​റീ​ന ജ​വ​ഹ​ർ പ​റ​യു​ന്നു.  

സ​ർ​ക്കാ​റി​ന്റെ ഒ​രൊ​പ്പ് മ​തി!

ഒ​രു നൂ​റ്റാ​ണ്ടി​ലേ​റെ​യാ​യി വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന കൊ​​​ണ്ടോ​ട്ടി കൊ​ട്ടു​ക്ക​ര നെ​ടി​യി​രു​പ്പ് ജി.​എം.​എ​ല്‍.​പി സ്‌​കൂ​ളി​ന്റെ ത​ല​വ​ര മാ​റാ​ൻ സ​ർ​ക്കാ​റി​ന്റെ ഒ​രു തീ​രു​മാ​നം മാ​ത്രം മ​തി. നി​ല​വി​ല്‍ വി​ദ്യാ​ല​യം പ്ര​വ​ര്‍ത്തി​ക്കു​ന്ന സ്ഥ​ല​ത്തി​ന്റെ ഉ​ട​മ​ക​ൾ ത​ന്നെ 20 സെ​ന്റ് സ്ഥ​ലം വി​ട്ടു​കൊ​ടു​ക്കാ​ന്‍ സ​ന്ന​ദ്ധ​ത അ​റി​യി​ച്ചി​ട്ടു​ണ്ട്. എ​ന്നാ​ല്‍, ഈ ​സ്ഥ​ലം വ​യ​ല്‍ പ്ര​ദേ​ശ​മാ​ണെ​ന്ന കാ​ര​ണ​ത്താ​ല്‍ ഭൂ​മി ഏ​റ്റെ​ടു​ക്ക​ല്‍ ന​ട​പ​ടി​ക​ള്‍ സ​ര്‍ക്കാ​ര്‍ ത​ല​ത്തി​ല്‍ പു​രോ​ഗ​മി​ക്കു​ന്നി​ല്ല.

ഈ​യ​ടു​ത്ത് ഇ​ക്കാ​ര്യം സൂ​ചി​പ്പി​ച്ച് പി.​ടി.​എ വി​ദ്യാ​ഭ്യാ​സ മ​ന്ത്രി​യെ സ​മീ​പി​ച്ചി​രു​ന്നു. ഇ​തി​ല്‍ തു​ട​ര്‍ന​ട​പ​ടി​ക​ളു​ണ്ടാ​കു​മെ​ന്നാ​ണ് പ്ര​തീ​ക്ഷ​യെ​ന്ന് വാ​ര്‍ഡ് കൗ​ണ്‍സി​ല​ര്‍ കെ.​കെ. ഉ​മ്മ​ര്‍ ഫാ​റൂ​ഖ് പ​റ​ഞ്ഞു. നെ​ടി​യി​രു​പ്പ് വി​ല്ലേ​ജി​ലെ ത​ന്നെ നെ​ടി​യി​രു​പ്പ് ഗ​വ. എ​ല്‍.​പി സ്‌​കൂ​ളും ഒ​രു നൂ​റ്റാ​ണ്ടി​ലേ​റെ​യാ​യി വാ​ട​ക​ക്കെ​ട്ടി​ട​ത്തി​ലാ​ണ്. പ​ഴ​ക്ക​മേ​റി​യ കെ​ട്ടി​ട​ങ്ങ​ളി​ല്‍ ആ​ധു​നി​ക സൗ​ക​ര്യ​ങ്ങ​ളെ​ല്ലാം നി​ഷേ​ധി​ക്ക​പ്പെ​ടു​ക​യാ​ണ് സാ​ധാ​ര​ണ​ക്കാ​രു​ടെ മ​ക്ക​ള്‍ക്ക്.

ചാ​രം​കു​ത്തു​ള്ള നെ​ടി​യി​രു​പ്പ് ഗ​വ. എ​ല്‍.​പി സ്‌​കൂ​ളി​നാ​യി നി​ല​വി​ലെ സ്ഥ​ലം സ​ര്‍ക്കാ​ര്‍ ഏ​റ്റെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ വ​ര്‍ഷ​ങ്ങ​ളാ​യു​ള്ള ആ​വ​ശ്യം. എ​ന്നാ​ല്‍, സ്ഥ​ലം ഏ​റ്റെ​ടു​ക്കാ​ൻ ഫ​ണ്ടി​ല്ലെ​ന്ന് പ​റ​ഞ്ഞ വി​ദ്യാ​ഭ്യാ​സ വ​കു​പ്പ് ഈ ​ആ​വ​ശ്യം അ​വ​ഗ​ണി​ക്കു​ക​യാ​ണ്. നി​ല​വി​ലെ സ്ഥ​ല​ത്തു​നി​ന്ന് 15 സെ​ന്റ് സ്ഥ​ലം ഭൂ​വു​ട​മ വി​ദ്യാ​ല​യ​ത്തി​ന് സൗ​ജ​ന്യ​മാ​യി വി​ട്ടു ന​ല്‍കാ​മെ​ന്ന​റി​യി​ച്ചി​ട്ടു​ണ്ട്. ഇ​തി​നു പു​റ​മെ 15 സെ​ന്റ് സ്ഥ​ലം കൂ​ടി വാ​ങ്ങാ​ന്‍ നാ​ട്ടു​കാ​ര്‍ വി​ദ്യാ​ല​യ വി​ക​സ​ന സ​മി​തി രൂ​പ​വ​ത്ക​രി​ച്ച് ധ​ന​സ​മാ​ഹ​ര​ണ​ത്തി​നു​ള്ള പ്ര​വ​ര്‍ത്ത​ന​ത്തി​ലാ​ണ്. 25 ല​ക്ഷം രൂ​പ കൊ​ണ്ടോ​ട്ടി ന​ഗ​ര​സ​ഭ വി​ട്ടു​ന​ല്‍കാ​മെ​ന്ന് അ​റി​യി​ച്ച​താ​യി സ​മി​തി ചെ​യ​ര്‍മാ​ന്‍ മൊ​ട​പ്പി​ലാ​ശ്ശേ​രി ദി​ലീ​പ് പ​റ​ഞ്ഞു.

സ​ർ​ക്കാ​ർ ആ​വ​ശ്യ​മാ​യ​ത് ചെ​യ്യും -മ​ന്ത്രി വി. ​അ​ബ്ദു​റ​ഹ്മാ​ൻ

വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന സ്കൂ​ളു​ക​ൾ​ക്ക് സ്ഥി​രം കെ​ട്ടി​ട​ത്തി​ന് സ്വ​ന്ത​മാ​യി സ്ഥ​ലം വേ​ണം. സ്ഥ​ലം ഏ​റ്റെ​ടു​ക്ക​ലാ​ണ് ഇ​തി​ൽ വ​ലി​യ ത​ല​വേ​ദ​ന. ജി​ല്ല​യി​ലെ​യും എ​ന്റെ മ​ണ്ഡ​ല​ത്തി​ലെ​യും ഇ​ത്ത​രം സ്കൂ​ളു​ക​ളു​ടെ വി​ഷ​യം വി​ദ്യാ​ഭ്യാ​സ മ​ന്ത്രി​യെ നേ​ര​ത്തെ ധ​രി​പ്പി​ച്ചി​ട്ടു​ണ്ട്. ഭൂ​മി ഏ​റ്റെ​ടു​ത്ത് ന​ൽ​കാ​ൻ സ​ർ​ക്കാ​റി​നെ സം​ബ​ന്ധി​ച്ച് സാ​മ്പ​ത്തി​ക പ്ര​തി​സ​ന്ധി​ക​ളു​ണ്ട്. എ​ങ്കി​ലും ഈ ​വി​ഷ​യ​ത്തി​ൽ തു​ട​ർ ന​ട​പ​ടി​ക​ളു​ണ്ടാ​കും.