മ​ല​പ്പു​റം ജില്ല പ്ലാനിങ് ആൻഡ് റിസോഴ്സ് കേന്ദ്രം നിർമാണം പൂർത്തിയായി

മ​ല​പ്പു​റം: സി​വി​ൽ സ്റ്റേ​ഷ​നി​ൽ ത​ദ്ദേ​ശ വ​കു​പ്പി​നു​ള്ള ജി​ല്ല പ്ലാ​നി​ങ് ആ​ൻ​ഡ് റി​സോ​ഴ്സ് കേ​ന്ദ്ര​ത്തി​ന്‍റെ (ഡി.​പി.​ആ​ർ.​സി) നി​ർ​മാ​ണം പൂ​ർ​ത്തി​യാ​യി.

കെ​ട്ടി​ട​ത്തി​ൽ ഓ​ഫി​സ് പ്ര​വ​ർ​ത്ത​നം ആ​രം​ഭി​ക്കാ​ൻ അ​നു​മ​തി തേ​ടി പ​ഞ്ചാ​യ​ത്ത് ജോ​യ​ന്റ് ഡ​യ​റ​ക്ട​ർ സം​സ്ഥാ​ന ത​ദ്ദേ​ശ വ​കു​പ്പ് പ്രി​ൻ​സി​പ്പ​ൽ ഡ​യ​റ​ക്ട​ർ​ക്ക് ക​ത്ത​യ​ക്കും. ഇ​നി കെ​ട്ടി​ട ന​മ്പ​റും അ​ഗ്നി​ര​ക്ഷ സേ​ന​യു​ടെ സു​ര​ക്ഷ പ​രി​ശോ​ധ​ന​യും മാ​ത്ര​മേ പൂ​ർ​ത്തീ​ക​രി​ക്കാ​ൻ ബാ​ക്കി​യു​ള്ളൂ. അ​ഗ്നി​ര​ക്ഷ സേ​ന​യു​ടെ പ​രി​ശോ​ധ​ന ന​ട​ത്ത​ണ​മെ​ന്ന് ആ​വ​ശ്യ​പ്പെ​ട്ട് ക​ത്ത് ന​ൽ​കി​യി​ട്ടു​ണ്ട്. സി​വി​ൽ സ്റ്റേ​ഷ​നി​ൽ ജി​ല്ല ട്ര​ഷ​റി ഓ​ഫി​സി​നും ജി​ല്ല സ്പോ​ർ​ട്സ് കൗ​ൺ​സി​ൽ ഓ​ഫി​സി​നു​മി​ട​യി​ലാ​ണ് കെ​ട്ടി​ട നി​ർ​മാ​ണം പൂ​ർ​ത്തി​യാ​ക്കി​യ​ത്.

2019ൽ ​കേ​ന്ദ്ര സ​ർ​ക്കാ​ർ അ​നു​വ​ദി​ച്ച ര​ണ്ടു​കോ​ടി രൂ​പ ഉ​പ​യോ​ഗി​ച്ചാ​ണ് കെ​ട്ടി​ട നി​ർ​മാ​ണം ആ​രം​ഭി​ച്ച​ത്. തു​ട​ർ​ന്ന് കെ​ട്ടി​ടം പ​ണി പൂ​ർ​ത്തി​യാ​കാ​തെ വ​ന്ന​തോ​ടെ 94 ഗ്രാ​മ​പ​ഞ്ചാ​യ​ത്തു​ക​ളി​ൽ​നി​ന്ന് അ​ധി​ക തു​ക വ​ക​യി​രു​ത്തി​യാ​ണ് നി​ർ​മാ​ണം പൂ​ർ​ത്തി​യാ​ക്കി​യ​ത്. മൂ​ന്ന് നി​ല​ക​ളി​ലു​ള്ള കെ​ട്ടി​ട​ത്തി​ൽ ആ​ദ്യ​ത്തെ​യും ര​ണ്ടാ​മ​ത്തെ​യും നി​ല​ക​ളി​ൽ ത​ദ്ദേ​ശ വ​കു​പ്പ് ജോ​യ​ന്റ് ഡ​യ​റ​ക്ട​റു​ടെ ഓ​ഫി​സു​ക​ൾ പ്ര​വ​ർ​ത്തി​ക്കും. മൂ​ന്നാം നി​ല​യി​ൽ കോ​ൺ​ഫ​റ​ൻ​സ് ഹാ​ളും ജോ​യ​ൻ​റ് ഡ​യ​റ​ക്ട​റു​ടെ ക്യാ​ബി​നു​മു​ണ്ടാ​കും. ത​ദ്ദേ​ശ സ്ഥാ​പ​ന ജ​ന​പ്ര​തി​നി​ധി​ക​ൾ​ക്കു​ള്ള പ​രി​ശീ​ല​ന പ​രി​പാ​ടി​ക​ള​ട​ക്കം ഇ​നി ഈ ​കേ​ന്ദ്ര​ത്തി​ലാ​കും ന​ട​ക്കു​ക. നേ​ര​ത്തേ പ​ഞ്ചാ​യ​ത്ത് വ​കു​പ്പി​ന് കീ​ഴി​ലെ എ​ല്ലാ ഓ​ഫി​സു​ക​ളും പു​തി​യ കെ​ട്ടി​ട​ത്തി​ലേ​ക്ക് മാ​റ്റാ​നാ​യി​രു​ന്നു നി​ശ്ച​യി​ച്ചി​രു​ന്ന​ത്. എ​ന്നാ​ൽ, സ്ഥ​ല പ​രി​മി​തി കാ​ര​ണം എ​ല്ലാ ഓ​ഫി​സു​ക​ളും കേ​ന്ദ്ര​ത്തി​ലേ​ക്ക് മാ​റ്റി​ല്ല.

പ്രി​ൻ​സി​പ്പ​ൽ ഡ​യ​റ​ക്ട​റു​ടെ ക​ത്തി​ൽ മ​റു​പ​ടി ല​ഭി​ക്കു​ന്ന മു​റ​ക്ക് കെ​ട്ടി​ടം പ്ര​വ​ർ​ത്ത​നം ആ​രം​ഭി​ക്കും.