മങ്കട: ഗ്രാമപഞ്ചായത്തിലെ നെൽ കർഷകർക്കുള്ള രണ്ടാം വിള കൃഷിക്കുള്ള ആരംഭിച്ചു. ഗ്രാമപഞ്ചായത്ത് വൈസ് പ്രസിഡന്റ് സലീന ഉമ്മർ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് അഡ്വ. കെ. അസ്ഗർ അലി വിതരണോദ്ഘാടനം നിർവഹിച്ചു. സ്റ്റാൻഡിങ് കമ്മിറ്റി ചെയർമാൻമാരായ ശരീഫ് ചുണ്ടയിൽ, അബ്ബാസലി പോട്ടെങ്ങൽ, അംഗങ്ങളായ അലി അക്ബർ, അബ്ദുൽ സലാം എന്നിവർ സംസാരിച്ചു. പഞ്ചായത്തിലെ ഒമ്പത് പാടശേഖരങ്ങളിലായി 76 ഹെക്ടർ വരുന്ന സ്ഥലത്തേക്ക് ആവശ്യമായ ആറ് ടൺ പൊന്മണി ഇനത്തിൽ പെട്ട നെൽവിത്താണ് ജനകീയാസൂത്രണ പദ്ധതിയുടെ ഭാഗമായി കർഷകർക്ക് സൗജന്യമായി വിതരണം ചെയ്യുന്നത്. പരിപാടിയിൽ കാർഷിക വികസനസമിതി അംഗങ്ങളും പാടശേഖര സമിതി ഭാരവാഹികളും കൃഷിഭവൻ ഉദ്യോഗസ്ഥരും കർഷകരും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.