കോഴിക്കോട്: പ്രായപൂര്ത്തിയാവാത്ത വിദ്യാർഥിനിയെ ലൈംഗികമായി പീഡിപ്പിച്ച കേസിൽ കാക്കൂർ സ്വദേശി സഞ്ജയ് നിവാസിൽ സഞ്ജയ് (33) പോക്സോ നിയമപ്രകാരം അറസ്റ്റിൽ. വെള്ളിമാട്കുന്ന് നിർഭയ ഹോമിൽ താമസിക്കുന്ന 17കാരിയായ വിദ്യാർഥിനിയെ ഇൻസ്റ്റഗ്രാമിലൂടെ പരിചയപ്പെട്ട പ്രതി പ്രലോഭിപ്പിച്ച് കൂട്ടിക്കൊണ്ടുപോയി ലോഡ്ജിലെത്തിച്ച് പീഡിപ്പിച്ചു എന്നാണ് കേസ്.
കഴിഞ്ഞ ചൊവ്വാഴ്ച നിർഭയ എൻട്രി ഹോമിൽനിന്ന് സ്കൂളിലേക്ക് പോകുന്നതിനിടെ പെൺകുട്ടിയെ കാണാതാവുകയായിരുന്നു. അന്ന് രാത്രിതന്നെ ചേവായൂർ പൊലീസ് ബീച്ചിൽവെച്ച് പെൺകുട്ടിയെ കണ്ടെത്തി. തുടർന്ന് ചേവായൂർ പോലീസ് പെൺകുട്ടിയെ സി.ഡബ്ല്യൂസി മുമ്പാകെ ഹാജരാക്കി മൊഴിയെടുത്തതിൽ പെൺകുട്ടി ലൈംഗികമായി പീഡിപ്പിക്കപ്പെട്ട വിവരം വെളിപ്പെടുത്തുകയായിരുന്നു. ടാറ്റൂ ആർട്ടിസ്റ്റായ പ്രതിക്കെതിരെ മയക്കുമരുന്ന് കേസ് നിലവിലുണ്ട്. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.