അബ്ദുല്ല അബൂബക്കറിനെ നാദാപുരം കക്കംവെള്ളിയിൽനിന്ന് സ്വീകരിച്ചാനയിക്കുന്നു
നാദാപുരം: കോമൺവെൽത്ത് ഗെയിംസിൽ വെള്ളി മെഡൽ ജേതാവായ അബ്ദുല്ല അബൂബക്കറിന് നാടിന്റെ ആവേശോജ്ജ്വല വരവേൽപ്.
രണ്ടരയോടെ കക്കംവെള്ളി പാലത്തിനു സമീപത്തുനിന്ന് തുറന്ന ജീപ്പിൽ അബ്ദുല്ല അബൂബക്കറെ സ്വദേശമായ ജാതിയേരിയിലേക്ക് ആനയിച്ചു.
റോഡിന്റെ ഇരുവശങ്ങളിലും പ്രധാന ടൗണുകളിലും തടിച്ചുകൂടിയ ജനക്കൂട്ടം അഭിവാദ്യമർപ്പിച്ചു. പേരോട്, പാറക്കടവ്, ചെക്യാട്, വളയം വഴി ജാതിയേരിയിൽ ഘോഷയാത്ര സമാപിച്ചു.
സ്വീകരണ സമ്മേളനം ഇ.കെ. വിജയൻ എം.എൽ.എ ഉദ്ഘാടനം ചെയ്തു. ബ്ലോക്ക് പ്രസിഡന്റ് കെ.പി. വനജ അധ്യക്ഷത വഹിച്ചു.
ബി.എസ്.എഫ് കമാൻഡന്റ് പ്രഗാർ ത്രിപാഠി, ഗ്രാമ പഞ്ചായത്ത് പ്രസിഡന്റുമാരായ നസീമ കൊട്ടാരം, വി.വി. മുഹമ്മദലി, കെ.പി. പ്രദീഷ്, പി. സുരയ്യ, പി. ഷാഹിന, അഹ്മദ് പുന്നക്കൽ, സൂപ്പി നരിക്കാട്ടേരി, വയലോളി അബ്ദുല്ല, പി.പി. ചാത്തു, കൂടത്താംകണ്ടി സുരേഷ്, സി.വി. കുഞ്ഞികൃഷ്ണൻ, മോഹനൻ പാറക്കടവ്, രജീന്ദ്രൻ കപ്പള്ളി, പി.എം. നാണു, കെ.ടി.കെ. ചന്ദ്രൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.