അഴിയൂരിൽ അപകട ഭീഷണിയായി തണൽ മരച്ചില്ലകൾ

വ​ട​ക​ര: അ​ഴി​യൂ​രി​ൽ യാ​ത്ര​ക്കാ​ർ​ക്കും വി​ദ്യാ​ർ​ഥി​ക​ൾ​ക്കും അ​പ​ക​ട​ഭീ​ഷ​ണി​യു​യ​ർ​ത്തി ത​ണ​ൽ മ​ര​ച്ചി​ല്ല​ക​ൾ. ദേ​ശീ​യ​പാ​ത​യോ​ര​ത്ത് അ​ഴി​യൂ​ർ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ൾ, ഗ്രാ​മ​പ​ഞ്ചാ​യ​ത്ത് ഓ​ഫി​സ് പ​രി​സ​രം തു​ട​ങ്ങി​യ സ്ഥ​ല​ങ്ങ​ളി​ലാ​ണ് മ​ര​ച്ചി​ല്ല​ക​ൾ ഭീ​ഷ​ണി​യാ​യ​ത്. ദേ​ശീ​യ​പാ​ത മൂ​ടി​യ നി​ല​യി​ലാ​ണ് ത​ണ​ൽ മ​ര​ത്തി​ന്റെ ചി​ല്ല​ക​ൾ പ​ട​ർ​ന്നു​പ​ന്ത​ലി​ച്ച​ത്.

​ദി​നം​പ്ര​തി നൂ​റു​ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു​പോ​കു​ന്ന പാ​ത​യു​ടെ വ​ക്കി​ൽ മ​ര​ച്ചി​ല്ല​ക​ൾ അ​പ​ക​ട​ക്കു​രു​ക്കാ​യി മാ​റി​യി​ട്ടും മു​റി​ച്ചു​മാ​റ്റാ​ൻ ന​ട​പ​ടി​യു​ണ്ടാ​യി​ട്ടി​ല്ല. അ​ഴി​യൂ​ർ സ്കൂ​ളി​ന് മു​ൻ​വ​ശ​ത്തെ ബ​സ് സ്റ്റോ​പ്പി​ന് സ​മീ​പ​ത്തും മ​ര​ങ്ങ​ൾ അ​പ​ക​ട​ക്കാ​ഴ്ച​യാ​ണ്. വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള യാ​ത്ര​ക്കാ​ർ ബ​സ് കാ​ത്തു​നി​ൽ​ക്കു​ന്ന​ത് മ​ര​ച്ചി​ല്ല​ക​ൾ​ക്ക് കീ​ഴി​ലാ​ണ്. ക​ഴി​ഞ്ഞ ദി​വ​സം മ​ര​ത്തി​ന്റെ ചി​ല്ല​ക​ൾ പൊ​ട്ടി​വീ​ണ് ഒ​രാ​ൾ​ക്ക് പ​രി​ക്കേ​റ്റി​രു​ന്നു. കാ​ല​വ​ർ​ഷ​മാ​യ​തി​നാ​ൽ കാ​റ്റി​ലും മ​ഴ​യി​ലും മ​ര​ത്തി​ന്റെ ചി​ല്ല​ക​ൾ പൊ​ട്ടി​വീ​ഴാ​ൻ സാ​ധ്യ​ത​യേ​റെ​യാ​ണ്. ദേ​ശീ​യ​പാ​ത നി​ർ​മാ​ണ​ത്തി​ന്റെ ഭാ​ഗ​മാ​യി ത​ണ​ലേ​കി​യ മ​ര​ങ്ങ​ൾ പൂ​ർ​ണ​മാ​യും മു​റി​ച്ചു​മാ​റ്റി​യി​രു​ന്നു. എ​ന്നാ​ൽ, അ​ഴി​യൂ​രി​ലെ ത​ണ​ൽ​മ​ര​ങ്ങ​ൾ ഏ​റെ ആ​ശ്വാ​സ​മാ​യി​രു​ന്നു. ത​ണ​ൽ മ​ര​ങ്ങ​ളു​ടെ ശി​ഖ​ര​ങ്ങ​ൾ വെ​ട്ടി​മാ​റ്റി അ​പ​ക​ടാ​വ​സ്ഥ ഒ​ഴി​വാ​ക്കി സം​ര​ക്ഷി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.