സൂരജ്-ഷഹബാസ് ആൾക്കൂട്ടക്കൊല; ജീവനെടുത്തത് കലാലയത്തിലെ നിസ്സാര തർക്കം

കോ​ഴി​ക്കോ​ട്: സ്കൂ​ളി​ലും കോ​ള​ജി​ലും വെ​ച്ചു​ണ്ടാ​യ നി​സ്സാ​ര കാ​ര്യ​ങ്ങ​ളു​ടെ പേ​രി​ൽ ജി​ല്ല​യി​ൽ ര​ണ്ടു​മാ​സ​ത്തി​നി​ടെ​യു​ണ്ടാ​യ ര​ണ്ടാ​മ​ത്തെ ക്രൂ​ര ​കൊ​ല​പാ​ത​ക​മാ​ണ് മാ​യ​നാ​ട് സ്വ​ദേ​ശി സൂ​ര​ജി​ന്റേ​ത്. താ​മ​ര​ശ്ശേ​രി​യി​ൽ വി​ദ്യാ​ർ​ഥി​ക​ളു​ടെ ക്രൂ​ര മ​ർ​ദ​ന​മേ​റ്റ് എ​ളേ​റ്റി​ൽ എം.​ജെ.​എ​ച്ച്.​എ​സ്.​എ​സ് പ​ത്താം ക്ലാ​സ് വി​ദ്യാ​ർ​ഥി ഷ​ഹ​ബാ​സ് മാ​ർ​ച്ച് ഒ​ന്നി​ന് മ​രി​ച്ച​താ​യി​രു​ന്നു മ​റ്റൊ​ന്ന്. ഈ ​വ​ർ​ഷം ത​ന്നെ സ്കൂ​ളി​ലെ​യും കോ​ള​ജി​ലെ​യും വാ​ക് ത​ർ​ക്ക​ങ്ങ​ൾ കൈ​വി​ട്ടു​പോ​യി വ​ലി​യ സം​ഘ​ർ​ഷ​ങ്ങ​ളാ​യ​തി​നെ ചൊ​ല്ലി​യു​ള്ള കേ​സു​ക​ളും വി​വി​ധ പൊ​ലീ​സ് സ്റ്റേ​ഷ​നു​ക​ളി​ൽ വേ​റെ​യു​മു​ണ്ട്.

വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ നി​സ്സാ​ര കാ​ര്യ​ങ്ങ​ളെ ചൊ​ല്ലി​യു​ണ്ടാ​കു​ന്ന ത​ർ​ക്ക​ങ്ങ​ളി​ൽ പു​റ​ത്തു​നി​ന്ന് ആ​ളെ​ക്കൂ​ട്ടി ഉ​ത്സ​വ സ്ഥ​ല​ങ്ങ​ളി​ലും ബ​സ് സ്റ്റാ​ൻ​ഡു​ക​ളി​ലു​മെ​ല്ലാം ​വെ​ച്ച് ‘ക​ണ​ക്കു​തീ​ർ​ക്കു​ന്ന​താ​ണ്’ പ​ല​പ്പോ​ഴും വ​ലി​യ സം​ഘ​ർ​ഷ​മാ​യി മാ​റു​ന്ന​ത്. കൊ​ടു​വ​ള്ളി, നാ​ദാ​പു​രം, കൊ​യി​ലാ​ണ്ടി, വ​ട​ക​ര അ​ട​ക്ക​മു​ള്ള സ്ഥ​ല​ങ്ങ​ളി​ലാ​ണ് ഇ​ത്ത​രം സം​ഭ​വ​ങ്ങ​ൾ തു​ട​രെ​യു​ണ്ടാ​യ​ത്.

മാ​യ​നാ​ട് ക​ഴി​ഞ്ഞ ദി​വ​സം കൊ​ല്ല​പ്പെ​ട്ട സൂ​ര​ജി​ന്റെ സു​ഹൃ​ത്ത് അ​ശ്വ​ന്തും കേ​സി​ൽ അ​റ​സ്റ്റി​ലാ​യ വി​ജ​യ് മ​നോ​ജും ജൂ​നി​യ​ർ, സീ​നി​യ​ർ വി​ദ്യാ​ർ​ഥി​ക​ളാ​യി പ​ഠി​ക്കു​ന്ന ചെ​ത്തു​ക​ട​വ് എ​സ്.​എ​ൻ.​ഇ.​എ​സ് കോ​ള​ജി​ലു​ണ്ടാ​യ പ​റ​ഞ്ഞു​തീ​ർ​ക്കാ​വു​ന്ന നി​സ്സാ​ര കാ​ര്യ​മാ​ണ് ആ​ൾ​ക്കൂ​ട്ട ആ​ക്ര​മ​ണ​ത്തി​ലേ​ക്കും നാ​ടി​നെ ന​ടു​ക്കി​യ ​കൊ​ല​യി​ലേ​ക്കും ന​യി​ച്ച​ത്.

അ​ശ്വ​ന്തും സു​ഹൃ​ത്തും കോ​ള​ജ് കാ​മ്പ​സി​ൽ കാ​ർ കൊ​ണ്ടു​വ​ന്ന് പാ​ർ​ക്ക് ​ചെ​യ്ത​ത് വി​ജ​യ് മ​നോ​ജ് ചോ​ദ്യം ചെ​യ്തി​രു​ന്നു. നേ​ര​ത്തെ ന​ട​ന്ന ഈ ​സം​ഭ​വ​ത്തെ ചൊ​ല്ലി പ​ല​വ​ട്ടം ഇ​രു​വ​രും ത​മ്മി​ൽ ക​ശ​പി​ശ​യും ഉ​ണ്ടാ​യി. ഇ​ത് വി​ദ്യാ​ർ​ഥി​ക​ൾ​ക്കി​ട​യി​ൽ പ​ക​യാ​യി വ​ള​ർ​ന്ന​താ​ണ് ക്രൂ​ര​മ​ർ​ദ​ന​ത്തി​ലേ​ക്കും കൊ​ല​പാ​ത​ക​ത്തി​ലേ​ക്കും ന​യി​ച്ച​ത് എ​ന്നാ​ണ് കേ​സ​ന്വേ​ഷി​ക്കു​ന്ന ചേ​വാ​യൂ​ർ പൊ​ലീ​സ് ത​ന്നെ പ​റ​യു​ന്ന​ത്.

ശ​നി​യാ​ഴ്ച രാ​ത്രി പാ​ല​ക്കോ​ട്ടു​വ​യ​ൽ തി​രു​ത്തി​ക്കാ​വ് ക്ഷേ​ത്ര​ത്തി​ലെ ഉ​ത്സ​വ​ത്തി​ന് അ​ശ്വ​ന്ത് എ​ത്തി​യ​പ്പോ​ൾ വി​ജ​യ് മ​നോ​ജും കൂ​ട്ടാ​ളി​ക​ളാ​യ 15ഓ​ളം പേ​രും ചേ​ർ​ന്ന് ത​ട​ഞ്ഞു​​വെ​ച്ച​തോ​ടെ ത​ർ​ക്ക​മു​ണ്ടാ​വു​ക​യാ​യി​രു​ന്നു. ഇ​തി​ൽ അ​ശ്വ​ന്തി​നാ​യി സൂ​ര​ജ് ഇ​ട​പെ​ട്ടു. നേ​ര​ത്തെ​യും സൂ​ര​ജ് അ​ശ്വ​ന്തി​ന്റെ ഭാ​ഗം പ​റ​ഞ്ഞി​രു​ന്നു.

ത​ർ​ക്കം പ​റ​ഞ്ഞു​തീ​ർ​ത്ത് എ​ല്ലാ​വ​രും പി​രി​ഞ്ഞെ​ങ്കി​ലും അ​ക്ര​മി സം​ഘം പി​ന്നീ​ട് ​കൊ​ല​വി​ളി ന​ട​ത്തി സൂ​ര​ജി​നെ മ​റ്റൊ​രി​ട​ത്തേ​ക്ക് കൂ​ട്ടി​ക്കൊ​ണ്ടു​പോ​യി ക്രൂ​ര​മാ​യി മ​ർ​ദി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നു. കേ​സി​ൽ അ​ച്ഛ​നും ര​ണ്ടു മ​ക്ക​ളും പ്രാ​യ​​പൂ​ർ​ത്തി​യാ​വാ​ത്ത​യാ​ളു​മ​ട​ക്കം പ​ത്തു​പേ​രെ​യാ​ണ് ചേ​വാ​യൂ​ർ പൊ​ലീ​സ് അ​റ​സ്റ്റു​ചെ​യ്ത​ത്.

ഏ​താ​ണ്ട് സ​മാ​ന​മാ​ണ് ര​ണ്ടു​മാ​സം മു​മ്പു​ണ്ടാ​യ താ​മ​ര​ശ്ശേ​രി​യി​ലെ ഷ​ഹ​ബാ​സ് വ​ധ​വും. താ​മ​ര​ശ്ശേ​രി ട്രി​സ് ട്യൂ​ഷ​​ൻ സെ​ന്റ​റി​ലെ സെ​ന്‍റ് ഓ​ഫ് ച​ട​ങ്ങി​നി​ടെ ക​രോ​ക്കെ ഗാ​ന​മേ​ള ന​ട​ന്നി​രു​ന്നു. ഇ​തി​നി​ടെ മൈ​ക്ക് പ്ര​വ​ർ​ത്ത​ന​ര​ഹി​ത​മാ​യ​പ്പോ​ൾ ഒ​രു വി​ഭാ​ഗം വി​ദ്യാ​ർ​ഥി​ക​ൾ കൂ​കി​വി​ളി​ച്ചു. ഇ​തി​നെ​തി​രെ മ​റു​വി​ഭാ​ഗം രം​ഗ​ത്തു​വ​ന്നു.

പി​ന്നീ​ട് ഇ​ത് വി​ദ്യാ​ർ​ഥി​ക​ൾ​ക്കി​ട​യി​ൽ പ​ക​യാ​യി മാ​റി. വാ​ട്സ് ആ​പ് ഗ്രൂ​പ്പു​ക​ളി​ലും ഇ​ൻ​സ്റ്റ​ഗ്രാം വ​ഴി​യും ഇ​രു വി​ഭാ​ഗ​വും ഭീ​ഷ​ണി മു​ഴ​ക്കി. ദി​വ​സ​ങ്ങ​ൾ​ക്കു​ള്ളി​ൽ താ​മ​ര​ശ്ശേ​രി പ​ഴ​യ ബ​സ് സ്റ്റാ​ൻ​ഡി​ന് സ​മീ​പ​ത്തു​നി​ന്ന് വി​ദ്യാ​ർ​ഥി​ക​ൾ ത​മ്മി​ൽ ഇ​തു​മാ​യി ബ​ന്ധ​പ്പെ​ട്ട് സം​ഘ​ർ​ഷ​മു​ണ്ടാ​വു​ക​യും ഇ​തി​ൽ ക്രൂ​ര മ​ർ​ദ​ന​മേ​റ്റ ഷ​ഹ​ബാ​സ് ചി​കി​ത്സ​ക്കി​ടെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മ​രി​ക്കു​ക​യു​മാ​യി​രു​ന്നു. ഈ ​കേ​സി​ൽ വി​ദ്യാ​ർ​ഥി​ക​ളാ​യ ആ​റു​പേ​രെ​യാ​ണ് താ​മ​ര​ശ്ശേ​രി പൊ​ലീ​സ് അ​റ​സ്റ്റു​ചെ​യ്ത​ത്.

ര​ണ്ടു​മാ​സ​ത്തി​നി​ടെ​യു​ണ്ടാ​യ ര​ണ്ടു കൊ​ല​പാ​ത​ക​ങ്ങ​ളി​ൽ ഒ​ന്ന് കോ​ള​ജ് കാ​മ്പ​സി​ൽ കാ​ർ പാ​ർ​ക്ക് ചെ​യ്ത​തി​നെ ചൊ​ല്ലി​യും മ​റ്റൊ​ന്ന് സെ​ന്റ് ഓ​ഫി​ലെ ഗാ​ന​മേ​ള​ക്കി​ടെ മൈ​ക്ക് ഓ​ഫാ​യ​തു​മാ​യി ബ​ന്ധ​പ്പെ​ട്ടു​മാ​ണ്. ഈ ​ര​ണ്ട് പ്ര​ശ്നം ന​ട​ക്കു​മ്പോ​ഴും സം​ഭ​വ​സ്ഥ​ല​ത്തു​പോ​ലും ഇ​ല്ലാ​ത്ത​വ​രാ​ണ് ഇ​തി​നെ ചൊ​ല്ലി പി​ന്നീ​ടു​ണ്ടാ​യ സം​ഘ​ർ​ഷ​ങ്ങ​ളി​ൽ കൊ​ല്ല​പ്പെ​ട്ട​ത് എ​ന്ന​താ​ണ് വി​ചി​ത്രം.