ഒളിമ്പ്യൻ റഹ്മാൻ സ്റ്റേഡിയം: അറ്റകുറ്റപ്പണിക്ക് മൂന്നുലക്ഷമില്ല; ചാമ്പ്യൻഷിപ്പുകൾ വിടപറയുന്നു

കോ​ഴി​ക്കോ​ട്: കൃ​ത്യ​മാ​യ അ​റ്റ​കു​റ്റ​പ്പ​ണി​യി​ല്ലാ​ത്ത​തി​നാ​ൽ ജി​ല്ല​യു​ടെ അ​ഭി​മാ​ന​മാ​യ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് കാ​മ്പ​സി​ലെ ഒ​ളി​മ്പ്യ​ൻ റ​ഹ്മാ​ൻ സി​ന്ത​റ്റി​ക് സ്റ്റേ​ഡി​യ​ത്തി​ൽ​നി​ന്ന് ചാ​മ്പ്യ​ൻ​ഷി​പ്പു​ക​ൾ അ​ക​ലു​ന്നു. ദേ​ശീ​യ ഗെ​യിം​സ്, ദേ​ശീ​യ സ്കൂ​ൾ​കാ​യി​ക​മേ​ള, ഐ ​ലീ​ഗ് പ്രാ​ഥ​മി​ക മ​ത്സ​ര​ങ്ങ​ൾ തു​ട​ങ്ങി​യ​വ​ക്കും നി​ര​വ​ധി സം​സ്ഥാ​ന ചാ​മ്പ്യ​ൻ​ഷി​പ്പു​ക​ൾ​ക്കും വേ​ദി​യാ​യ സ്റ്റേ​ഡി​യ​ത്തി​നാ​ണ് ഈ ​ദു​ര​വ​സ്ഥ.

സി​ന്ത​റ്റി​ക് ട്രാ​ക്ക് പൊ​ട്ടി​പ്പൊ​ളി​ഞ്ഞ് കി​ട​ക്കു​ന്ന​തി​നാ​ൽ സം​സ്ഥാ​ന അ​ത്‍ല​റ്റി​ക് മീ​റ്റ് കോ​ഴി​ക്കോ​ട്ട് നി​ന്നു മാ​റ്റി തി​രു​വ​ന​ന്ത​പു​ര​ത്തേ​ക്ക് ന​ട​ത്താ​ൻ തീ​രു​മാ​നി​ച്ചി​രി​ക്കു​ക​യാ​ണ്.

ദേ​ശീ​യ ഗെ​യിം​സി​ന്‍റെ ഭാ​ഗ​മാ​യി മ​ല​ബാ​റി​ന് ല​ഭി​ച്ച ആ​ദ്യ സി​ന്ത​റ്റി​ക് ട്രാ​ക്കാ​ണ് അ​റ്റ​കു​റ്റ​പ്പ​ണി ന​ട​ത്താ​തെ ന​ശി​ക്കു​ന്ന​ത്. ട്രാ​ക്ക് അ​റ്റ​കു​റ്റ​പ്പ​ണി​ക്ക് മൂ​ന്നു​ല​ക്ഷം രൂ​പ ചെ​ല​വ് വ​രു​മെ​ന്നും അ​ത് ല​ഭി​ക്കാ​ത്ത​തി​നാ​ലാ​ണ് പ​ണി വൈ​കു​ന്ന​തെ​ന്നും മെ​ഡി​ക്ക​ൽ കോ​ള​ജ് അ​ധി​കൃ​ത​ർ അ​റി​യി​ച്ചു.

14,500 രൂ​പ​യാ​ണ് ഒ​രു​ദി​വ​സ​ത്തേ​ക്കു​ള്ള വാ​ട​ക. ഇ​ത് ജീ​വ​ന​ക്കാ​രു​ടെ ശ​മ്പ​ള​ത്തി​നും മ​റ്റ് ചെ​ല​വു​ക​ൾ​ക്കും മാ​ത്ര​മേ ഉ​ണ്ടാ​കു​ക​യു​ള്ളൂ​വെ​ന്നാ​ണ് മെ​ഡി​ക്ക​ൽ കോ​ള​ജി​ന്‍റെ നേ​തൃ​ത്വ​ത്തി​ലു​ള്ള മാ​നേ​ജി​ങ് ക​മ്മി​റ്റി വ്യ​ക്ത​മാ​ക്കു​ന്ന​ത്. മാ​നേ​ജി​ങ് ക​മ്മി​റ്റി​യി​ൽ സ്പോ​ർ​ട്സ് കൗ​ൺ​സി​ൽ, സ്പോ​ർ​ട് അ​സോ​സി​യേ​ഷ​നു​ക​ൾ, കോ​ർ​പ​റേ​ഷ​ൻ പ്ര​തി​നി​ധി​ക​ളി​ല്ലെ​ന്ന് ആ​ക്ഷേ​പ​മു​ണ്ട്. ട്രാ​ക്കി​നു പു​റ​മെ, മ​റ്റ് അ​ത്‍ല​റ്റി​ക് മ​ത്സ​ര വേ​ദി​ക​ളും ത​ക​ർ​ന്നി​രി​ക്കു​ക​യാ​ണ്.

ജം​പി​ങ് ബി​റ്റ്, ത്രോ​വി​ങ് സെ​റ്റ​റി​ന്‍റെ നെ​റ്റ്, ഹാ​ർ​മ​ർ ട്രോ​യു​ടെ കേ​ജ് എ​ന്നി​വ​ക്കെ​ല്ലാം കോ​ടു​പാ​ട് സം​ഭ​വി​ച്ചി​ട്ടു​ണ്ട്. ക​ന​ത്ത ഫീ​സ് ഈ​ടാ​ക്കി​യി​ട്ടും ട്രാ​ക്ക് പോ​ലും കൃ​ത്യ​മാ​യി പ​രി​പാ​ലി​ക്കാ​ത്ത മെ​ഡി​ക്ക​ൽ കോ​ള​ജ് അ​ധി​കൃ​ത​രു​ടെ നി​ല​പാ​ടി​ൽ പ്ര​തി​ഷേ​ധം വ്യാ​പ​ക​മാ​ണ്.