അബ്ദുല്ല മുഹ്ദാര്, മുബാറക്
കോഴിക്കോട്: നഗരത്തിൽ യാത്രക്കാരനെ ആക്രമിച്ച് മൊബൈൽ ഫോൺ പിടിച്ചുപറിച്ച കേസിലെ പ്രതികൾ അറസ്റ്റിൽ. കൊയിലാണ്ടി ബീച്ച് റോഡിലെ തൗഫത്ത് ഹൗസില് അബ്ദുല്ല മുഹ്ളര് (23), കണ്ണൂര് പുതിയതെരുവ് സ്വദേശി മുബാറക് (23) എന്നിവരെയാണ് ടൗൺ പൊലീസ് അറസ്റ്റ് ചെയ്തത്. ഒക്ടോബർ 15നാണ് കേസിനാസ്പദമായ സംഭവം.
സി.എച്ച് മേൽപാലത്തിനു സമീപം റെയിൽ ട്രാക്കിൽനിന്ന് താമരശ്ശേരി സ്വദേശിയായ ഇരുപതുകാരനെ ആക്രമിച്ചാണ് 17,000 രൂപ വിലവരുന്ന മൊബൈല് ഫോൺ സംഘം തട്ടിപ്പറിച്ച് കടന്നുകളഞ്ഞത്. സംഭവത്തിൽ കേസെടുത്ത പൊലീസ് പ്രതികളുടെ വിവരങ്ങള് പരാതിക്കാരനില്നിന്നു മനസ്സിലാക്കിയാണ് അറസ്റ്റ് ചെയ്തത്. പ്രതികൾ മറ്റൊരാള്ക്ക് വിറ്റ മൊബൈല് ഫോണ് പൊലീസ് കണ്ടെടുത്തു. ടൗണ് എസ്.ഐമാരായ സി. ഷൈജു, വി.വി. അബ്ദുൽ സലീം, സീനിയര് സിവില് പൊലീസ് ഓഫിസര്മാരായ സജേഷ് കുമാര്, ഷിബു, സിവില് പൊലീസ് ഓഫിസര്മാരായ കെ. ഷിജിത്ത്, ജിതേന്ദ്രന്, ജംഷാദ് എന്നിവരാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.