കോഴിക്കോട്: പൂര്ണമായി സൗരോർജത്തില് പ്രവര്ത്തിക്കുന്ന സോളാര് ഇ.വി ചാര്ജിങ് സ്റ്റേഷന് വെള്ളിയാഴ്ച കൊടുവള്ളിയിൽ മന്ത്രി പി.എ. മുഹമ്മദ് റിയാസ് ഉദ്ഘാടനം ചെയ്യും. ചാര്ജിങ് സ്റ്റേഷനില് സ്ഥാപിച്ച 50 കിലോവാട്ട് സൗരോർജ സംവിധാനത്തില്നിന്ന് ദിവസം 200 യൂനിറ്റ് വൈദ്യുതി ലഭിക്കും. ഒരു കിലോവാട്ടിന് 20,000 രൂപ നിരക്കില് 50 കിലോവാട്ടിന് 10 ലക്ഷം രൂപ അനെര്ട്ട് സബ്സിഡി നല്കുന്ന പദ്ധതി പ്രകാരമാണ് പ്ലാന്റ് സ്ഥാപിച്ചത്. ഒരേ സമയം രണ്ട് കാറുകള് ചാര്ജ് ചെയ്യുന്നതിനുള്ള 142 കിലോവാട്ട് മെഷീന്, മൂന്ന് ഓട്ടോറിക്ഷകള് ചാര്ജ് ചെയ്യാനുള്ള 10 കിലോവാട്ട് മെഷീന്, ഇലക്ട്രിക് ബൈക്ക്, ഇലക്ട്രിക് സ്കൂട്ടര് എന്നിവ ചാര്ജ് ചെയ്യാനുള്ള 1.5 കിലോവാട്ട് ശേഷിയുള്ള യന്ത്രം എന്നിവയാണ് സ്റ്റേഷനിലുള്ളത്. കൊടുവള്ളിയിലെ വെണ്ണക്കാട് റോയല് ആര്ക്കയിഡ് കണ്വെന്ഷന് സെന്ററില് ഉച്ചക്ക് രണ്ടിന് എം.എല്.എമാരായ പി.ടി.എ റഹീം, എം.കെ മുനീർ, അനെര്ട്ട് ചീഫ് എക്സിക്യൂട്ടീവ് ഓഫീസര് നരേന്ദ്രനാഥ് വെല്ലൂരി എന്നിവര് പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.