ന​വീ​ക​ര​ണം കാ​ത്ത് ഭ​ട്ട് റോ​ഡ് ബീ​ച്ച് പാ​ർ​ക്ക്

കോ​ഴി​ക്കോ​ട്: ഭ​ട്ട് റോ​ഡ് ബീ​ച്ചി​ന​ടു​ത്തു​ള്ള പൊ​ളി​ഞ്ഞ് കി​ട​ക്കു​ന്ന പാ​ർ​ക്ക് ന​വീ​ക​രി​ക്കാ​ത്ത​ത് സൗ​ന്ദ​ര്യ​വ​ത്ക്ക​ര​ണ​ത്തി​ന്‍റെ മേ​നി​പ​റ​യു​ന്ന കോ​ഴി​ക്കോ​ട് ന​ഗ​ര​ത്തി​ന് നാ​ണ​ക്കേ​ടാ​കു​ന്നു. ക​ട​ലാ​ക്ര​മ​ണ​ത്തി​ൽ ത​ക​ർ​ന്ന പാ​ർ​ക്കും ന​ട​പ്പാ​ത​ക​ളും ന​വീ​ക​രി​ക്കാ​ത്ത​ത് അ​പ​ക​ടം ക്ഷ​ണി​ച്ചു​വ​രു​ത്തും. ദി​നം​പ്ര​തി നി​ര​വ​ധി പേ​ർ വ​ന്നി​രി​ക്കു​ന്ന ഭാ​ഗ​മാ​ണ് ത​ക​ർ​ന്നു കി​ട​ക്കു​ന്ന​ത്. ഇ​വി​ടെ​യു​ള്ള വി​ള​ക്കു​കാ​ലു​ക​ളും മ​ഴ​യും വെ​യി​ലും കൊ​ള്ളാ​തി​രി​ക്കാ​നു​ള്ള ചെ​റി​യ കു​ടി​ലു​ക​ളും ക​ട​ലാ​ക്ര​മ​ണ​ത്തി​ൽ ത​ക​ർ​ന്ന നി​ല​യി​ൽ തു​ട​രു​ന്നു. ഇ​ന്റ​ർ​ലോ​ക്കു​ക​ൾ ഇ​ള​കി അ​ടി​യി​ലു​ള്ള പൈ​പ്പും മ​റ്റും പു​റ​ത്തേ​ക്ക് പൊ​ങ്ങി വ​ന്ന അ​വ​സ്ഥ​യി​ലാ​ണ്. ക​ട​ലി​ലേ​ക്കു​ള്ള സ്റ്റ​പ്പു​ക​ളും ത​ക​ർ​ന്നി​ട്ടു​ണ്ട്.

സൗ​ത് ബീ​ച്ചി​നും ക​ട​ൽ​പ്പാ​ല​ങ്ങ​ൾ​ക്കി​ട​യി​ലു​മെ​ന്ന​പോ​ലെ ഭ​ട്ട് റോ​ഡ് ബീ​ച്ചി​ലും അ​വ​ധി ദി​വ​സ​ങ്ങ​ളി​ല​ട​ക്കം വ​ൻ തി​ര​ക്കാ​ണ​നു​ഭ​വ​പ്പെ​ടു​ന്ന​ത്. ടൂ​റി​സം വ​കു​പ്പ് ഭ​ട്ട് റോ​ഡി​ലെ റോ​ഡു​ക​ള​ട​ക്കം ന​വീ​ക​രി​ക്കാ​നും ത​ക​ർ​ന്ന ഭാ​ഗ​ങ്ങ​ൾ വൃ​ത്തി​യാ​ക്കാ​നും ബീ​ച്ച് ന​വീ​ക​രി​ക്കാ​നും പ​ദ്ധ​തി​യി​ട്ടെ​ങ്കി​ലും തു​ട​ർ​ന​ട​പ​ടി​ക​ളി​ലേ​ക്ക് ക​ട​ന്നി​ട്ടി​ല്ല.