കോഴിക്കോട്: ഈ മാസം 28, 29 തീയതികളിൽ നടക്കുന്ന ദ്വിദിന ദേശീയ പണിമുടക്ക് വിജയിപ്പിക്കുന്നതിന്റെ ഭാഗമായി ആക്ഷൻ കൗൺസിലിന്റെയും സമരസമിതിയുടേയും നേതൃത്വത്തിൽ അധ്യാപകരും ജീവനക്കാരും വിവിധ കേന്ദ്രങ്ങളിൽ സായാഹ്ന ധർണ നടത്തി. വെള്ളിമാടുകുന്ന് എൻ.ജി.ഒ യൂനിയൻ സംസ്ഥാന സെക്രട്ടേറിയറ്റ് അംഗം കെ. രാജചന്ദ്രൻ, പാളയത്ത് കെ.എസ്.ടി.എ സംസ്ഥാന എക്സിക്യൂട്ടിവ് അംഗം വി.പി. രാജീവൻ, കൊയിലാണ്ടിയിൽ എൻ.ജി.ഒ യൂനിയൻ സംസ്ഥാന കമ്മിറ്റി അംഗം പി. സത്യൻ, പുതിയങ്ങാടിയിൽ സമരസമിതി നേതാവ് ടി.എം. സജീന്ദ്രൻ, താമ്പാട്ട്താഴം എൻ.ജി.ഒ യൂനിയൻ ജില്ല സെക്രട്ടറി, കെ.പി. രാജേഷ്, അത്തോളി എൻ.ജി.ഒ യൂനിയൻ സംസ്ഥാന കമ്മിറ്റി അംഗം പി.പി. സന്തോഷ്, അരിക്കാട് എൻജി യൂനിയൻ ജില്ല പ്രസിഡന്റ് ഹംസ കണ്ണാട്ടിൽ, മുണ്ടിക്കൽ താഴത്ത് കെ.ജി.ഒ.എ സംസ്ഥാന വൈസ് പ്രസിഡന്റ് പി.പി. സുധാകരൻ, വടകരയിൽ എൻ.ജി.ഒ യൂനിയൻ ജില്ല ജോ. സെക്രട്ടറി അനൂപ് തോമസ്, കല്ലാച്ചിയിൽ എൻ.ജി.ഒ യൂനിയൻ ജില്ല ജോ. സെക്രട്ടറി പി.സി. ഷജീഷ് കുമാർ എന്നിവർ ഉദ്ഘാടനം ചെയ്തു. ബുധനാഴ്ചയും വിവിധ കേന്ദ്രങ്ങളിൽ സായാഹ്ന ധർണകൾ നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.