താമരശ്ശേരി: സ്വകാര്യ വ്യക്തിയുടെ തോട്ടത്തിൽ തീ പിടിത്തം. ഏക്കർ കണക്കിന് കൃഷി കത്തിനശിച്ചു. കോടഞ്ചേരി പഞ്ചായത്തിലെ ഒന്നാം വാർഡിൽപെട്ട കൂന്തളുന്തേരിൽ സ്വകാര്യ വ്യക്തിയുടെ തോട്ടത്തിലാണ് തീപടർന്നത്. വെള്ളിയാഴ്ച രാവിലെ 11ഓടെയാണ് തീപടർന്നത് ശ്രദ്ധയിൽപെട്ടത്. മുക്കത്ത്നിന്ന് രണ്ട് യൂനിറ്റ് അഗ്നി രക്ഷാസേന വാഹനം സ്ഥലത്തെത്തിയെങ്കിലും വാഹനത്തിന് എത്തിപ്പെടാനോ വെള്ളമെത്തിക്കാനോ സാധിച്ചില്ല. തീ കൂടുതൽ സ്ഥലത്തേക്ക് പടരാതിരിക്കാൻ പ്രദേശവാസികളും ചുരം സംരക്ഷണ സമിതി പ്രവർത്തകരും കാട് വെട്ടിമാറ്റി. വൈകീട്ട് നാലോടെയാണ് തീ പടരുന്നത് ഒഴിവായത്. ക്യാപ് ചുരത്തിനു സമീപം കൂന്തളുന്തേരിൽ സ്വകാര്യ വ്യക്തിയുടെ സ്ഥലത്തുണ്ടായ തീപിടിത്തം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.