നടുവണ്ണൂർ: സമഭാവന തിയറ്റേഴ്സ് കാവുന്തറ ഏർപ്പെടുത്തിയ മികച്ച ശബ്ദ കലാകാരനുള്ള ഈ വർഷത്തെ ഖാൻ കാവിൽ പുരസ്കാരത്തിന് ശ്രീകല സന്തോഷ് അർഹയായി. സമഭാവന തിയറ്റേഴ്സിൻെറ 'വെൽക്കം 96' എന്ന പരിപാടിയിലൂടെ അനൗൺസ്മൻെറ് രംഗത്തേക്ക് കടന്നുവന്ന ശ്രീകല ഒട്ടേറെ പരസ്യങ്ങൾക്കും ആകാശവാണിയുടെ നാടകങ്ങൾക്കും ശബ്ദം നൽകിയിട്ടുണ്ട്. 2012 മുതൽ ആകാശവാണിയിൽ കാഷ്വൽ അനൗൺസറായി പ്രവർത്തിക്കുന്ന ശ്രീകല അവിടെ ആർ.ജെ ആയി തുടരുകയും ചെയ്യുന്നു. വിവിധ സ്റ്റേജ് പരിപാടികളുടെ അവതാരകയായും നിരവധി ഹ്രസ്വചിത്രങ്ങളിൽ ഡബ്ബിങ് ആർട്ടിസ്റ്റായും ശ്രദ്ധേയമായ പ്രകടനം കാഴ്ചവെച്ചിട്ടുണ്ട്. പരസ്യകലാരംഗത്തും സ്റ്റേജ് അവതരണ രംഗത്തും സജീവ സാന്നിധ്യമായ ശ്രീകല കോഴിക്കോട് പാവങ്ങാട്ടാണ് താമസം. തൃശൂർ ആകാശവാണിയിൽ ഖാൻ കാവിലിൻെറ സഹപ്രവർത്തകയും റേഡിയോ നാടകങ്ങളിലൂടെ ശ്രദ്ധേയമായ കലാകാരിയും എം.ആർ ഭട്ടതിരിപ്പാടിൻെറ മകളുമായ എം. തങ്കമണി (തൃശൂർ), നാടക സംവിധായകനും തിരക്കഥാകൃത്തുമായ ജയൻ തിരുമന, കോഴിക്കോട് ശിവരാമൻ എന്നിവരടങ്ങിയ ജൂറിയാണ് പുരസ്കാര ജേതാവിനെ തിരഞ്ഞെടുത്തത്. സമഭാവന തിയറ്റേഴ്സ് ജനുവരി 10ന് നടത്തുന്ന ആയിരം ഓർമകൾ എന്ന പരിപാടിയിൽ ജയൻ തിരുമന പുരസ്കാരം സമർപ്പിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.