'തൊഴിലുറപ്പ് പദ്ധതിയെ തകർക്കരുത്'

ബാലുശ്ശേരി: 20 പ്രവൃത്തികൾ മാത്രമേ ഒരു പഞ്ചായത്തിൽ ഒരേ സമയം പാടുള്ളൂ എന്ന നിർദേശം ഒരു കുടുംബത്തിന് 100 തൊഴിൽദിനങ്ങൾ എന്ന പ്രഖ്യാപിത ലക്ഷ്യത്തെ അട്ടിമറിക്കുമെന്നും ഇത്തരം നിർദേശത്തിലൂടെ പദ്ധതിയെ തകർക്കരുതെന്നും എച്ച്.എം.എസ് നിയോജക മണ്ഡലം കമ്മിറ്റി ആവശ്യപ്പെട്ടു. പ്രസിഡന്റ് എ.കെ. രവീന്ദ്രൻ അധ്യക്ഷത വഹിച്ചു. ദിനേശൻ പനങ്ങാട്, വിജേഷ് ഇല്ലത്ത്, എം.എം. ഭരതൻ, ഗണേശൻ തുരുത്യാട് എന്നിവർ സംസാരിച്ചു.