കാഞ്ഞിരപ്പള്ളി: ജനറൽ ആശുപത്രിയില് നവജാതശിശു സൗഹൃദ കെട്ടിട സമുച്ചയത്തിന് 6.16 കോടിയുടെ ഭരണാനുമതി ലഭിച്ചതായി ഗവ. ചീഫ് വിപ്പ് ഡോ. എന്. ജയരാജ് അറിയിച്ചു. 50 കിടക്കകളുടെ ശേഷിയുള്ള സൗകര്യങ്ങളാണ് പുതിയ കെട്ടിടത്തില് ലഭ്യമാകുക. 11000 ചതുരശ്ര അടി വിസ്തൃതിയിലാണ് കെട്ടിടം വരുന്നത്. സമീപ പ്രദേശങ്ങളില് ഏറ്റവും അധികം പ്രസവ ചികിത്സ കൈകാര്യം ചെയ്യുന്ന സര്ക്കാര് ആശുപത്രിയാണിത്.
സ്ത്രീകളുടെയും കുട്ടികളുടെയും ചികിത്സക്കായുള്ള സൗകര്യങ്ങള് മെച്ചപ്പെടുത്തുന്നത് സംബന്ധിച്ച് എം.എല്.എ നല്കിയ നിവേദനത്തിന്റെ അടിസ്ഥാനത്തിലാണ് ഭരണാനുമതി ലഭിച്ചത്. നാഷനല് ഹെല്ത്ത് മിഷന് മുഖേനയാണ് പദ്ധതി നിര്വഹണം. സാങ്കേതിക അനുമതി ലഭ്യമാക്കി ഉടൻ നിര്മാണം ആരംഭിക്കാനാകുമെന്നാണ് പ്രതീക്ഷിക്കുന്നതെന്ന് ചീഫ് വിപ്പ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.